完整藏文原文 · 德格版页 当前仅加载第 7 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་སྡུས་ཤིག་ཅེས་བརྗོད་པར་བྱ་ཞིང་། དགེ་སློང་དེས་ཕྱིན་ཅད་དེ་ལྟར་མི་བྱའོ་སྙམ་དུ་སེམས་བསྐྱེད་པར་བྱ་ཞིང་ཚིག་ཏུ་ཡང་བརྗོད་པར་བྱ་སྟེ་ལྟུང་བ་དེ་ཡང་ཆོས་བཞིན་དུ་ཕྱིར་བྱའོ། །དགེ་སློང་དེས་ཀྱང་དགེ་སློང་དེ་ལ་ཁས་བླངས་ནས་གུས་པར་བྱས་ཏེ་བསྡུ་བར་བྱའོ། །གལ་ཏེ་
D3.007.0025a01.01སྡུད་པར་མི་བྱེད་ན་འགལ་ཚབས་ཅན་དུ་འགྱུར་རོ། །གལ་ཏེ་དེར་སོན་ནས་བདག་གིས་དགེ་འདུན་གྱི་གཙུག་ལག་ཁང་དུ་རྩྭའི་གདིང་བའམ། ལོ་མའི་གདིང་བ་བཏིང་ངོ་སྙམ་དུ་དྲན་ཞིང་། གལ་ཏེ་དེ་འདི་སྙམ་དུ་བདག་གིས་ཚངས་པ་མཚུངས་པར་སྤྱོད་པ་མཁས་པ་དག་སྡུད་པར་འགྱུར་རོ་སྙམ་ན།
D3.007.0025a02.01དགེ་སློང་དེས་ཕྱིན་ཅད་དེ་ལྟར་མི་བྱའོ་སྙམ་དུ་སེམས་བསྐྱེད་པར་བྱ་ཞིང་ཚིག་ཏུ་ཡང་བརྗོད་པར་བྱ་སྟེ། ལྟུང་བ་དེ་ཡང་ཆོས་བཞིན་དུ་ཕྱིར་བྱའོ། །གལ་ཏེ་དེར་སོན་ནས་དགེ་སློང་དེར་འགྲོ་བ་མཐོང་ཞིང་གལ་ཏེ་འདི་སྙམ་དུ་འདིས་སྡུད་པར་འགྱུར་རོ་སྙམ་ན། དེ་ལ་འདི་སྐད་ཅེས་ཚེ་དང་ལྡན་པ་ཁོ་
D3.007.0025a03.01བོས་དགེ་འདུན་གྱི་གཙུག་ལག་ཁང་དུ་རྩྭའི་གདིང་བའམ། ལོ་མའི་གདིང་བ་བཏིང་བ་དེ་སྡུས་ཤིག་ཅེས་བརྗོད་པར་བྱ་ཞིང་། དགེ་སློང་དེས་ཕྱིན་ཅད་དེ་ལྟ་བུ་མི་བྱའོ་སྙམ་དུ་སེམས་བསྐྱེད་པར་བྱ་ཞིང་ཚིག་ཏུ་ཡང་བརྗོད་པར་བྱ་སྟེ། ལྟུང་བ་དེ་ཡང་ཆོས་བཞིན་དུ་ཕྱིར་བྱའོ། །དགེ་སློང་དེས་ཀྱང་
D3.007.0025a04.01དགེ་སློང་དེ་ལ་ཁས་བླངས་ནས་གུས་པར་བྱས་ཏེ་བསྡུ་བར་བྱའོ། །གལ་ཏེ་སྡུད་པར་མི་བྱེད་ན་འགལ་ཚབས་ཅན་དུ་འགྱུར་རོ། །དགེ་སློང་གིས་དགེ་འདུན་གྱི་གཙུག་ལག་ཁང་དུ་རྩྭའི་གདིང་བའམ། ལོ་མའི་གདིང་བ་བཏིང་ངམ་འདིང་དུ་བཅུག་ནས་མ་བསྡུས་སམ། སྡུད་དུ་མ་བཅུག་གམ།
D3.007.0025a05.01དགེ་སློང་འཁོད་པ་ལ་མ་བཅོལ་བར་གཙུག་ལག་ཁང་དུ་འདིར་བདག་གིས་སེམས་མཉམ་པར་མ་བཞག་པ་མཉམ་པར་གཞག་གོ་སྙམ་པའམ། སེམས་མཉམ་པར་བཞག་པ་རྣམ་པར་གྲོལ་བར་བྱའོ་སྙམ་པས་ནང་དུ་ཡང་དག་འཇོག་གི་ཕྱིར་འཇུག་པར་བྱེད་ཅིང་། དེ་ཏིང་ངེ་འཛིན་དེ་ལས་མཚན་
D3.007.0025a06.01མོའི་ཐུན་དང་པོའམ་ཐུན་ཕྱེད་ན་ལྡང་བར་བྱེད་ན་གལ་ཏེ་ཕན་ཕུན་དུ་མ་གྱུར་ན་ཉེས་བྱས་སུ་འགྱུར་ལ་གལ་ཏེ་ཕན་ཕུན་དུ་གྱུར་ན་ལྟུང་བྱེད་དུ་འགྱུར་རོ། །དགེ་སློང་གིས་དགེ་འདུན་གྱི་གཙུག་ལག་ཁང་དུ་རྩྭའི་གདིང་བའམ། ལོ་མའི་གདིང་བ་བཏིང་ངམ་འདིང་དུ་བཅུག་ནས་མ་བསྡུས་སམ། སྡུད་
D3.007.0025a07.01