完整藏文原文 · 德格版页 当前仅加载第 7 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་ཚེ་དང་ལྡན་པ་འཆར་ཀའི་མལ་བཤམས་ནས་རྐང་པའི་ཆུ་དང་། རྐང་པ་བསྐུ་བ་མཐའ་གཅིག་ཏུ་བཞག་སྟེ་གཅིག་ལ་གཅིག་སྨྲས་པ། ཚེ་དང་ལྡན་པ་དག་ད་ལྟར་དྲོ་བའི་དུས་ལ་བབ་ཀྱིས་བདག་ཅག་དཔོང་སའི་ཁང་པར་ཞུགས་ཏེ་ཉལ་ལོ་ཞེས་དེ་དག་དཔོང་སའི་ཁང་པར་ཞུགས་
D3.007.0035b01.01ཏེ་ཉལ་ལོ། །ཚེ་དང་ལྡན་པ་འཆར་ཀ་ཡང་ཇི་སྲིད་དུ་དེའི་འདུ་འཛིའི་གཏམ་གྱི་ཟླ་ཡོད་པ་དེ་སྲིད་དུ་འདུག་འདུག་ནས་གང་གི་ཚེ་འདུ་འཛིའི་གཏམ་གྱི་ཟླ་མེད་པ་དེའི་ཚེ་ན་མིག་ལམ་ཆད་པའི་དུས་ཀྱི་ཚེ་གཙུག་ལག་ཁང་དུ་འོངས་ཏེ་ཚེ་དང་ལྡན་པ་དག་ཚེ་དང་ལྡན་པ་དག་ཅེས་བོད་པར་བརྩམས་པ་དང་།
D3.007.0035b02.01དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་འཆར་ཀ་འདམ་བུ་ཐིབས་པོའི་གསེབ་ཏུ་ཞུགས་པ་བཞིན་དུ་ཅི་འབོད། འཆར་ཀས་སྨྲས་པ། འདི་ན་ཁོ་བོའི་གཞོན་ནུ་དག་ཅིག་འཁོད་ན་དེ་དག་ལས་འགའ་ཞིག་ན་བར་མ་གྱུར་ཏམ། དེ་དག་གིས་དེ་ཐོས་ནས་སྨྲས་པ། སློབ་དཔོན་མ་
D3.007.0035b03.01འབོད་ཅིག །གནས་ཁང་འོ་ནིར་གཟིམས་མལ་བཤམས་ཏེ་ཞབས་ཀྱི་ཆབ་དང་། ཞབས་བསྐུ་བ་ཡང་བཞག་གིས་དེར་གཟིམས་ཤིག །བདག་ཅག་ད་ལྟར་དྲོ་བའི་དུས་ལ་བབ་པས་དཔོང་སའི་ཁང་པར་ཞུགས་ཏེ་ཉལ་ལོ། །ཚེ་དང་ལྡན་པ་དག་ཁྱེད་ཅག་གལ་ཏེ་རླུང་ངམ།
D3.007.0035b04.01བད་ཀན་གཡོས་པར་གྱུར་ན་ཁོ་བོས་ཡུན་དེ་སྲིད་དུ་ཁྱེད་ཀྱི་ནད་གཡོག་བྱེད་པར་ག་ལ་ནུས། བྱིབས་ཤིག་ཅེས་དེས་དེ་དག་ནང་དུ་བཙུད་ནས་སྐར་ཁུང་དག་བཅད་དེ་མེ་སྦར་ནས་སྒོ་བཅད་དེ། ལ་བ་ཇི་སྙེད་ཡོད་པ་དག་གིས་དཀྲིས་ཏེ་སྟེང་དུ་མནན་ནས་འདུག་གོ། །དེ་དག་གིས་མཚན་མོའི་
D3.007.0035b05.01ནམ་ནངས་ནས་སྨྲས་པ། སློབ་དཔོན་ཕྱག་འཚལ་ལོ། །བདག་ཅག་མཆིའོ། །གར་འདོང་། མཉན་ཡོད་དུའོ། །སྡོད་ཅིག་དང་ཁོ་བོས་ཁྱེད་ཅག་ན་བ་རྣམས་ཀྱི་ནད་གཡོག་བྱའོ། །སློབ་དཔོན་ཁྱེད་ཀྱིས་བདག་ཅག་མི་ན་བ་ཡང་ན་བར་བྱས་པས་ན་བ་རྣམས་ཀྱི་ནད་གཡོག་བྱས་རེ་
D3.007.0035b06.01སྐན་ཞེས་དེ་དག་མཉན་ཡོད་དུ་དོང་བ་དང་། དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཇི་ལྟ་བདེ་བར་བརྒྱུས་སམ། ཇི་ལྟར་བདེ་བར་བརྒྱུས། བདག་ཅག་སློབ་དཔོན་འཆར་ཀས་མཚན་ཐོག་ཐག་ཐོ་བཙམས་སོ། །
D3.007.0035b07.01