完整藏文原文 · 德格版页 当前仅加载第 7 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
བྲམ་ཟེའི་བུ་མོ་དེ་ཚེ་རབས་ལྔ་བརྒྱར་བྱ་རོག་མོ་ཞར་མར་འགྱུར་རོ་ཞེས་ལུང་བསྟན་ཏོ་ཞེས་སྒྲ་གྲགས་སོ། །བྲམ་ཟེ་མོ་དེས་བཅོམ་ལྡན་འདས་ཀྱིས་བདག་གི་བུ་མོ་ཚེ་རབས་ལྔ་བརྒྱར་བྱ་རོག་མོ་ཞར་མར་འགྱུར་བར་ལུང་བསྟན་ཏོ་ཞེས་ཐོས་སོ། །དེ་ནས་བྲམ་ཟེ་མོ་དེས་བུ་མོ་དེ་ཁྲིད་ནས་བཅོམ་ལྡན་
D3.007.0155b01.01འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བུ་མོ་འདི་ལ་བཟོད་པ་མཛད་དུ་གསོལ། འདིས་རབ་ཏུ་སྡང་བའི་སེམས་ཀྱིས་ངག་གི་ལས་རྩུབ་པོ་མ་སྨྲས་
D3.007.0155b02.01སོ། །བྲམ་ཟེ་མོ་ཅི་ངས་འགའ་ཞིག་ལ་མནའ་འདོར་བར་བྱའམ། གལ་ཏེ་བུ་མོ་འདིས་རབ་ཏུ་སྡང་བའི་སེམས་ཀྱིས་ངག་གི་ལས་རྩུབ་པོ་སྨྲས་པར་གྱུར་ན་སེམས་ཅན་དམྱལ་བ་རྣམས་སུ་སྐྱེ་བར་འགྱུར་བ་དེ་ལྟ་བུའི་གནས་ཡོད་པར་འགྱུར་རོ། །མཉན་ཡོད་ན་བྲམ་ཟེའི་ཁྱེའུ་དག་གིས་
D3.007.0155b03.01འཕགས་པ་ནག་པོ་ཆེན་པོ་མི་ཤ་ཟའོ་ཞེས་ཐོས་ནས་དེ་དག་གིས་སྨྲས་པ། ཤེས་ལྡན་དག་ཅི་ཡང་དག་པ་ཡིན་ནམ། འོན་ཏེ་དེ་ཡང་དག་པ་མ་ཡིན་པ་བདག་ཅག་གིས་འཕགས་པ་ནག་པོ་ཆེན་པོ་བགམ་པར་བྱས། བདག་ཅག་ལས་གཅིག་ཤི་བའི་ཆ་ལུགས་སུ་བྱས་པ་དེ་བདག་
D3.007.0155b04.01ཅག་གིས་དུར་ཁྲོད་དུ་བཀུར་བར་བྱའོ། །བདག་ཅག་ལས་གང་ཞིག་ཤི་བའི་ཆ་ལུགས་སུ་བྱ། ཁྱོད་ཤི་བའི་ཆ་ལུགས་སུ་གྱིས་ཤིག །དེས་སྨྲས་པ། ཁོ་བོ་མི་ཟོས་སམ། དེ་དག་གིས་སྨྲས་པ། ཁོ་བོ་ཅག་གིས་ཁྱོད་བསྲུང་བར་བྱའོ། །དེས་ཤི་བའི་ཆ་ལུགས་སུ་བྱས་པ་
D3.007.0155b05.01དང་། དེ་དག་གིས་དེ་ཡང་བ་དང་། འབྲུ་མར་གྱིས་བསྐུས་ཏེ་ཁྱོགས་སྤྱིལ་དུ་བཞག་ནས་མཉན་ཡོད་ནས་ཕྱིར་འབྱུང་བར་བརྩམས་པ་དང་། ཚེ་དང་ལྡན་པ་ནག་པོ་ཆེན་པོ་ཡང་མཉན་ཡོད་དུ་བསོད་སྙོམས་ལ་ཞུགས་ཏེ། དེས་དེ་མཐོང་ནས་བསམས་པ། བདག་དགང་དཀའ་བ་
D3.007.0155b06.01འདིའི་དོན་དུ་གྲོང་དུ་བསོད་སྙོམས་ལ་ཞུགས་ཏེ་ཅི་རུང་། ཕྱིར་ལོག་ལ་ཟས་ལྔ་པོ་འདི་དག་ཉིད་བཟའ་བར་བྱའོ་སྙམ་ནས་དེ་ཕྱིར་ལོག་གོ། །བྲམ་ཟེའི་ཁྱེའུ་དེས་དེ་དག་ལ་སྨྲས་པ། ཤེས་ལྡན་དག་འཕགས་པ་ནག་པོ་ཆེན་པོ་འདི་ཕྱིར་ལོག་པས་ཁོ་བོ་ཟོས་པར་མི་འགྱུར་རམ། དེ་
D3.007.0155b07.01