完整藏文原文 · 德格版页 当前仅加载第 7 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
དག་གིས་སྨྲས་པ། འཕགས་པ་འདི་ལ་ཅུང་ཟད་མཁྱེན་པ་མངའ་འམ། འཆར་ཀས་སྨྲས་པ། ཁྱེའུ་དག་སའི་སྟེང་ན་གང་ཁོ་བོས་མི་ཤེས་པའི་ལས་ཀྱི་གནས་དང་། བཟོའི་གནས་དེ་གང་ཡིན། དེ་དག་གིས་སྨྲས་པ། འཕགས་པ་གཡར་སྔ་བྲིམ་གྱིས་གཡོན་
D3.007.0234a01.01འཕོངས་དང་། གཡས་འཕོངས་དང་། གོམ་སྟབས་དང་། འཛིན་སྟབས་དང་། ཞགས་པ་གདབ་པ་དང་། མདའ་བོ་ཆེ་འཕང་བ་དང་། གཅད་པ་དང་། དྲལ་བ་དང་། དབུག་པ་དང་། རྡོ་རྗེ་རྩེ་གཅིག་པ་དང་། མཚོན་རྩེ་གཅིག་པ་འཕང་བ་མཛད་དུ་གསོལ། འཆར་
D3.007.0234a02.01ཀས་གཡོན་འཕོངས་དང་། གཡས་འཕོངས་དང་། གོམ་སྟབས་དང་། འཛིན་སྟབས་དང་། ཞགས་པ་གདབ་པ་དང་། མདའ་བོ་ཆེ་འཕང་བ་སུས་ཀྱང་བྱེད་མི་ནུས་པ་བྱས་ཤིང་རྐེད་ཆིངས་ཀྱིས་བཅིངས་ཏེ་ཕུབ་ཟླུམ་ཐོགས་ནས་གཅད་པ་དང་། དྲལ་བ་དང་། དབུག་པ་ཡང་བྱས་
D3.007.0234a03.01པ་དང་། དེ་དག་ཡ་མཚན་སྐྱེས་ནས་སྨྲས་པ་དང་། འཕགས་པ་ལེགས་སོ་ལེགས་སོ། །འཆར་ཀས་སྨྲས་པ། ཁྱེའུ་དག་བཟོའི་གནས་དེ་ལྟར་བསླབ་པར་བྱ་བའམ། ཡང་ན་སློབ་དཔོན་གཞན་བཙལ་བར་བྱའི་འབྲས་བུ་མེད་པའི་སྦུན་པ་འཕྱར་ཞིང་འཁོད་དེ་ཅི་རུང་ཞེས་སྨྲས་ཏེ་
D3.007.0234a04.01སོང་ངོ་། །ཇི་ཙམ་ན་དེ་དག་གི་སློབ་དཔོན་འོངས་ནས་དེས་སྨྲས་པ། ཁྱེའུ་དག་འཁོད་དེ་ཅི་རུང་། གཡོན་འཕོངས་དང་། གཡས་འཕོངས་དང་། གོམ་སྟབས་དང་། འཛིན་སྟབས་དང་། ཞགས་པ་གདབ་པ་དང་། མདའ་བོ་ཆེ་འཕང་བ་དང་། གཅད་པ་དང་། དྲལ་བ་དང་།
D3.007.0234a05.01དབུག་པ་དང་། རྡོ་རྗེ་རྩེ་གཅིག་དང་། མཚོན་རྩེ་གཅིག་འཕང་བ་གྱིས་ཤིག །དེ་དག་ལག་པ་གཉིས་འདྲིལ་བར་བྱེད། བཞིན་སྒྱུར་བར་བྱེད་ཅིང་སྨྲས་པ། སློབ་དཔོན་ཡང་ད་དུང་ཅི་ཡང་མི་མཁྱེན་ན་བདག་ཅག་གིས་ལྟ་འཚལ་བར་འགྱུར་རེ་སྐན། སློབ་དཔོན་གྱིས་སྨྲས་པ།
D3.007.0234a06.01ཁྱེའུ་དག་སྔོན་མ་བྱུང་བའི་རྣམ་པར་འགྱུར་བ་འདི་ལྟ་བུ་བྱུང་ན་འགའ་ཞིག་འདིར་འོངས་པར་མ་གྱུར་ཏམ། དེ་དག་གིས་སྨྲས་པ། མཆིས་སོ། །སུ། འཕགས་པ་འཆར་ཀ་སྟེ། དེས་གཡོན་འཕོངས་དང་། གཡས་འཕོངས་དང་། གོམ་སྟབས་དང་། འཛིན་སྟབས་དང་། ཞགས་
D3.007.0234a07.01