完整藏文原文 · 德格版页 当前仅加载第 7 函德格 84a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱི་རོལ་གྱི་སྐྱེད་མོས་ཚལ་དུ་ཡང་འབྱུང་བར་མི་བྱེད་ཅིང་འདུག་གོ། །དེད་དཔོན་དེ་ཡང་མཐར་གྱིས་བཱ་རཱ་ཎ་སཱིར་ཕྱིན་པ་དང་། རྒྱལ་པོ་ཚངས་བྱིན་གྱིས་བྱང་ལམ་ནས་དེད་དཔོན་ཞིག་གིས་ཟོང་རྟ་ལྔ་བརྒྱ་དེད་དེ་བཱ་རཱ་ཎ་སཱིར་ཕྱིན་ཅེས་ཐོས་ནས་དེས་བློན་པོ་རྣམས་ལ་སྨྲས་པ། ཤེས་
D3.007.0084a01.01ལྡན་དག་ངས་ཡུན་ཇི་སྲིད་ཅིག་ཏུ་འདིར་ཞུགས་ཏེ་འདུག་པར་བྱ། དེང་ལ་རྟ་ཅང་ཤེས་ཚོལ་ཅིག །དེ་དག་དེད་དཔོན་དེའི་གན་དུ་དོང་སྟེ་དེ་དག་གིས་རྟ་དེ་དག་མཐོང་ནས་གཅིག་ལ་གཅིག་སྨྲས་པ། ཤེས་ལྡན་དག་རྟ་འདི་དག་ནི་རྟ་ཅང་ཤེས་ཀྱིས་བཏུལ་བ་ཤ་སྟག་ཡིན་ན་འདི་ན་རྟ་ཅང་ཤེས་ནི་
D3.007.0084a02.01འགའ་ཡང་མི་སྣང་ངོ་། །དེ་དག་གིས་རྒོད་མ་དེ་མཐོང་ནས་སྨྲས་པ། ཤེས་ལྡན་དག་རྒོད་མ་འདི་ལས་རྟ་ཅང་ཤེས་འབྲངས་ན་དེ་ནི་མི་སྣང་ངོ་། །དེ་དག་དེད་དཔོན་གྱི་གན་དུ་སོང་སྟེ་དྲིས་པ། དེད་དཔོན་ཁྱོད་ཀྱིས་རྟ་འགའ་ཞིག་བཙོངས་པའམ། གཞན་ལ་བྱིན་པ་ཡོད་དམ། དེད་དཔོན་
D3.007.0084a03.01གྱིས་སྨྲས་པ། བཙོངས་པ་ནི་འགའ་ཡང་མེད་དེ། འདི་ལྟར་ཁོ་བོས་མཆོད་གྱུར་གྱི་གནས་སུ་རྟེའུ་ཞིག་བཀྲ་མི་ཤིས་སོ་སྙམ་ནས་རྫ་མཁན་ཞིག་ལ་བྱིན་པ་ནི་ཡོད་དོ། །དེ་དག་གིས་གཅིག་ལ་གཅིག་སྨྲས་པ། ཤེས་ལྡན་དག་དེད་དཔོན་འདི་ནི་བླུན་པོ་ཞིག་ཡིན་ཏེ། སྙིང་པོ་གང་ཡིན་པ་
D3.007.0084a04.01བོར་ནས་སྙིགས་མ་དག་དེད་དེ་འདིར་འོངས་སོ། །དེ་དག་གིས་རྒྱལ་པོ་ལ་ཞུས་ཏེ་མཆོད་གྱུར་དུ་དོང་ནས་དེ་དག་རྫ་མཁན་དེའི་དྲུང་དུ་དོང་སྟེ་དྲིས་པ། ཁྱོད་ལ་རྟེའུ་འདིས་ཅི་བྱ། རྫ་མཁན་གྱིས་སྨྲས་པ། འདི་ཁོ་བོའི་ས་དགལ་ལོ། །དེ་དག་གིས་སྨྲས་པ། ཁོ་བོ་ཅག་གིས་ཁྱོད་ལ་བོང་
D3.007.0084a05.01བུ་སྦྱིན་གྱིས་ཁྱོད་ཀྱིས་ཁོ་བོ་ཅག་ལ་འདི་བྱིན་ཅིག །རྫ་མཁན་གྱིས་སྨྲས་པ། ཁོ་བོ་ལ་འདི་ཉིད་མཁོའོ། །དེ་དག་གིས་སྨྲས་པ། གླང་བཞི་དང་ལྡན་པའི་ཤིང་རྟ་སྦྱིན་ནོ། །རྫ་མཁན་གྱིས་སྨྲས་པ། ཁོ་བོ་ལ་འདི་ཉིད་མཁོའོ། །དེ་དག་གིས་སྨྲས་པ། ཁྱོད་དེང་གྲོས་གྱིས་ཤིག་
D3.007.0084a06.01དང་ཁོ་བོ་ཅག་སང་ཡང་འོང་ངོ་ཞེས་ཟེར་ཏེ་དོང་ངོ་། །ཆོས་ཉིད་ཀྱིས་ན་འཇིག་རྟེན་གནས་པ་ཆགས་ནས་རིང་པོ་མ་ལོན་པའི་ཚེ་ན་དུད་འགྲོ་དག་ཀྱང་སྨྲ་ཤེས་པ་ཡིན་པས་རྟེའུ་དེས་རྫ་མཁན་དེ་ལ་སྨྲས་པ། དེ་དག་ཅི་འདོད། ཁྱོད་འདོད་དོ། །ཅིའི་ཕྱིར་སྦྱིན་པར་མི་བྱེད། ཅི་ཁྱོད་ཀྱི་སྙིང་
D3.007.0084a07.01