完整藏文原文 · 德格版页 当前仅加载第 7 函德格 95b 版页；藏文 NFD、目录标记与异常页序保留在来源切片中，重复版页行以稳定序号区分。
སུས་བཀག་ལམ་རྒྱགས་མང་པོ་དག་སྟ་གོན་གྱིས་ཤིག །དེ་དག་གིས་ལམ་རྒྱགས་མང་པོ་དག་སྟ་གོན་བྱས་སོ། །དྲུག་སྡེ་དག་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས། དེ་དག་མཉན་ཡོད་དུ་བསོད་སྙོམས་བརྒྱུས་ནས་དགེ་
D3.007.0095b01.01སློང་མའི་དབྱར་ཁང་དུ་དོང་བ་དང་། དེ་དག་ལ་བཅུ་གཉིས་སྡེ་དག་གིས་སྨྲས་པ། ཇོ་བོ་ཅག་ཇེ་ཞལ་ཚུས་གསོལ་ཅིག །དེ་དག་གིས་གཡར་ཚུས་བྱས་བྱས་པ་ན་དེ་དག་གིས་ལམ་རྒྱགས་སྦྱར་བ་ཐམས་ཅད་ཟོས་ནས་དེ་དག་གིས་སྨྲས་པ། སྲིང་མོ་དག་ཁྱེད་ཀྱིས་ལམ་རྒྱགས་ཇི་སྙེད་
D3.007.0095b02.01སྟ་གོན་བྱས་པ་བལྟས་འོན་ཅིག །དེ་དག་གིས་སྨྲས་པ། ཁྱེད་ཀྱིས་གསོལ་བ་དེ་དག་ལགས་སོ། །དྲུག་སྡེ་དག་གིས་སྨྲས་པ། ལམ་རྒྱགས་དེ་ཙམ་གྱིས་ལྗོངས་རྒྱུར་ཇི་ལྟར་ནུས། འདི་ལྟར་ལམ་ཀར་ལྷག་པར་བཀྲེས་པར་འགྱུར་གྱིས་ལམ་རྒྱགས་མང་དུ་སྟ་གོན་གྱིས་ཤིག །དེ་དག་
D3.007.0095b03.01གིས་ལམ་རྒྱགས་མང་པོ་དག་སྟ་གོན་བྱས་ཏེ་དྲུག་སྡེ་དག་དང་ལྷན་ཅིག་ལྗོངས་རྒྱུར་འཕགས་སོ། །བསོད་སྙོམས་པ་ཞིག་ཀྱང་དེ་དག་དང་ལྷན་ཅིག་ལྗོངས་རྒྱུར་འཕགས་པ་དང་དགེ་སློང་རྣམས་ཀྱིས་དེ་ལ་སྨྲས་པ། བསོད་སྙོམས་པ་འདི་དག་ནི་གནས་ངན་ལེན་ཀུན་དུ་སྤྱོད་པ་ཡིན་གྱིས་ཁྱོད་
D3.007.0095b04.01འདི་དག་དང་ལྷན་ཅིག་ལྗོངས་རྒྱུར་མ་འགྲོ་ཤིག །ཁྱོད་ལ་མཐོ་འཚམ་པར་འགྱུར་རོ། །བསོད་སྙོམས་པས་སྨྲས་པ། ཁོ་བོ་ལོ་འདས་པ་ཡིན་པས་འདི་དག་ལ་ལུང་མནོད་པ་དང་། བཀླག་པ་དང་། ཁ་ཏོན་དང་། ཡོངས་སུ་དྲི་བ་དང་། རྣལ་འབྱོར་དང་། ཡིད་ལ་བྱ་བ་འགའ་ཡང་རག་
D3.007.0095b05.01མ་ལས་པས་འདི་དག་གིས་ཁོ་བོ་ལ་ཐོ་བཙམ་དུ་ཅི་ཡོད་ཅེས་དེས་དེ་དག་གི་ཚིག་ཚིག་མ་ཡིན་པར་བྱས་ཏེ་དྲུག་སྡེ་དག་དང་ལྷན་ཅིག་ལྗོངས་རྒྱུར་འཕགས་སོ། །དེ་དག་གིས། གང་གི་ཚེ་མཚམས་ཀྱི་ཕྱི་རོལ་ཏུ་སོན་པ་དེའི་ཚེ་ན་སྨྲས་པ། དགའ་བོ་ཉེ་དགའ་བདག་ཅག་གིས་ཡུན་ཇི་སྲིད་དུ་གཞན་
D3.007.0095b06.01གྱི་སྤྱོད་ལམ་གྱིས་འཁོད་པར་བྱ། ཚུར་ཤེག་བདག་ཅག་རང་རང་གི་སྤྱོད་ལམ་གྱིས་འཁོད་པར་བྱའོ་ཞེས་དང་པོར་དགའ་བོ་འདུག་ནས་དེའི་འོག་ཏུ་དགའ་མོ་འདུག །དེའི་འོག་ཏུ་དགའ་བོའི་ལྷན་ཅིག་གནས་པ་འདུག །དེའི་འོག་ཏུ་དགའ་མོའི་ལྷན་ཅིག་གནས་པ་འདུག །དེའི་འོག་ཏུ་དགའ་
D3.007.0095b07.01