完整藏文原文 · 德格版页 当前仅加载第 7 函德格 117b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱུད་སྨྲ་ཞིང་མྱུར་བ་མྱུར་བར་སོང་བ་དང་། གླ་མི་དེ་དག་ཀྱང་གཏམ་རྒྱུད་མི་ཐོ་ཀྱིས་དོགས་ནས་དེའི་ཕྱི་བཞིན་མྱུར་བ་མྱུར་བར་ལྷགས་ནས་དེའི་ཉིན་མོ་གླ་མི་དེ་དག་གིས་ལས་མང་དུ་བྱས་སོ། །ཁྱིམ་བདག་གི་ཀུན་དུ་སྤྱོད་པ་ནི། ཕྱེ་མ་རེད་ཀྱི་དུས་ཀྱི་ལས་ཀྱི་མཐའ་དག་ལ་
D3.007.0117b01.01སོ་སོར་རྟོག་པ་ཡིན་པས་ཚོང་དཔོན་དེ། དགོངས་ཀར་འོངས་ཏེ་ལས་ཀྱི་མཐའ་དག་ལ་སོ་སོར་བརྟགས་པ་དང་། ཅི་ཙམ་ན་དེ་ཉིས་གྱུར་གྱི་ལས་བྱས་པར་མཐོང་ནས་དེས་ལག་དཔོན་གྱི་མི་ལ་དྲིས་པ། ཅི་ཁྱོད་ཀྱིས་གླ་མི་གཞན་དག་ཀྱང་བཀུག་གམ། དེས་སྨྲས་པ་མ་
D3.007.0117b02.01བཀུག་གོ། །ཚོང་དཔོན་གྱིས་སྨྲས་པ། འོ་ན་ཅིའི་ཕྱིར་དེང་ལས་མང་དུ་ཟིན། དེས་སྨྲས་པ། ཁྱིམ་བདག་གི་བུ་འདི་ནད་མེད་པར་གྱུར་ཅིག །འདི་འཇིག་རྟེན་གྱི་གཏམ་རྒྱུད་ལ་མཁས་པས། འདི་འཇིག་རྟེན་གྱི་གཏམ་རྒྱུད་ཟེར་ཞིང་མྱུར་བ་མྱུར་བར་ལས་བྱེད་
D3.007.0117b03.01པ་ན་གླ་མི་གཞན་དག་ཀྱང་གཏམ་རྒྱུད་མི་ཐོས་ཀྱི་དོགས་པས་མྱུར་བ་མྱུར་བར་འདིའི་ཕྱི་བཞིན་འདོང་ཞིང་ལས་བྱེད་པས་དེས་ན་དེང་ལས་མང་དུ་ཟིན་ཏོ། །ཚོང་དཔོན་དེས་ཁྱེའུ་དེ་ལ་གླ་རྔན་ཉིས་སྒྱུར་སྦྱིན་པར་བརྩམས་པ་དང་། ཁྱེའུས་སྨྲས་པ། ཅི་ལགས་བདག་
D3.007.0117b04.01ལ་གདུགས་གཉིས་ཀྱི་གླ་རྔན་ཅིག་ཅར་སྩལ་ཏམ། མ་ཡིན་ཏེ། འདི་ལྟར་ཁོ་བོ་ཁྱོད་ལ་དགའ་བས་བྱ་དགའ་སྦྱིན་ནོ། །ཁྱེའུས་སྨྲས་པ། གལ་ཏེ་ཁྱོད་བདག་ལ་དགྱེས་ན་ཇི་སྲིད་དུ་བདག་ཁྱོད་ཀྱི་སྡུམ་པ་ན་སུག་ལས་འཚལ་བ་དེ་སྲིད་དུ་བདག་གི་གླ་རྔན་ཁྱོད་ཀྱི་
D3.007.0117b05.01ཕྱག་ཏུ་གཞག་ཏུ་གསོལ། ཚོང་དཔོན་གྱིས་སྨྲས་པ། དེ་ལྟར་གྱིས་ཤིག །གང་གི་ཚེ་དེའི་ཁྱིམ་ཟིན་པ་དེའི་ཚེ་ན་ཁྱེའུ་དེའི་གླ་རྔན་བརྩིས་ན་ཀཱར་ཥཱ་པ་ཎ་ལྔ་བརྒྱར་མ་ཆོག་ནས་ཁྱེའུ་དེས་ངུ་བར་བརྩམས་པ་དང་། ཚོང་དཔོན་དེས་སྨྲས་པ། བུ་ཅི་ངུ་། ཁོ་བོས་
D3.007.0117b06.01བྲིད་པར་མ་གྱུར་ཏམ། ཡབ་ཁྱོད་བདག་ཉིད་ཆེན་པོ་ལགས་པས་ཁྱོད་ཀྱིས་བདག་ག་ལ་བྲིད་དེ། འདི་ལྟར་བདག་གིས་ཀཱར་ཥཱ་པ་ཎ་ལྔ་བརྒྱའི་ཆེད་དུ་གླ་རྔན་གྱི་སླད་དུ་ལས་བགྱིས་ཤིང་། སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་གསོལ་
D3.007.0117b07.01