完整藏文原文 · 德格版页 当前仅加载第 7 函德格 38b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་འཇུག་བྱ་ཞིང་། །སྡིག་ལས་སེམས་ཀྱང་བཟློག་པར་བྱ། །བསོད་ནམས་བུལ་བར་བྱེད་གྱུར་ན། །ཡིད་ནི་སྡིག་ལ་དགའ་བར་འགྱུར། །ཞེས་མ་གསུངས་སམ། འཕགས་པ་བདག་ལ་ཀཱར་ཥཱ་པ་ཎ་དག་ནི་མཆིས་ན་གླ་མི་དག་མ་མཆིས་སོ། །ཁྱིམ་བདག་བཅོམ་ལྡན་འདས་
D3.007.0038b01.01ཀྱིས་དགེ་སློང་དག་གིས་མཁར་ལན་བྱའོ་ཞེས་མ་གསུངས་སམ། གལ་ཏེ་འཕགས་པས་མཁར་ལན་བགྱིད་དུ་སྩལ་ན་ལེགས་སོ། །འཆར་ཀས་གཙུག་ལག་ཁང་དུ་སོང་སྟེ་གཎྜཱི་བརྡུངས་སོ། །བཅོམ་ལྡན་འདས་ཀྱིས་གཎྜཱི་བསུ་བར་བྱའོ་ཞེས་གསུངས་པས་དགེ་སློང་རྣམས་
D3.007.0038b02.01ཀྱིས་གཎྜཱི་བསུ་བ་དང་། ཇི་ཙམ་ན་ཚེ་དང་ལྡན་པ་འཆར་ཀས་སོ་ཕག་དག་གདེག་པར་བརྩམས་པ་མཐོང་ནས་དགེ་སློང་དག་གིས་ཀྱང་སོ་ཕག་དག་གདེག་པར་བརྩམས་སོ། །འཆར་ཀས་དགེ་སློང་དེ་དག་ཉིན་ཐོག་ཐག་སོ་ཕག་དག་སྐྱེད་དུ་བཅུག་པ་དང་། དེ་དག་གིས་སྨྲས་པ། ཚེ་
D3.007.0038b03.01དང་ལྡན་པ་དག་གཙུག་ལག་ཁང་འདི་སྔོན་ནི་ཁ་ཏོན་དང་མཐུན་པར་གྱུར་ན་ད་ནི་མཁར་ལན་དང་མཐུན་པར་གྱུར་གྱིས་མཉན་ཡོད་དུ་འདོང་ངོ་ཞེས་དེ་དག་མཉན་ཡོད་དུ་དོང་བ་དང་། དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །
D3.007.0038b04.01ཁོ་བོ་ཅག་ཁྱེད་ཅག་མཐོང་བར་ནི་དགའི་འོང་བར་ནི་མི་དགའོ། །གཙུག་ལག་ཁང་དེ་ཁ་ཏོན་དང་མཐུན་པ་ཡིན་ན་ཁྱེད་ཅག་ཅིའི་ཕྱིར་གཙུག་ལག་ཁང་དེ་བོར་ཏེ་འདིར་འོངས། ཚེ་དང་ལྡན་པ་དག་གཙུག་ལག་ཁང་དེ་སྔོན་ནི་ཁ་ཏོན་དང་མཐུན་པར་གྱུར་ན་ད་ནི་མཁར་ལན་དང་མཐུན་པར་གྱུར་ཏོ། །ཇི་
D3.007.0038b05.01ལྟར་གྱུར། ཚེ་དང་ལྡན་པ་འཆར་ཀ་དེར་འོངས་ནས་མཁར་ལན་ཕྱུང་ངོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་ཇི་ཙམ་ཅུང་ཟད་དགེ་སློང་ལ་མཐོ་འཚམ་པར་བྱེད་ན་ཐམས་ཅད་དུ་ལྟུང་བྱེད་དུ་
D3.007.0038b06.01འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཚེ་དང་ལྡན་པ་འཆར་ཀས་དགེ་སློང་གསར་བུ་གསར་བུ་དག་ལ་ཚེ་དང་ལྡན་པ་དག་ཚུར་ཤེག་ལྗོངས་རྒྱུར་འདོང་དང་། དེར་བདག་ཅག་གིས་རྒོལ་བ་
D3.007.0038b07.01