完整藏文原文 · 德格版页 当前仅加载第 7 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
ག་གེ་མོ་ཞིག་ཏུའོ། །དེ་དག་གིས་སྨྲས་པ། ཁྱེའུའི་མིང་ཅིར་གདགས། ཁྱེའུ་འདི་ལམ་ཕྲན་དུ་བཟུང་བས་འདིའི་མིང་ལམ་ཕྲན་པ་ཞེས་གདགས་སོ་ཞེས་དེའི་མིང་ལམ་ཕྲན་པ་ཞེས་བཏགས་སོ། །ཁྱེའུ་ལམ་ཕྲན་པ་དེ་བསྲིངས་བསྐྱེད་དེ་ཆེན་པོར་
D3.007.0063a01.01གྱུར་ཏོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་ན་ཡི་གེ་ལ་བཅུག་ན་དེས་སིད་ཅེས་བརྗོད་ན་དྷྃ་བརྗེད་པར་བྱེད་ལ། དྷྃ་ཞེས་བརྗོད་ན་སིད་བརྗེད་པར་བྱེད་ནས། དེའི་སློབ་དཔོན་དེས་བྲམ་ཟེ་ལ་སྨྲས་པ། བྲམ་ཟེ་ཁོ་བོས་བྲམ་ཟེའི་ཁྱེའུ་མང་པོ་གཞན་དག་ཀྱང་ཀློག་ཏུ་གཞུག་
D3.007.0063a02.01དགོས་པས་ཁོ་བོ་ལམ་ཕྲན་པ་ཀློག་ཏུ་འཇུད་མི་ནུས་སོ། །ལམ་ཆེན་པ་ནི་ཉུང་ངུ་བརྗོད་པས་མང་པོ་འཛིན་པར་ནུས་ན་ལམ་ཕྲན་པ་འདི་ནི་སིད་ཅེས་བརྗོད་ན་དྷྃ་བརྗེད་པར་བྱེད་ལ། དྷྃ་བརྗོད་ན་སིད་བརྗེད་པར་བྱེད་དོ། །བྲམ་ཟེས་བསམས་པ། བྲམ་ཟེ་ཐམས་ཅད་ཡི་གེ་དང་འབྲུ་
D3.007.0063a03.01ལ་མཁས་པ་མ་ཡིན་ཏེ། འདི་རིག་བྱེད་ཀྱི་བྲམ་ཟེར་འགྱུར་རོ་སྙམ་ནས་དེས་ཀློག་མཁན་ལ་རིག་བྱེད་ཀློག་པར་ཕུལ་བ་དང་། དེས་ཨོཾ་བརྗོད་ན་བྷུ་བརྗེད་པར་བྱེད་ལ། བྷུ་ཞེས་བརྗོད་ན་ཨོཾ་བརྗེད་པར་བྱེད་ནས་ཀློག་མཁན་གྱིས་བྲམ་ཟེ་ལ་སྨྲས་པ། བྲམ་ཟེ་ཁོ་བོས་བྲམ་ཟེའི་
D3.007.0063a04.01ཁྱེའུ་མང་པོ་གཞན་དག་ཀྱང་ཀློག་ཏུ་གཞུག་དགོས་པས་ཁོ་བོ་ལམ་ཕྲན་པ་ཀློག་ཏུ་འཇུད་མི་ནུས་སོ། །ལམ་ཆེན་པ་ནི་ཉུང་ངུ་བརྗོད་པས་མང་པོ་འཛིན་པར་ནུས་ན། ལམ་ཕྲན་པ་འདི་ནི་ཨོཾ་ཞེས་བརྗོད་ན་བྷུ་བརྗེད་པར་བྱེད་ལ། བྷུ་ཞེས་བརྗོད་ན་ཨོཾ་བརྗེད་པར་བྱེད་དོ། །བྲམ་
D3.007.0063a05.01ཟེས་བསམས་པ། བྲམ་ཟེ་ཐམས་ཅད་རིག་བྱེད་ཀློག་པ་མ་ཡིན་ཏེ། མཁས་ཀྱང་རུང་མི་མཁས་ཀྱང་རུང་། གཙང་ཡང་རུང་མི་གཙང་ཡང་རུང་སྟེ། བྲམ་ཟེ་གང་ཡིན་པ་དེ་ཉིད་ལྷ་ཡིན་པས་འདི་ནི་རིགས་བྲམ་ཟེ་ཁོ་ནར་འགྱུར་སྙམ་མོ། །དེ་བུལ་བ་མཆོག་ཏུ་བུལ་བ་
D3.007.0063a06.01ཆུང་བ་མཆོག་ཏུ་ཆུང་བ་ཡིན་པས་དེའི་མིང་ལམ་ཆུང་བ་ལམ་ཆུང་བ་ཞེས་བྱ་བར་གྱུར་ཏོ། །བྲམ་ཟེ་དེ་གང་དུ་ཅུང་ཟད་ཅི་ལ་མགྲོན་དུ་བོས་པར་ལམ་ཆུང་བ་དེ་ཁྲིད་དེ་འགྲོའོ། །དུས་གཞན་ཞིག་ན་བྲམ་ཟེ་དེ་ན་བར་གྱུར་ནས་དེ་རྩ་བ་དང་། སྡོང་བུ་དང་། འདབ་མ་དང་མེ་ཏོག་
D3.007.0063a07.01