完整藏文原文 · 德格版页 当前仅加载第 7 函德格 76a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ་སྙམ་ནས་དེས་སྨྲས་པ། བུ་ཁྱོད་ཀྱི་ཕ་དང་མེས་པོ་དག་འདི་ཉིད་ན་ཚོང་པ་བྱེད་པར་གྱུར་ཏོ། །མ་ཀཱར་ཥཱ་པ་ཎ་དག་བྱིན་ཅིག་དང་བདག་གིས་ཀྱང་འདི་ཉིད་དུ་ཚོང་བྱའོ། །བུ་ཁོ་མོ་ལ་ཀཱར་ཥཱ་
D3.007.0076a01.01པ་ཎ་དག་ག་ལ་ཡོད། ཁོ་མོས་ཁྱོད་ཀྱང་ཉེ་དུའི་སྟོབས་དང་ལག་སྟོབས་ཀྱིས་བསྙོད་ཅིང་གསོས་ཏེ་བསྐྱེད་པ་ཡིན་པས་ཁོ་མོ་ལ་ཀཱར་ཥཱ་པ་ཎ་དག་གི་འབྱོར་པ་ཡོད་རེ་སྐན། འདི་ལྟར་ཚོང་དཔོན་འདི་ཁྱོད་ཀྱི་ཕའི་ཆུང་པོ་གྲོགས་ཡིན་གྱིས་འདི་ལས་ཀཱར་ཥཱ་པ་ཎ་དག་ལོང་ལ་ལས་གྱིས་
D3.007.0076a02.01ཤིག །ཁྱེའུ་དེ་ཚོང་དཔོན་དེའི་གན་དུ་སོང་བ་དང་། ཚོང་དཔོན་དེ་ཡང་མི་གཞན་ཞིག་གིས་ལན་གསུམ་གྱི་བར་དུ་ཚོང་ལ་དོར་བྱས་པས་དེ་དེ་ལ་ནན་ཐུར་བྱེད་ཅིང་འདུག་པ་ན་དེའི་ཁྱིམ་ནས་བུ་མོ་མངག་གཞུག་མས་ཕྱག་དར་གྱི་སྟེང་དུ་བྱི་བའི་རོ་ཞིག་བཞག་སྟེ་ཕྱིར་བྱུང་ནས་དོར་བར་
D3.007.0076a03.01བརྩམས་པ་དང་། ཚོང་དཔོན་དེས་མི་དེ་ལ་སྨྲས་པ། མི་གང་ནུས་པ་ཡིན་ན་དེས་བྱི་བའི་རོ་འདིས་ཀྱང་བདག་ཉིད་འཛིན་པར་ནུས་སོ། །ཁྱེའུ་དེས་དེ་ཐོས་ནས་བསམས་པ། ཚོང་དཔོན་འདི་ནི་བདག་ཉིད་ཆེན་པོ་ཡིན་པས་འདི་བྱུང་རྒྱལ་དུ་སྨྲ་བར་མི་བྱེད་པས་བྱི་བའི་རོ་འདིས་བདག་
D3.007.0076a04.01ཉིད་འཛིན་པར་ནུས་གོར་མ་ཆག་སྙམ་ནས། ཁྱེའུ་དེ་བུ་མོ་མངག་གཞུག་མ་དེའི་ཕྱི་བཞིན་སོང་སོང་སྟེ། བུ་མོ་མངག་གཞུག་མ་དེས་ཕྱག་དར་བོར་བ་དང་། ཁྱེའུ་དེས་བྱི་བའི་རོ་དེ་བླངས་ནས་ཚོང་དུས་སུ་སོང་ངོ་། །དེ་ན་ཚོང་ཁང་ན་བྱི་ལ་ཞིག་བཏགས་ཤིང་འདུག་ནས་ཁྱེའུ་
D3.007.0076a05.01དེས་བྱི་བའི་རོ་དེ་བྱི་ལ་དེ་ལ་བསྟན་པ་དང་། དེས་དེ་མཐོང་ནས་མཆོང་བར་བརྩམས་པ་དང་། ཚོང་པ་དེས་ཁྱེའུ་ལ་སྨྲས་པ། བྱི་བའི་རོ་འོ་ནི་བྱི་ལ་འདི་ལ་བྱིན་ཅིག །ཁྱེའུས་སྨྲས་པ། འདི་རིན་མེད་པར་ཇི་ལྟར་སྦྱིན། རིན་བྱིན་ཅིག་དང་སྦྱིན་ནོ། །ཚོང་པ་དེས་ཁྱེའུ་
D3.007.0076a06.01དེ་ལ་སྲན་མ་དག་གིས་སྙིམ་པ་བཀང་སྟེ་བྱིན་ནོ། །ཁྱེའུས་བསམས་པ། གལ་ཏེ་བདག་གིས་འདི་འཆོས་པར་གྱུར་ན་གཞི་ཆད་པར་འགྱུར་རོ་སྙམ་ནས་ཁྱེའུ་དེས་སྲན་མ་དེ་དག་སླང་ལ་བརྔོས་ནས་ཆུ་གྲང་མོས་རིལ་བ་བཀང་སྟེ་རི་བྲགས་སུ་སོང་ནས་ཕྱོགས་གང་དུ་ཤིང་ཐུན་དག་ངལ་
D3.007.0076a07.01