完整藏文原文 · 德格版页 当前仅加载第 7 函德格 185a 版页；藏文 NFD、目录标记与异常页序保留在来源切片中，重复版页行以稳定序号区分。
དགས་ངན་སོང་དང་། ངན་འགྲོ་དང་། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །
D3.007.0185a01.01དེ་ལ་ལྟུང་བར་ཇི་ལྟར་འགྱུར་ཞེ་ན། ནང་གིས་ཟིན་པ་དང་། ཕྱི་རོལ་དུ་འཕངས་པ་དང་། དེ་གཉི་ག་དང་ལྡན་པས་སོ། །ཇི་ལྟར་ནང་གིས་ཟིན་པས་ཤེ་ན། དགེ་སློང་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་དགེ་སློང་ལ་སོར་མོ་གཅིག་གིས་བརྡེག་པར་གཟས་ན་ལྟུང་བྱེད་དུ་འགྱུར་རོ། །སོར་
D3.007.0185a02.01མོ་གཉིས་དང་། གསུམ་དང་། བཞི་དང་། སོར་མོ་ལྔས་བརྡེག་པར་གཟས་ན་ལྟུང་བྱེད་ལྔར་འགྱུར་རོ། །ཁུ་ཚུར་དང་། གྲུ་མོ་དང་། ཕྲག་པ་དང་། མགོ་དང་། གློ་དང་། རྒྱབ་དང་། རྐེད་པ་དང་། བརླ་དང་། པུས་མོ་དང་། རྗེ་ངར་དང་། ཐ་ན་རྐང་པའི་མཐེ་བོས་བརྡེག་པར་གཟས་ན་
D3.007.0185a03.01ལྟུང་བྱེད་དུ་འགྱུར་ཏེ། དེ་ལྟར་ན་ནང་གིས་ཟིན་པས་སོ། །ཇི་ལྟར་ཕྱི་རོལ་དུ་འཕངས་པས་ཤེ་ན། དགེ་སློང་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་དགེ་སློང་ལ་མདའ་འཕེན་པ་གཟོ་བར་བྱེད་ན་ལྟུང་བྱེད་དུ་འགྱུར་རོ། །མདའ་འཕེན་པ་གཟོ་བ་ཇི་ལྟ་བ་དེ་བཞིན་དུ་ལྕགས་མདའ་དང་། མདའ་
D3.007.0185a04.01ཕྱེད་ལྕགས་ལས་བྱས་པ་དང་། མདེའུ་སྟེའུ་ཀ་མ་དང་། མདེའུ་བེའུ་སོ་ལྟ་བུ་དང་། མདེའུ་ཟུར་བཞི་མ་དང་། མདེའུ་ཀ་ར་བཱི་རའི་འདབ་མ་ལྟ་བུ་དང་། མདེའུ་བྱེའུ་སྙིང་མ་དང་། འཁོར་ལོ་དང་། རྡོ་རྗེ་རྩེ་གཅིག་དང་། མདའ་བོ་ཆེ་དང་། མཚོན་རྩེ་གཅིག་དང་། རྒྱ་ཤུག་གི་ཚིག་
D3.007.0185a05.01གུ་དང་། ཐ་ན་ཡུངས་ཀར་སྤར་གང་གཟས་པར་བྱེད་ན་ཡུངས་ཀར་ཇི་སྙེད་གཟས་པ་དེ་སྙེད་ཀྱི་ལྟུང་བྱེད་དུ་འགྱུར་ཏེ། དེ་ལྟར་ཕྱི་རོལ་དུ་འཕངས་པས་སོ། །ཇི་ལྟར་དེ་གཉི་ག་དང་ལྡན་པས་ཤེ་ན། དགེ་སློང་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་དགེ་སློང་ལ་རལ་གྲིས་གདབ་པར་གཟས་
D3.007.0185a06.01པར་བྱེད་ན་ལྟུང་བྱེད་དུ་འགྱུར་རོ། །རལ་གྲིས་ཇི་ལྟ་བ་དེ་བཞིན་དུ་ཤང་ལང་དང་། རལ་གྲི་སོ་གཅིག་པ་དང་། རལ་གྲི་སོ་གཉིས་པ་དང་། མདུང་དང་། འཕངས་མདུང་དང་། ཆུ་གྲི་དང་། རྩྭའི་ཉག་མ་དང་། ཐ་ན་ཕྱགས་མས་བརྡེག་པ་གཟས་པར་བྱེད་ན་ཉག་མ་ཇི་སྙེད་གཟས་པ་དེ་སྙེད་ཀྱི་
D3.007.0185a07.01