完整藏文原文 · 德格版页 当前仅加载第 7 函德格 239b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོགས་དག་གིས་གཡོག་པར་བྱའོ། །དེ་དག་གིས་དེ་ཡལ་བ་ཁོ་ནར་བོར་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ཡལ་བར་དོར་བར་མི་བྱ་བར་ཞག་བདུན་ནམ་བརྒྱད་དུ་དེར་སོང་སྟེ་བསྡད་པར་བྱའོ། །གལ་ཏེ་བདག་པོ་འོངས་ཤིང་རྟགས་ལ་བབ་པ་སྨྲ་ན་སྦྱིན་པར་བྱའོ། །
D3.007.0239b01.01གལ་ཏེ་མ་འོངས་ན་དེའི་འོག་ཏུ་དགེ་འདུན་གྱི་མཛོད་དུ་བཅུག་སྟེ་གཞག་པར་བྱའོ། །གལ་ཏེ་བདག་པོ་ཟླ་བ་དྲུག་འདས་ནས་འོངས་ཤིང་། རྟགས་ལ་བབ་པར་སྨྲ་ན་སྦྱིན་པར་བྱའོ། །གལ་ཏེ་མ་འོངས་ན་དེའི་འོག་ཏུ་དངོས་པོ་བརྟན་པོར་བཙོངས་ཏེ་གཞག་པར་བྱའོ། །གལ་ཏེ་
D3.007.0239b02.01དེའི་ཚེ་བདག་པོ་འོངས་པར་གྱུར་ན་དེ་ལ་དེ་དངོས་པོ་འདིར་བཙོངས་ཀྱིས། རྗེས་སུ་ཡི་རང་བར་གྱིས་ཤིག་ཅེས་བརྗོད་པར་བྱའོ། །གལ་ཏེ་རྗེས་སུ་ཡི་རང་ན་དེ་ལྟ་ན་ལེགས། གལ་ཏེ་རྗེས་སུ་ཡི་རང་བར་མི་བྱེད་ན་སྦྱིན་པར་བྱའོ། །གལ་ཏེ་སྐྱེད་སློང་ན་ཁོ་བོ་ཅག་གིས་ཡོངས་
D3.007.0239b03.01སུ་བསྐྱངས་པ་གང་ཡིན་པ་དེ་ཉིད་དྲིན་ཆེ་བར་མི་སེམས་སམ། ཁྱེར་ཏེ་སོང་ཤིག་ཅེས་བརྗོད་པར་བྱའོ། །དེ་ལྟ་བས་ན་ཀུན་དགའི་ར་བར་གཏོགས་པ་ན་འདུག་པའམ། གནས་ཁང་དུ་གཏོགས་པ་ན་འདུག་པ་མ་གཏོགས་སོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང་།
D3.007.0239b04.01བསླབ་པ་ལ་གུས་པ་དང་། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས། དགེ་སློང་རྣམས་ལ་དེ་དང་མཐུན་པ་དང་། དེའི་ཤས་ཆེ་བ་དང་། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་
D3.007.0239b05.01དག་དེ་ལྟ་བས་ན་སྔ་མ་ནི་བཅས་པ་ཡིན་ལ། འདི་ནི་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་རིན་པོ་ཆེའམ། རིན་པོ་ཆེར་སྨོས་པ་རང་གི་ལག་གིས་ལེན་ཏམ། ལན་དུ་འཇུད་ན་
D3.007.0239b06.01ཀུན་དགའི་ར་བར་གཏོགས་པ་ན་འདུག་པའམ། གནས་ཁང་དུ་གཏོགས་པ་ན་འདུག་པ་མ་གཏོགས་ཏེ་ལྟུང་བྱེད་དོ། །དགེ་སློང་གིས་ཀུན་དགའི་ར་བར་གཏོགས་པའམ། གནས་ཁང་དུ་གཏོགས་པ་ན་རིན་པོ་ཆེའམ། རིན་པོ་ཆེར་སྨོས་པ་འདུག་པ་ལ་འདི་སུའི་
D3.007.0239b07.01