完整藏文原文 · 德格版页 当前仅加载第 7 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
དམ་ཞེས་བྱ་བ་ནི་བདག་ཉིད་ཀྱིས་སོ། །སྔངས་པར་བྱེད་དུ་འཇུད་ན་ཞེས་བྱ་བ་ནི་གཞན་ནོ། །ཐ་ན་བཞད་གད་བྱ་བར་བསམས་ཀྱང་རུང་སྟེ་ཞེས་བྱ་བ་ནི་ཐ་ན་ཀུ་རེ་བྱ་བར་བསམས་ཀྱང་རུང་སྟེའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་། དུད་འགྲོ་དང་།
D3.007.0271a01.01{ཡི་དགས་,ཡི་དྭགས་}ངན་སོང་དང་། ངན་འགྲོ་དང་། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་
D3.007.0271a02.01གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་དགེ་སློང་ལ་སྔངས་པར་བྱ་བའི་བསམ་པས་འདི་ལྟ་སྟེ་དཔེར་ན་{ཡི་དགས་,ཡི་དྭགས་}དང་། ཤ་ཟ་དང་། གྲུལ་བུམ་དང་། ལུས་སྲུལ་པོ་གཟུགས་ལ་བ་ནག་པོ་དང་། སོལ་བ་དང་། ཀ་བ་ཚིག་པ་ལྟ་བུ་གཟུགས་
D3.007.0271a03.01ཡིད་དུ་མི་འོང་བ་དག་ཡོད་དེ། དེ་དག་གིས་ཁྱོད་ཁྲིད་པར་འགྱུར། དེ་དག་གིས་ཁྱོད་གསོད་པར་འགྱུར། དེ་དག་གིས་ཁྱོད་སྲོག་དང་བྲལ་བར་བྱེད་པར་འགྱུར་རོ་ཞེས་ཉེ་བར་སྒྲུབ་པར་བྱེད་ན། དགེ་སློང་འཇིགས་པ་སྐྱེས་ཀྱང་རུང་མ་སྐྱེས་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་
D3.007.0271a04.01སློང་གིས་དགེ་སློང་ལ་སྔངས་པར་བྱ་བའི་བསམ་པས་འདི་ལྟ་སྟེ་དཔེར་ན་{ཡི་དགས་,ཡི་དྭགས་}དང་། ཤ་ཟ་དང་། གྲུལ་བུམ་དང་། ལུས་སྲུལ་པོ་སྒྲ་སེང་གེ་དང་། སྟག་དང་། གུང་དང་། མཚའ་དང་། གཟིག་དང་། ཝའི་སྐད་ལྟ་བུ་སྒྲ་ཡིད་དུ་མི་འོང་བ་དག་ཡོད་དེ། དེ་དག་
D3.007.0271a05.01གིས་ཁྱོད་ཁྲིད་པར་འགྱུར། དེ་དག་གིས་ཁྱོད་གསོད་པར་འགྱུར། དེ་དག་གིས་ཁྱོད་སྲོག་དང་བྲལ་བར་བྱེད་པར་འགྱུར་རོ། །ཞེས་ཉེ་བར་སྒྲུབ་པར་བྱེད་ན། དགེ་སློང་འཇིགས་པ་སྐྱེས་ཀྱང་རུང་མ་སྐྱེས་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་
D3.007.0271a06.01ལ་སྔངས་པར་བྱ་བའི་བསམ་པས་འདི་ལྟ་སྟེ། དཔེར་ན་{ཡི་དགས་,ཡི་དྭགས་}དང་། ཤ་ཟ་དང་། གྲུལ་བུམ་དང་། ལུས་སྲུལ་པོ་དྲི་བཤང་བ་དང་། གཅི་བ་དང་། ར་དང་། རའི་ཟེ་བའི་དྲི་ལྟ་བུ་དྲི་ཡིད་དུ་མི་འོང་བ་དག་ཡོད་དེ། དེ་དག་གིས་ཁྱོད་ཁྲིད་པར་འགྱུར། དེ་དག་
D3.007.0271a07.01