完整藏文原文 · 德格版页 当前仅加载第 7 函德格 77a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་ཁེ་སྤོགས་མང་པོ་གྲུབ་པར་གྱུར་ཏོ། །དེས་ཡང་བསམས་པ། ཚོང་པ་རྣམས་ཀྱི་ནང་ན་འདི་ལྟ་སྟེ། བཟའ་བཅའ་འཚོང་བ་འདི་ནི་ཐ་ཆད་ཡིན་གྱིས་བདག་གིས་སྤོས་འཚོང་གི་ཟོང་དགྲམ་པར་བྱའོ་སྙམ་ནས་དེས་སྤོས་འཚོང་གི་ཟོང་བཀྲམ་ཞིང་དེ་
D3.007.0077a01.01ཆོས་དང་རིགས་པས་ཚོང་བྱེད་པས་དེས་དེར་ཡང་ཁེ་སྤོགས་མང་པོ་གྲུབ་པར་གྱུར་ཏོ། །དེས་ཡང་བསམས་པ། ཚོང་པ་རྣམས་ཀྱི་ནང་ན་འདི་ལྟ་སྟེ། སྤོས་འཚོང་འདི་ནི་ཐ་ཆད་ཡིན་གྱིས་བདག་གིས་དབྱིག་གི་ཟོང་དགྲམ་པར་བྱའོ་སྙམ་ནས་དེས་དབྱིག་གི་ཟོང་བཀྲམ་ཞིང་དེ་ཆོས་
D3.007.0077a02.01དང་རིགས་པས་ཚོང་བྱེད་པས་དེས་དབྱིག་ཚོངས་པ་ཐམས་ཅད་ཟིལ་གྱིས་མནན་ནས་དེའི་མིང་བྱི་དབྱིག་པ་བྱི་དབྱིག་པ་ཞེས་བྱ་བར་གྱུར་ཏོ། །དབྱིག་ཚོངས་པ་དེ་དག་གིས་སྨྲས་པ། བྱི་དབྱིག་པ་འདིས་བདག་ཅག་ཐམས་ཅད་ཟིལ་གྱིས་མནན་གྱིས། ཅི་ནས་ཀྱང་འདི་རྒྱ་མཚོ་ཆེན་
D3.007.0077a03.01པོར་འཇུག་ཅིང་དེར་ཚུལ་མ་ཡིན་པས་སྡུག་བསྔལ་བར་འགྱུར་བ་དེ་ལྟར་ང་རྒྱལ་བསྐྱེད་པར་བྱའོ་སྙམ་ནས། དེ་དང་ཧ་ཅང་ཐག་མི་རིང་བར་འཁོད་དེ་ལོང་གཏམ་སྨྲ་བས་འཁོད་ཅིང་། ཤེས་ལྡན་དག་འདི་ལྟ་སྟེ་དཔེར་ན་མི་གླང་པོ་ཆེའི་གཉར་ཞོན་ནས་རྟའི་རྒྱབ་ཏུ་ཞོན་པ་དང་། རྟའི་རྒྱབ་
D3.007.0077a04.01ཏུ་ཞོན་ནས་ཁྱོགས་སྤྱིལ་ལ་ཞོན་པ་དང་། ཁྱོགས་སྤྱིལ་ལ་ཞོན་ནས་རྐང་པས་འགྲོ་བ་དེ་བཞིན་དུ་བྱི་དབྱིག་པ་འདི་ཡང་ཕ་མེས་དག་རྒྱ་མཚོ་ཆེན་པོར་གྲུ་བོ་ཆེ་སྤྱོད་ཅིང་འགྲོ་བར་གྱུར་པ་ལས་འདི་ད་ལྟར་དབྱིག་ཚོངས་ཉིད་ཀྱིས་ཚེགས་ཆེན་པོས་འཚོ་བ་སྦྱོར་བར་བྱེད་དོ། །ཞེས་སྨྲས་པ་དང་། བྱི་
D3.007.0077a05.01དབྱིག་པས་ཐོས་ནས་དེས་སྨྲས་པ། ཤེས་ལྡན་དག་ཅི་ཟེར། ཁྱོད་ཀྱི་ཕ་མེས་དག་རྒྱ་མཚོ་ཆེན་པོར་གྲུ་བོ་ཆེ་སྤྱོད་ཅིང་འགྲོ་བར་གྱུར་པ་ལས་དེང་སང་དེ་དག་ཤི་ནས་ཁྱོད་དབྱིག་ཚོངས་ཙམ་གྱིས་ཚེགས་ཆེན་པོས་འཚོ་བ་སྦྱོར་བར་བྱེད་དོ། །བྱི་དབྱིག་པ་ཁྱིམ་དུ་སོང་སྟེ་མ་ལ་དྲིས་པ། མ་
D3.007.0077a06.01ཁོ་བོའི་ཕ་མེས་དག་རྒྱ་མཚོ་ཆེན་པོར་གྲུ་བོ་ཆེ་སྤྱོད་པར་གྱུར་པ་བདེན་ནམ། མས་བསམས་པ། འདིས་འགའ་ཞིག་ལས་ཐོས་པར་གྱུར་གོར་མ་ཆག་གིས་བདག་གིས་འདི་ལ་{བརྫུན་,རྫུན་}གྱི་ཚིག་སྨྲ་བ་ནི་བདག་གི་ཚུལ་དང་མཐུན་པ་མ་ཡིན་ནོ་སྙམ་ནས་དེས་སྨྲས་པ། བུ་བདེན་ནོ། །བྱི་དབྱིག་
D3.007.0077a07.01