完整藏文原文 · 德格版页 当前仅加载第 7 函德格 36a 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་ལྟར་ཐོ་བཙམས། དེ་དག་གིས་སྐབས་དེ་དགེ་སློང་རྣམས་ལ་རྒྱས་པར་བརྗོད་དོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་ཆེད་དུ་བསམས་ཏེ་དགེ་སློང་རྣམས་ལ་མཐོ་འཚམ་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་
D3.007.0036a01.01སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་ཇི་ཙམ་དུ་ཅུང་ཟད་དགེ་སློང་ལ་མཐོ་འཚམ་པར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་
D3.007.0036a02.01ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཚེ་དང་ལྡན་པ་འཆར་ཀས་དགེ་སློང་གསར་བུ་གསར་བུ་དག་ལ་ཚེ་དང་ལྡན་པ་དག་ཚུར་ཤོག །ལྗོངས་རྒྱུར་འདོང་དང་དེར་བདག་ཅག་གིས་རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱ།
D3.007.0036a03.01རྙེད་པ་ཡང་བསྒྲུབ་པར་བྱ་ཞིང་ཁྱེད་ཅག་ཀྱང་ལྷུང་བཟེད་དང་། ཆོས་གོས་དང་། དྲ་བ་དང་། ཕོར་བུ་དང་། སྐ་རགས་དང་། ལུང་དབོག་པ་དང་། བཀླག་པ་དང་། ཁ་ཏོན་དང་། རྣལ་འབྱོར་དང་། ཡིད་ལ་བྱ་བས་བྲེལ་བ་མེད་པར་བྱའོ། །ཁྱེད་ཅག་ན་བ་དག་གི་ནད་གཡོག་
D3.007.0036a04.01ཀྱང་བྱའོ་ཞེས་སྤྲོ་བར་བྱས་པ་དང་། དེ་གང་གི་ཚེ་ན་དགེ་སློང་རྣམས་ཀྱིས་འདི་གནས་ངན་ལེན་ཀུན་ཏུ་སྤྱོད་པ་ཡིན་ནོ་ཞེས་བྱ་བར་ཤེས་པར་གྱུར་པ་དེའི་ཚེ་ན་འགའ་ཡང་དེ་དང་ལྷན་ཅིག་ལྗོངས་རྒྱུར་འགྲོ་བར་སྤྲོ་བ་མེད་ནས། དེ་གཅིག་པུ་ལྗོངས་རྒྱུར་སོང་བ་ན་རི་བྲགས་ཀྱི་གཙུག་ལག་ཁང་ཞིག་
D3.007.0036a05.01ཏུ་ཕྱིན་ཏོ། །གཙུག་ལག་ཁང་དེ་ན་བཤང་བའི་སྐྱབས་ཀྱང་མེད། གཅི་བའི་སྐྱབས་ཀྱང་མེད་དེ་དེ་ན་དགེ་སློང་དག་གིས་གྱོ་མོ་དག་བཞག་སྟེ། དེར་བཤང་བ་དང་གཅི་བ་དག་བྱས་ནས་འདོར་བར་བྱེད་དོ། །འཆར་ཀ་གཙུག་ལག་ཁང་དེར་ཞུགས་པ་ན་དགེ་སློང་རྣམས་ཀྱིས་འདི་གནས་
D3.007.0036a06.01ངན་ལེན་ཀུན་དུ་སྤྱོད་པ་ཡིན་ནོ་ཞེས་བྱ་བར་དེ་ཤེས་ནས་དགེ་སློང་འགས་ཀྱང་དེ་མཁོས་སུ་མ་ཕབ་པ་དང་། དེས་བསམས་པ། ལྷུང་བཟེད་ནག་པོ་ཅན་འདི་དག་མི་དགའ་བར་བྱའོ་སྙམ་ནས་དེ་གཙུག་ལག་ཁང་དེའི་སྟེང་དུ་འཛེགས་པ་དང་། ཇི་ཙམ་ན་དེས་དེ་ན་གྱོ་མོ་དག་བཞག་པ་
D3.007.0036a07.01