完整藏文原文 · 德格版页 当前仅加载第 7 函德格 136b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །འདུག་གནས་གཅིག་ཏུ་ཟ་བའི་ལྟུང་བྱེད་དེ་སུམ་བཅུ་རྩ་གཉིས་པ་རྫོགས་{སྷོ,སོ}།། །།འདུལ་བ་རྣམ་པར་འབྱེད་པ། བམ་པོ་ལྔ་བཅུ་རྩ་གཉིས་པ། སངས་རྒྱས་བཅོམ་ལྡན་
D3.007.0136b01.01འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བྱང་ལམ་ནས་དོན་མཐུན་དག་མཉན་ཡོད་དུ་ལྷགས་པ་ན་དྲུག་སྡེ་དག་གིས་དེ་ཐོས་ནས་སྨྲས་པ། དགའ་བོ་ཉེ་དགའ་བདག་ཅག་གིས་བྱང་ལམ་ནས་དོན་མཐུན་དག་མཉན་ཡོད་དུ་ལྷགས་ཞེས་
D3.007.0136b02.01ཐོས་ཀྱིས། གལ་ཏེ་ན་ཅུང་ཟད་བསྒྲུབ་པར་ནུས་ཀྱང་སྲིད་ཀྱིས་འདོང་ངོ་། །གལ་ཏེ་བསོད་སྙོམས་ཟོ་ཤིག་ཅེས་ཟེར་ན་ལྟོ་གང་བས་ཆོག་གོ་ཞེས་བརྗོད་པར་བྱའོ། །གལ་ཏེ་གོས་ལོང་ཤིག་ཅེས་ཟེར་ན་བླང་བར་བྱའོ་ཞེས་དེ་དག་དོང་སྟེ་སྨྲས་པ། བཞིན་{བཟངས་,བཟང་}དག་འཁོད་ཅིག་དང་ཆོས་
D3.007.0136b03.01བསྟན་པར་བྱའོ། །དེ་དག་གིས་རྐང་པ་ལ་ཕྱག་འཚལ་ཏེ་མདུན་དུ་ཆོས་མཉན་པའི་ཕྱིར་འཁོད་པ་དང་། དེ་དག་གིས་དེ་དག་ལ་ཆོས་བསྟན་ནས་དེ་དག་གིས་སྨྲས་པ། འཕགས་པ་དག་འདི་ཉིད་དུ་བསོད་སྙོམས་གསོལ་ཅིག །དྲུག་སྡེ་དག་གིས་སྨྲས་པ། བཞིན་བཟང་དག་ལྟོ་གང་
D3.007.0136b04.01བས་ཆོག་གོ། །དྲུག་སྡེ་དག་ཡང་དང་ཡང་དུ་འོངས་ཏེ་ཆོས་བསྟན་པ་དང་། དོན་མཐུན་དག་གིས་ཀྱང་ཡང་དང་ཡང་དུ་སྨྲས་པ། འཕགས་པ་དག་འདི་ཉིད་དུ་བསོད་སྙོམས་གསོལ་ཅིག །དྲུག་སྡེ་དག་གིས་ཀྱང་ཡང་དང་ཡང་དུ་སྨྲས་པ། བཞིན་{བཟངས་,བཟང་}དག་ལྟོ་གང་བས་ཆོག་གོ། །
D3.007.0136b05.01དུས་གཞན་ཞིག་ན་དོན་མཐུན་དག་གིས་སྨྲས་པ། ཤེས་ལྡན་དག་འདི་ན་གླང་དག་གི་རྩྭ་མེད་ཀྱིས། རེ་ཞིག་རི་བྲགས་གཞན་ཞིག་ཏུ་འདོང་ལ་གླང་དག་གཟན་ཞིང་འཁོད་པར་བྱ་སྟེ། ཇི་ཙམ་ན་ཟོང་བསྒྱུར་ཏེ་འགྲོ་བ་ན་མཉན་ཡོད་དུ་འདོང་བར་བྱའོ་ཞེས་དེ་དག་གིས་གླང་དག་དེད་ནས་རི་བྲགས་
D3.007.0136b06.01ཤིག་ཏུ་གླང་དག་གཟོན་དུ་དོང་ངོ་། །དྲུག་སྡེ་དག་ཀྱང་ནང་པར་སྔར་ལངས་ཏེ་ཆོས་སྟོན་དུ་དོང་བ་དང་། ཇི་ཙམ་ན་དོན་མཐུན་དེ་དག་མི་སྣང་ནས་དེ་དག་སེམས་ཁོང་དུ་ཆུད་ཅིང་འཁོད་པ་དང་། ཇི་ཙམ་ན་དེར་མི་ཞིག་འོངས་ཏེ་སྨྲས་པ། འཕགས་པ་དག་ཅིའི་སླད་དུ་སེམས་ཁོང་དུ་ཆུད་ཅིང་
D3.007.0136b07.01