完整藏文原文 · 德格版页 当前仅加载第 7 函德格 32a 版页；藏文 NFD、目录标记与异常页序保留在来源切片中，重复版页行以稳定序号区分。
འདུལ་བ་རྣམ་པར་འབྱེད་པ། བམ་པོ་བཞི་བཅུ་རྩ་ལྔ་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཚེ་དང་ལྡན་པ་འཆར་ཀས་དགེ་སློང་གསར་བུ་གསར་བུ་དག་ལ་ཚེ་དང་ལྡན་པ་དག་ཚུར་
D3.007.0032a01.01ཤེག །ལྗོངས་རྒྱུར་འདོང་དང་དེར་བདག་ཅག་གིས་རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱ། རྙེད་པ་ཡང་བསྒྲུབ་པར་བྱ་ཞིང་། ཁྱེད་ཅག་ཀྱང་ལྷུང་བཟེད་དང་། ཆོས་གོས་དང་། དྲ་བ་དང་། ཕོར་བུ་དང་། སྐ་རགས་དང་། ལུང་དབོག་པ་དང་།
D3.007.0032a02.01བཀླག་པ་དང་། ཁ་ཏོན་དང་། རྣལ་འབྱོར་དང་། ཡིད་ལ་བྱ་བས་བྲེལ་བ་མེད་པར་བྱའོ་ཞེས་སྤྲོ་བར་བྱས་པ་དང་། དེ་དག་གིས་སློབ་དཔོན་དང་། མཁན་པོ་དག་ལ་ཞུས་པ། མཁན་པོ་བདག་ཅག་ལྗོངས་རྒྱུར་མཆིའོ། །སུ་དང་ལྷན་ཅིག་ཏུ། བཙུན་པ་འཆར་ཀ་དང་ངོ་། །ཚེ་དང་ལྡན་
D3.007.0032a03.01པ་དག་དེ་ནི་གནས་ངན་ལེན་ཀུན་དུ་སྤྱོད་པ་ཡིན་པས་ཁྱེད་ལ་མཐོ་འཚམ་པར་འགྱུར་རོ། །མཁན་པོ་བཙུན་པ་འཆར་ཀ་ནི་བདག་ཅག་གི་ཕ་མ་ལྟ་བུར་རྣམ་པར་གནས་པ་ལགས་པས་ཅིའི་སླད་དུ་བདག་ཅག་ལ་མཐོ་འཚམ་པར་འགྱུར་ཞེས་དེ་དག་གིས་དེ་དག་གི་ཚིག་ཚིག་མ་ཡིན་པར་བྱས་ཏེ་དེ་དང་
D3.007.0032a04.01ལྷན་ཅིག་ལྗོངས་རྒྱུར་འཕགས་སོ། །འཆར་ཀས་གང་གི་ཚེ་ཕྱི་རོལ་གྱི་མཚམས་འདས་པ་དེའི་ཚེ་ན་སྨྲས་པ། ཚེ་དང་ལྡན་པ་དག་ཁྱེད་ཅག་ཅིའི་ཕྱིར་གནས་མ་བཅས་པར་ལྗོངས་རྒྱུར་འདོང་བར་བྱེད། ཚུར་ཤེག་གནས་ཆོས་ཤིག་ཅེས་དེས་དེ་དག་མདུན་དུ་ཙོག་པུར་འདུག་ཏུ་བཅུག་སྟེ་གནས་
D3.007.0032a05.01འཆར་བཅུག་གོ། །དེས་དེ་དག་ལ་ལ་ལ་གཏུར་བུ་གཏད། ལ་ལ་ལ་ལྷུང་བཟེད་ཀྱི་སྣོད་གཏད། ལ་ལ་ལ་བར་བུར་སྣོད་གཏད། ལ་ལ་ལ་ཕོར་བུ་གཏད། ལ་ལ་ལ་རིལ་བ་སྤྱི་བླུགས་གཏད་ནས། དེ་ལག་པ་གཉིས་བརྐྱང་སྟེ། རྔུལ་གཟན་ལས་གཞན་མེད་པར་འཇིག་རྟེན་ལ་མཐོ་འཚམ་ཞིང་
D3.007.0032a06.01འགྲོ་བ་ན། དེ་དག་རི་བྲགས་ཤིག་ཏུ་ཕྱིན་ནས་དེ་དག་དེར་ཁྲོན་པ་ཞིག་གི་དྲུང་དུ་ངལ་སོ་བར་བྱེད་པ་ན་དེ་ན་རི་བྲགས་ཀྱི་གཙུག་ལག་ཁང་ཞིག་ཡོད་པ་དེར་གཎྜཱི་བརྡུངས་པ་དང་། དེ་དག་གིས་ཐོས་ནས་སྨྲས་པ། སློབ་དཔོན་གཙུག་ལག་ཁང་དུ་གཎྜཱི་བརྡུངས་ཀྱིས་བཞུད་དོ། །འཆར་ཀས་སྨྲས་པ།
D3.007.0032a07.01