完整藏文原文 · 德格版页 当前仅加载第 7 函德格 55b 版页；藏文 NFD、目录标记与异常页序保留在来源切片中，重复版页行以稳定序号区分。
མེ་ཏོག་དང་། འབྲས་བུ་ཡང་མི་རྟག་པ་ཡིན་ན་སྲིང་མོ་དག་གང་འདི་སྐད་ཅེས་དེའི་རྩ་བ་མེད་པ་དང་། སྡོང་པོ་དང་། སྙིང་པོ་དང་། ཡལ་ག་དང་། ལོ་མ་དང་། མེ་ཏོག་དང་། འབྲས་བུ་མེད་ན་ཡང་དེ་ལ་བརྟེན་པའི་གྲིབ་མ་གང་ཡིན་པ་དེ་རྟག་པ། བརྟན་པ་ཐེར་ཟུག་པ།
D3.007.0055b01.01རྣམ་པར་མི་འགྱུར་བའི་ཆོས་ཅན་ཡང་དག་པ་དེ་ཁོ་ན་བཞིན་གནས་པར་འགྱུར་རོ་ཞེས་ཟེར་ན། དེ་སྐད་ཟེར་བ་དེ་ཡང་དག་པར་སྨྲ་བ་ཡིན་ནམ། བཙུན་པ་དགའ་བྱེད་མ་ལགས་སོ། །དེ་ཅིའི་སླད་དུ་ཞེ་ན། བཙུན་པ་དགའ་བྱེད་འདི་ལྟར་ཞུགས་ཤིང་ལྗོན་པ་ཆེན་པོ་རྩ་བ་དང་
D3.007.0055b02.01ལྡན་པ། སྡོང་པོ་དང་ལྡན་པ། སྙིང་པོ་དང་ལྡན་པ། ཡལ་ག་དང་། ལོ་མ་དང་། མེ་ཏོག་དང་། འབྲས་བུ་དང་ལྡན་པ། དེའི་རྩ་བ་ཡང་མི་རྟག་པ་ལགས། སྡོང་པོ་དང་། སྙིང་པོ་དང་། ཡལ་ག་དང་། ལོ་མ་དང་། མེ་ཏོག་དང་། འབྲས་བུ་ཡང་མི་རྟག་པ་
D3.007.0055b03.01ལགས་ལ། དེའི་རྩ་བ་མ་མཆིས་ཤིང་། སྡོང་པོ་དང་། སྙིང་པོ་དང་། ཡལ་ག་དང་། ལོ་མ་དང་། མེ་ཏོག་དང་། འབྲས་བུ་མ་མཆིས་ན། དེ་ལ་བརྟེན་པའི་གྲིབ་མ་གང་ལགས་པ་དེ་ཐམས་ཅད་ཀྱི་ཐམས་ཅད་དུ་མི་འབྱུང་བའི་སླད་དུའོ། །སྲིང་མོ་དག་དེ་བཞིན་
D3.007.0055b04.01དུ་ཕྱི་རོལ་གྱི་སྐྱེ་མཆེད་དྲུག་པོ་མི་རྟག་པ་འདི་དག་ལ་གང་འདི་སྐད་ཅེས་ཕྱི་རོལ་གྱི་སྐྱེ་མཆེད་དྲུག་པོ་མི་རྟག་པ་འདི་དག་ལ་བརྟེན་ནས་བདེ་བ་དང་། ཡིད་བདེ་བ་སྐྱེས་པ་གང་ཡིན་པ་དེ་རྟག་པ། བརྟན་པ། ཐེར་ཟུག་པ། རྣམ་པར་མི་འགྱུར་བའི་ཆོས་ཅན་ཡང་དག་པ་དེ་ཁོ་
D3.007.0055b05.01ན་བཞིན་དུ་གནས་པར་འགྱུར་རོ་ཞེས་ཟེར་ན་དེ་སྐད་ཟེར་བ་དེ་ཡང་དག་པར་སྨྲ་བ་ཡིན་ནམ། བཙུན་པ་དགའ་བྱེད་མ་ལགས་སོ། །དེ་ཅིའི་སླད་དུ་ཞེ་ན། བཙུན་པ་དགའ་བྱེད་བདག་ཅག་གིས་དང་པོ་ཉིད་ནས་ཇི་ལྟར་སླད་རོལ་གྱི་སྐྱེ་མཆེད་དྲུག་པོ་འདི་དག་མི་རྟག་པ་དེ་ལྟར་ཡང་
D3.007.0055b06.01དག་པའི་ཤེས་རབ་ཀྱིས་ཡང་དག་པའི་ལྟ་བ་བཞིན་དུ་མཐོང་ཞིང་། བདག་ཅག་གི་སེམས་ཀྱང་ཇི་ལྟར་ཆོས་དེ་དང་དེ་དག་སྐྱེས་པས་ཆོས་དེ་དང་དེ་དག་སྐྱེ་བར་འགྱུར་ཞིང་། ཆོས་དེ་དང་དེ་དག་འགགས་པས་ཆོས་དེ་དང་དེ་དག་འགག་པར་འགྱུར་བ་དང་། ཉེ་བར་ཞི་བར་འགྱུར་བ་
D3.007.0055b07.01