完整藏文原文 · 德格版页 当前仅加载第 7 函德格 238b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱེར་ཏེ་སོང་ཤིག །བུ་མོ་དེས་དེ་ཁྱེར་ཏེ་སོང་ནས་ས་ག་ལ་སྨྲས་པ། ཇོ་མོ་རྒྱན་དེ་འཚལ་ཏེ་མཆིས་པ་འདི་ལགས་སོ། །ས་གས་བུ་རྣམས་ལ་སྨྲས་པ། བུ་དག་རྒྱན་དེ་ཁྱེར་ཏེ་འོངས་པ་འདི་ཡིན་ཏེ། ཁོ་མོས་ཁོ་མོ་ནི་ནོར་ཆུད་མི་ཟ་བ་ཡིན་ནོ་ཞེས་མ་སྨྲས་སམ། བུ་
D3.007.0238b01.01དེ་དག་གིས་བུ་མོ་དེ་ལ་དྲིས་པ། བུ་མོ་འཕགས་པ་གང་གིས་སྦེད་དུ་བཅུག་པར་གྱུར། བུ་མོས་སྨྲས་པ། འཕགས་པ་ཀུན་དགའ་བོས་སོ། །དེ་དག་གིས་སྨྲས་པ། འཕགས་པ་ཀུན་དགའ་བོས་གཟིགས་པས་དེས་ན་ཐོབ་པར་ཟད་ཀྱི། གལ་ཏེ་དྲུག་སྡེ་དག་
D3.007.0238b02.01གིས་མཐོང་བར་གྱུར་དུ་ཟིན་ན། དེ་དག་གིས་བཅའ་བའི་རིན་དུ་བྱིན་གྱིས་བརླབས་པར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ། །དེ་དག་གིས་ད་བདག་ཅག་གིས་མ་འདི་ནོར་ཆུད་ཟ་བ་ཡིན་ནམ་མ་ཡིན་པ་བརྟགས་ན་ཤེས་པར་འགྱུར་རོ་སྙམ་ནས། དེ་
D3.007.0238b03.01དག་གིས་མའི་སོར་གདུབ་རྒྱ་བླངས་ཏེ། ཁྲོན་པའི་ནང་དུ་བཅུག་པ་དང་། ས་གས་བུ་མོ་མངག་གཞུག་མ་ལ་སྨྲས་པ། བུ་མོ་ཆུ་ཆུས་ཤིག་དང་ཁྲུས་བྱའོ། །བུ་མོ་དེས་ཆུ་བཅུ་བར་བརྩམས་པ་དང་། དེའི་བུམ་པའི་ནང་དུ་སོར་གདུབ་རྒྱ་དེ་ཆུད་ནས། ས་ག་ཁྲུས་
D3.007.0238b04.01བྱེད་པ་ན་སོར་གདུབ་རྒྱ་དེ་པང་པར་ལྷུང་ནས། ས་གས་བུ་རྣམས་ལ་བསྟན་ཏེ་སྨྲས་པ། བུ་དག་ཁོ་མོས་ཁོ་མོ་ནི་ནོར་ཆུད་མི་ཟ་བ་ཡིན་ནོ་ཞེས་མ་སྨྲས་སམ། ཡང་དེ་དག་གིས་སོར་གདུབ་རྒྱ་དེ་ཆུ་ཀླུང་གནས་ཅན་གྱི་ནང་དུ་འཕངས་པ་དང་། དེ་ཉ་བོ་ཆེས་མིད་ནས་ཉ་བོ་
D3.007.0238b05.01ཆེ་དེ་ཉ་པ་དག་གིས་རྒྱ་མོས་བཅུས་ཏེ་ཕྱུང་ངོ་། །ས་གའི་བུ་མོ་མངག་གཞུག་མ་ཉ་ཤའི་ཕྱིར་ཚོང་དུས་སུ་སོང་ནས། དེས་ཉ་པ་ལས་ཉ་བོ་ཆེ་དེ་ཉོས་ཏེ་བཤས་པ་དང་། ཇི་ཙམ་ན་དེའི་ལྟོ་ནས་སོར་གདུབ་རྒྱ་དེ་བྱུང་བ་མཐོང་ནས། དེས་ས་ག་ལ་སྨྲས་པ། ཇོ་མོ་སོར་གདུབ་
D3.007.0238b06.01རྒྱ་དེ་འདི་ལགས་སོ། །ས་གས་བུ་རྣམས་ལ་དེ་བསྟན་ཏེ་སྨྲས་པ། བུ་དག་ཁོ་མོས་ཁོ་མོ་ནི་ནོར་ཆུད་མི་ཟ་བ་ཡིན་ནོ་ཞེས་མ་སྨྲས་སམ། བུ་དེ་དག་གིས་སྨྲས་པ། ཡུམ་ནོར་ཆུད་མི་ཟ་བ་ལགས་སམ་མ་ལགས་པ་ད་དུང་ཡང་བརྟག་པར་བགྱིའོ་ཞེས་དེ་དག་གིས་དེའི་
D3.007.0238b07.01