完整藏文原文 · 德格版页 当前仅加载第 7 函德格 25b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་མ་བཅུག་གམ། དགེ་སློང་འཁོད་པ་ལ་མ་བཅོལ་བར་གཙུག་ལག་ཁང་དུ་འདིར་བདག་གིས་སེམས་མཉམ་པར་མ་བཞག་པ་མཉམ་པར་གཞག་གོ་སྙམ་པའམ། སེམས་མཉམ་པར་བཞག་པ་རྣམ་པར་གྲོལ་བར་བྱའོ་སྙམ་པས་ནང་དུ་ཡང་དག་འཇོག་གི་ཕྱིར་འཇུག་པར་བྱེད་ཅིང་། དེ་
D3.007.0025b01.01ཏིང་ངེ་འཛིན་དེ་ལས་མཚན་མོའི་གུང་ཐུན་ནམ། ཐུན་ཐ་མའམ། སྐྱ་རེངས་མ་ཤར་བའམ། སྐྱ་རེངས་ཤར་བའམ། ཉི་མ་མ་ཤར་བའམ། ཉི་མ་ཤར་བའམ། ཉི་མའི་བརྒྱད་ཆ་ཤར་བའམ། ཉི་མའི་བཞི་ཆ་ཤར་བའམ། ཕྱེད་མ་ཡོལ་བའམ། ཕྱེད་ཡོལ་བའམ། ཉི་མའི་བཞི་
D3.007.0025b02.01ཆ་ལུས་པའམ། ཉི་མའི་བརྒྱད་ཆ་ལུས་པའམ། ཉི་མ་མ་ནུབ་པའམ། ཉི་མ་ནུབ་པའམ། རྒྱུ་སྐར་དག་མ་ཤར་བའམ། རྒྱུ་སྐར་དག་ཤར་བ་ན་ལྡང་བར་བྱེད་ན། གལ་ཏེ་ཕན་ཕུན་དུ་མ་གྱུར་ན་ཉེས་བྱས་སུ་འགྱུར་ལ། གལ་ཏེ་ཕན་ཕུན་དུ་གྱུར་ན་ལྟུང་བྱེད་དུ་འགྱུར་རོ། །སངས་རྒྱས་བཅོམ་
D3.007.0025b03.01ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་གདིང་བའི་ཕན་ཕུན་དུ་མཆིས། ཉེ་བ་འཁོར་གཉིས་ཏེ། རླུང་གི་ཕན་ཕུན་དང་། སྲིལ་གྱི་ཕན་ཕུན་ནོ། །རླུང་གི་ཕན་ཕུན་གང་ཞེ་ན། རིམ་པ་གཅིག་ནས་རིམ་པ་གཉིས་པའི་བར་དུ་བཟློག་པར་གྱུར་པའོ། །སྲིལ་གྱི་ཕན་ཕུན་
D3.007.0025b04.01གང་ཞེ་ན། རིམ་པ་གཅིག་ནས་རིམ་པ་གཉིས་ཀྱི་བར་དུ་ཕན་ཕུན་དུ་གྱུར་པའོ། །ས་གཞི་རྡོ་བའི་གཞི་ཅན་དང་། བྱེ་མའི་གཞི་ཅན་གང་དུ་ཉེས་དམིགས་དེ་ལྟ་བུ་མི་འབྱུང་བ་ལ་ནི་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་
D3.007.0025b05.01ལྟུང་བ་མེད་དོ། །གདིང་བའི་ལྟུང་བྱེད་དེ་{བཅྭ་,བཅོ་}ལྔ་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཚེ་དང་ལྡན་པ་འཆར་ཀས་དགེ་སློང་གསར་བུ་གསར་བུ་
D3.007.0025b06.01དག་ལ་ཚེ་དང་ལྡན་པ་དག་ཚུར་ཤོག །ལྗོངས་རྒྱུར་འདོང་དང་དེར་བདག་ཅག་གིས་རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱ། རྙེད་པ་ཡང་བསྒྲུབ་པར་བྱ་ཞིང་ཁྱེད་ཅག་ཀྱང་ལྷུང་བཟེད་དང་། ཆོས་གོས་དང་། དྲ་བ་དང་། ཕོར་བུ་དང་། སྐ་རགས་དང་།
D3.007.0025b07.01