完整藏文原文 · 德格版页 当前仅加载第 7 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ། མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །རི་བྲགས་ཤིག་ན་ཁྱིམ་བདག་གཅིག་འདུག་པ་དེས་ཕྱོགས་བཞིའི་དགེ་སྦྱོང་དང་། བྲམ་ཟེ་རྣམས་ཀྱི་དོན་དུ་འདུག་གནས་བྱེད་དུ་བཅུག་སྟེ། དེ་འདུག་
D3.007.0128a01.01གནས་དེ་ན་ཕྱོགས་བཞིའི་དགེ་སྦྱོང་དང་། བྲམ་ཟེ་གང་འདུག་པ་དེ་ལ་བསོད་སྙོམས་ཀྱིས་མཁོ་བ་སྟོབས་པར་བྱེད་དོ། །གང་གི་ཚེ་བཅོམ་ལྡན་འདས་ཀྱིས་མཉན་ཡོད་དུ་ཆོ་འཕྲུལ་ཆེན་པོ་རྣམ་པར་བསྟན་ཏེ། གཞན་མུ་སྟེགས་ཅན་དག་ཚར་བཅད་ཅིང་ལྷ་དང་མི་རྣམས་ཀུན་དུ་དགའ་བར་མཛད། སྐྱེ་
D3.007.0128a02.01བོ་མཛངས་པ་དག་གི་སྙིང་དག་རངས་པར་མཛད་པ་དེའི་ཚེ་ན་གཞན་མུ་སྟེགས་ཅན་དག་མཐའ་འཁོབ་དག་ན་རྟེན་ཅིང་གནས་སོ། །དུས་གཞན་ཞིག་ན་གཅེར་བུ་པ་དྲུག་བཅུ་རི་བྲགས་དེར་ལྷགས་ནས་དེ་དག་ཁྱིམ་བདག་དེའི་གན་དུ་དོང་སྟེ་འདི་སྐད་ཅེས་སྨྲས་སོ། །བཞིན་{བཟངས་,བཟང་}ཆོས་ཐོབ་པར་གྱུར་
D3.007.0128a03.01ཅིག །ཆོས་ཐོབ་པར་གྱུར་ཅིག །ཁྱིམ་བདག་དེས་སྨྲས་པ། ཤེས་ལྡན་དག་རབ་ཏུ་བྱུང་བ་ཡིན་ནམ་ཅི། རབ་ཏུ་བྱུང་བ་དག་ཡིན་ནོ། །ཁྱིམ་བདག་གིས་སྨྲས་པ། མ་ནོངས་ཏེ་བདག་གིས་ཕྱོགས་བཞིའི་དགེ་སྦྱོང་དང་། བྲམ་ཟེ་རྣམས་ཀྱི་དོན་དུ་འདུག་གནས་བགྱིད་དུ་སྩལ་བ་དེར་བཞུགས་
D3.007.0128a04.01ཤིག་དང་། བདག་གིས་ཁྱེད་ཅག་ལ་བསོད་སྙོམས་ཀྱིས་མཁོ་བ་བསྟབས་པར་བགྱིའོ། །དེ་དག་གིས་དེར་གནས་པར་བརྩམས་ནས། ཁྱིམ་བདག་དེ་དེ་དག་ལ་བསོད་སྙོམས་ཀྱིས་མཁོ་བ་སྟོབས་པར་བྱེད་དོ། །མཉན་ཡོད་ན་ཁྱིམ་བདག་དད་པ་ཅན་ཞིག་འདུག་པ་དེ་ཟོང་ཐོགས་ཏེ། རི་བྲགས་
D3.007.0128a05.01དེར་འོངས་ནས་དེ་ཁྱིམ་བདག་དེའི་ཚོང་ཁང་དུ་ཞུགས་ནས། ཁྱིམ་བདག་དེ་དེ་དང་ལྷན་ཅིག་པ་ཤེས་པར་གྱུར་ཏོ། །ཁྱིམ་བདག་དེས་གཅེར་བུ་པ་དེ་དག་ལ་བྲིམ་པར་བརྩམས་ནས་དེས་ཁྱིམ་བདག་དེའི་གན་དུ་མི་མངགས་ཏེ། གྲོགས་པོ་ཚུར་ཤོག་དང་སྦྱིན་གནས་དག་ལ་བྲིམ་པར་བྱའོ་ཞེས་སྦྲན་
D3.007.0128a06.01པ་དང་། ཁྱིམ་བདག་དེ་དད་པ་ཅན་ཡིན་པས་དེས་བསམས་པ། བཅོམ་ལྡན་འདས་ཀྱི་ཉན་ཐོས་དག་ཡིན་གོར་མ་ཆག་གིས་སོང་ལ་བལྟའོ་སྙམ་ནས། དེ་དེར་སོང་བ་དང་། ཇི་ཙམ་ན་གཅེར་བུ་པ་ངོ་ཚ་དང་ཁྲེལ་བོར་བ་ཤ་སྟག་ཡིན་པར་མཐོང་ནས་མངོན་སུམ་དུ་མི་སྙན་པ་བརྗོད་པ་ནི་སྡུག་
D3.007.0128a07.01