完整藏文原文 · 德格版页 当前仅加载第 7 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
ཐབས་ཅིག་ལྗོངས་བརྒྱུས་ནས་མཉན་ཡོད་དུ་བྱོན་ཅེས་ཐོས་ནས། དེས་སངས་རྒྱས་ལ་སོགས་པ་དགེ་སློང་གི་དགེ་འདུན་གློ་བུར་དུ་གཤེགས་པ་རྣམས་གདུགས་ཚོད་ལ་སྤྱན་དྲངས་སོ། །དེ་དག་གིས་བསམས་པ། ལམ་གྱི་ཆོས་གོས་དག་བཞག་སྟེ། ཆོས་གོས་གཞན་དག་གྱོན་
D3.007.0275b01.01ལ་འདོང་ངོ་སྙམ་ནས་དེ་དག་ཉེ་དགའི་གན་དུ་དོང་སྟེ་ཆོས་གོས་གཏམས་པ་དག་ཕྱུང་སྟེ་བལྟས་པ་དང་། དྲི་མ་ཅན་དུ་གྱུར་པས་ངོ་མ་ཤེས་ནས་དེ་དག་གིས་སྨྲས་པ། མཁན་པོ་བདག་ཅག་གི་ཆོས་གོས་དེ་དག་འདི་དག་ལགས་སམ། ཉེ་{དགའས་,དགས་}སྨྲས་པ། ཚེ་དང་ལྡན་པ་དག་ཁོ་
D3.007.0275b02.01བོས་ཁྱེད་ལ་ཁོ་བོ་ནི་དགེ་སློང་ཚུལ་ཁྲིམས་དང་ལྡན་པ་ཡིན་པ་རྩྭས་བཅིངས་ན་ཡང་དུས་བྱེད་པར་འགྱུར་གྱིས། མཚན་མ་ལེགས་པར་ཐོབ་ལ་ཞོག་ཤིག་དང་ཕྱིར་ལྷགས་པ་ན་རང་རང་གིས་བླང་སླ་བར་འགྱུར་རོ། །ཞེས་མ་སྨྲས་སམ། ཇི་ཙམ་ན་དགེ་སློང་ཅིག་གིས་རང་གི་
D3.007.0275b03.01ཆོས་གོས་སྲུབས་ལས་ངོ་ཤེས་ནས་དེས་སྨྲས་པ། ཚེ་དང་ལྡན་པ་དག་ཆོས་གོས་འདི་དག་ནི་ཁོ་བོའི་ཡིན་ན་མཁན་པོས་སྤྱད་དོ། །ཉེ་{དགའས་,དགས་}སྨྲས་པ། བཀྲེན་པ་དག་ཁྱེད་ཅག་དེ་ལྟར་མི་དགའ་བར་བྱའོ། །དེ་དག་གིས་སྨྲས་པ། ཚེ་དང་ལྡན་པ་དག་འདི་དག་པས་ནི་
D3.007.0275b04.01ལམ་གྱི་ཆོས་གོས་དག་ཆེས་བཟང་གི་དེ་དག་གྱོན་ཏེ་འདོང་ངོ་ཞེས་དེ་དག་ལམ་གྱི་ཆོས་གོས་དག་གྱོན་ཏེ་དེར་དོང་བ་དང་། དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་ཁྱེད་ཅག་གིས་ཆོས་གོས་དག་ཅིག་གཏམས་ཏེ་བཞག་ན་ཅིའི་ཕྱིར་ལམ་གྱི་ཆོས་གོས་
D3.007.0275b05.01དག་གྱོན་ཏེ་འོངས། དེ་དག་གིས་སྨྲས་པ། གཏམས་ཏེ་བཞག་གོ། །འོ་ན་ཅིའི་ཕྱིར་དེ་དག་མི་གྱོན། དེ་དག་གིས་སྐབས་དེ་རྒྱས་པར་བརྗོད་པ་དང་། དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་དགེ་སློང་ལ་ཆོས་གོས་བྱིན་ནས་དེའི་འོག་ཏུ་རྡེང་མེད་པར་སྤྱོད་པར་བྱེད་
D3.007.0275b06.01ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་
D3.007.0275b07.01