完整藏文原文 · 德格版页 当前仅加载第 7 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
མི་མངའ་གོར་མ་ཆག་གིས་འདི་དག་ལ་ན་བཟའ་དབུལ་བར་བྱའོ། །དེ་ལྟར་བགྱིའོ་ཞེས་དེ་དག་གིས་དྲུག་སྡེ་དག་ལ་ལ་བ་སྲིན་བུའི་མདོག་ལྟ་བུ་རེ་རེ་བསྐོན་ཏོ། །དེ་ནས་དྲུག་སྡེ་དག་གིས་སྨྲས་པ། བཞིན་{བཟངས་,བཟང་}དག་ཁྱེད་ཅག་ཡང་དང་ཡང་དུ་བསོད་སྙོམས་ཟོ་ཞིག་ཅེས་ཟེར་ན་བསོད་སྙོམས་
D3.007.0137b01.01ཇི་ལྟ་བུ་སྦྱིན་པ་བལྟས་འོན་ཅིག །དྲུག་སྡེ་དག་ལས་གཅིག་གིས་ཐབ་སྣོད་ལྟ་བུ་བཟེད་ནས་འདིར་ལུགས་ཤིག་ཅེས་སྨྲས་པ་དང་། དོན་མཐུན་དེ་དག་གིས་བསམས་པ། སྣོད་འདི་རེ་ཆེ་ཞིག་སྟེ་འདི་བཀང་བས་འདི་དག་ཐམས་ཅད་ཀྱི་ལྟོ་ཁེངས་པའི་བསོད་སྙོམས་འབྱུང་བར་འགྱུར་རོ་སྙམ་ནས་
D3.007.0137b02.01དེ་དག་གིས་ལམ་རྒྱགས་ལས་སྣོད་དེ་བཀང་སྟེ་ཕུལ་ལོ། །དྲུག་སྡེ་གཞན་གྱིས་ཀྱང་དེ་བཞིན་དུ་མཐར་གྱིས་རེ་རེ་ནས་ཐབ་སྣོད་ལྟ་བུ་རེ་རེ་བཟེད་པ་དང་། ཇི་ཙམ་ན་དོན་མཐུན་དེ་དག་གིས་ལམ་རྒྱགས་ལས་ཐབ་སྣོད་ལྟ་བུའི་སྣོད་དྲུག་བཀང་སྟེ་ཕུལ་བ་དང་། དོན་མཐུན་དེ་དག་གི་ལམ་རྒྱགས་
D3.007.0137b03.01ཐམས་ཅད་ཟད་པར་གྱུར་ནས་དེ་དག་གིས་སྨྲས་པ། འཕགས་པ་དག་བདག་ཅག་གིས་འདིར་ཤུལ་རྒྱགས་ཉུང་ཤས་ཤིག་འཚལ་ཏེ་མཆིས་པ་དེ་དག་ཐམས་ཅད་བས་ཀྱིས། བདག་ཅག་གིས་མི་འདི་ཀཱར་ཥཱ་པ་ཎ་དག་བསྐུར་ཏེ་འཕགས་པ་དག་དང་ཐབས་ཅིག་མཉན་ཡོད་དུ་གཏང་གིས་འཕགས་
D3.007.0137b04.01པ་དག་གིས་བདག་ཅག་གི་ཤུལ་རྒྱགས་དག་འཇོལ་ཏེ་སྩོལ་ལ་བསེལ་བ་དང་བཅས་ཏེ་གཏང་དུ་གསོལ། བཞིན་{བཟངས་,བཟང་}དག་དེ་ལྟར་བྱའོ། །དོན་མཐུན་དེ་དག་གིས་དྲུག་སྡེ་དག་གི་ཕྱི་བཞིན་མི་ཞིག་ཀཱར་ཥཱ་པ་ཎ་དག་བསྐུར་ཏེ་བཏང་བ་དང་། དྲུག་སྡེ་དག་གཙུག་ལག་ཁང་དུ་སོང་སྟེ་མི་
D3.007.0137b05.01དེ་ལ་སྨྲས་པ། བཞིན་{བཟངས་,བཟང་}ཇེ་ལས་འདི་གྱིས་ཤིག །དེས་དེ་བྱས་ནས་དྲུག་སྡེ་དག་གིས་ཡང་སྨྲས་པ། བཞིན་{བཟངས་,བཟང་}ལས་གཞན་འདི་ཡང་གྱིས་ཤིག །དེས་དེ་ཡང་བྱས་པ་དང་། དྲུག་སྡེ་དག་གིས་མི་དེ་རིང་ཞིག་བཀོལ་བཀོལ་ནས་ཇི་ཙམ་ན་ཉི་མ་ཡོལ་བར་གྱུར་པ་
D3.007.0137b06.01དང་། དེའི་འོག་ཏུ་བཏང་སྟེ་སྨྲས་པ། ད་ཉོས་ལ་སོང་ཤིག །མི་དེ་རང་གིས་ལམ་རྒྱགས་དག་ཉོས་ཏེ་འཕགས་པ་དང་། མཉན་ཡོད་ཀྱི་ཉེན་ཀོར་ཐིབས་པོར་སོན་པ་ན་ཆོམ་རྐུན་པ་དག་གིས་བཅོམ་ནས་དེ་གཅིག་པུ་དོན་མཐུན་དག་གི་ནང་དུ་སོང་ངོ་། །དོན་མཐུན་དག་གིས་མཐོང་ནས་
D3.007.0137b07.01