完整藏文原文 · 德格版页 当前仅加载第 7 函德格 106a 版页；藏文 NFD、目录标记与异常页序保留在来源切片中，重复版页行以稳定序号区分。
བཞི་སང་ཁྱིམ་གཞན་དུ་གདུགས་ཚོད་ལ་སྤྱན་དྲངས་ན་དེས་ཀྱང་ཅང་མི་གསུང་བས་གནང་གིས་ཞལ་ཟས་བསོད་པ་མང་པོ་དག་སྟ་གོན་གྱིས་ཤིག །ཁྱིམ་བདག་གི་ཆུང་མ་དེས་ཁྱིམ་བདག་ལས་མཉན་ནས་ཁ་ཟས་གྲང་ཆ་གང་དག་ཡིན་པ་དེ་དག་ནི་དེ་
D3.007.0106a01.01ཉིད་ཀྱི་ཉིན་མོ་སྟ་གོན་བྱས། དྲོ་བག་གང་དག་ཡིན་པ་དེ་དག་ནི་ཕྱི་དེ་ཉིན་པར་སྟ་གོན་བྱས་ནས། ཁྱིམ་བདག་དེ་ནང་པར་སྔར་ལངས་ཏེ་བསམས་པ། གལ་ཏེ་འོག་གི་ས་གཞིར་གདན་བཤམས་ན་ནི་སློང་མོ་པ་དག་འདོང་བ་ན་ལང་ལོང་བྱེད་པར་འགྱུར་ལ། གལ་ཏེ་སྟེང་གི་
D3.007.0106a02.01ས་གཞིར་གདན་བཤམས་ན་ནི་དེར་སྦྲང་བུ་དག་གིས་འཁྲུག་ལོང་བྱེད་པར་འགྱུར་བས་བར་གྱི་ས་གཞིར་གདན་བཤམ་པར་བྱའོ་སྙམ་ནས་དེས་བར་གྱི་ས་གཞིར་སྟན་བཤམས་ནས་ཚེ་དང་ལྡན་པ་འོད་སྲུང་ཆེན་པོ་ལ་མངག་པས་བཙུན་པ་འོད་སྲུང་ཆེན་པོ་གདུགས་ཚོད་
D3.007.0106a03.01གཡར་དགོངས་འཚལ་ན་ད་དེའི་དུས་ལ་བབ་པར་དགོངས་སུ་གསོལ་ཞེས་བསྐུལ་ཏོ། །བཅོམ་ལྡན་འདས་ཀྱིས་གང་གི་ངོར་མགྲོན་དུ་བོས་པ་དེས་དུས་སྔར་དེར་འགྲོ་བར་བྱའོ་ཞེས་བཀའ་སྩལ་པས། དེ་ནས་ཚེ་དང་ལྡན་པ་འོད་སྲུང་ཆེན་པོ་དུས་སྔ་བ་ཁོ་ནར་ཤམ་ཐབས་
D3.007.0106a04.01བགོས་ལྷུང་བཟེད་དང་ཆོས་གོས་ཐོགས་ཏེ་ཁྱིམ་བདག་དེའི་སྡུམ་པ་ག་ལ་བ་དེར་སོང་སྟེ་ཕྱིན་ནས་བར་གྱི་ས་གཞིར་འཛེགས་ཏེ་སྟན་བཤམས་པ་ཉིད་ལ་འདུག་གོ། །དེ་ནས་ཁྱིམ་བདག་དེས་ཚེ་དང་ལྡན་པ་འོད་སྲུང་ཆེན་པོའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་
D3.007.0106a05.01གཅིག་ཏུ་འདུག་གོ། །མཐའ་གཅིག་ཏུ་འདུག་ནས་ཚེ་དང་ལྡན་པ་འོད་སྲུང་ཆེན་པོ་ཁྱིམ་བདག་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་བྱེད། ཡང་དག་པར་འཛིན་དུ་འཇུད་པར་བྱེད། ཡང་དག་པར་གཟེངས་སྟོད་པར་བྱེད། ཡང་དག་པར་རབ་ཏུ་དགའ་
D3.007.0106a06.01བར་བྱེད་དོ། །དེ་ནས་དགེ་སློང་མ་སྦོམ་དགའ་མོ་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས་དེ་མཐར་གྱིས་བསོད་སྙོམས་ལ་རྒྱུ་བ་ན་ཁྱིམ་དེར་ཞུགས་ཏེ་འདི་སྐད་ཅེས་སྨྲས་སོ། །མཚན་བཟང་ཨ་རོག་གྱ་
D3.007.0106a07.01