完整藏文原文 · 德格版页 当前仅加载第 7 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
སྤངས་པས་རིགས་ཀྱི་བུ་དག་གང་གི་ཕྱིར་སྐྲ་དང་ཁ་སྤུ་དག་བྲེགས་ཏེ་གོས་སུ་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱེད་པ་ཚངས་པར་སྤྱོད་པའི་མཐའ་བླ་ན་མེད་པ་དེ་ཚེ་དེ་ཉིད་ལ་རང་གི་མངོན་པར་ཤེས་པས་
D3.007.0068a01.01མངོན་སུམ་དུ་བྱས་ཏེ་བསྒྲུབས་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་སྤྱད་དོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་གོ་བར་བྱེད་ཅིང་། དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་
D3.007.0068a02.01དང་ལག་མཐིལ་དུ་མཚུངས་པའི་སེམས་དང་ལྡན་པ། ཙན་དན་བཞག་པ་ལྟ་བུ། རིག་པས་སྒོ་ངའི་སྦུབས་དྲལ་བར་གྱུར་ཅིང་། རིག་པ་དང་། མངོན་པར་ཤེས་པ་དང་། སོ་སོ་ཡང་དག་པར་རིག་པ་ཐོབ་པ། སྲིད་པ་དང་། འདོད་པའི་རྙེད་པ་དང་། བཀུར་སྟི་ལ་རྒྱབ་ཀྱིས་
D3.007.0068a03.01ཕྱོགས་པ། དབང་པོ་དང་ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང་། རྗེད་པར་བྱ་བ་དང་། མངོན་དུ་སྨྲ་བར་བྱ་བར་གྱུར་ཏོ། །ཚེ་དང་ལྡན་པ་ལམ་པ་སྐྱིལ་མོ་ཀྲུང་གིས་འདུག་པ་ཚེ་དང་ལྡན་པ་ལམ་ཆེན་པས་མཐོང་ནས་དགྲ་བཅོམ་པ་དག་ནི་མ་བསམས་པར་ཤེས་
D3.007.0068a04.01པ་དང་། མཐོང་བ་མི་འཇུག་པས་ཚེ་དང་ལྡན་པ་ལམ་ཆེན་པས་ལག་པ་གཉིས་ཀྱིས་ཚེ་དང་ལྡན་པ་ལམ་པ་བཟུང་སྟེ་སྨྲས་པ། ལམ་པ་རེ་ཞིག་ཁ་ཏོན་དག་གྱིས་ཤིག་དང་དེའི་འོག་ཏུ་བསམ་གཏན་པར་འགྱུར་རོ། །ཚེ་དང་ལྡན་པ་ལམ་པས་གླང་པོ་ཆེའི་སྣ་འདྲ་བའི་ལག་པ་བརྐྱང་བ་དང་།
D3.007.0068a05.01ཚེ་དང་ལྡན་པ་ལམ་ཆེན་པས་རྒྱབ་ཏུ་རྣམ་པར་བལྟས་ནས་མཐོང་སྟེ། དེས་སྨྲས་པ། ཚེ་དང་ལྡན་པ་ལམ་པ་ཁྱོད་ཀྱིས་ཡོན་ཏན་གྱི་ཚོགས་དེ་ལྟ་བུ་དག་རྟོགས་སམ། རྟོགས་སོ། །ཐམས་ཅད་དུ་བཅོམ་ལྡན་འདས་ཀྱིས་ལམ་ཆུང་བ་རབ་ཏུ་ཕྱུང་ངོ་ཞེས་སྒྲ་གྲགས་ནས། རྒྱལ་པོའི་ཁབ་
D3.007.0068a06.01ན་འཚོ་བྱེད་གཞོན་ནུས་གསོས་ཀྱིས་བཅོམ་ལྡན་འདས་ཀྱིས་ལམ་ཆུང་བ་རབ་ཏུ་ཕྱུང་ངོ་ཞེས་ཐོས་ནས་དེས་བསམས་པ། གལ་ཏེ་བཅོམ་ལྡན་འདས་རྒྱལ་པོའི་ཁབ་ཏུ་གཤེགས་པར་གྱུར་ན་བཙུན་པ་ལམ་པ་མ་གཏོགས་པ། སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་
D3.007.0068a07.01