完整藏文原文 · 德格版页 当前仅加载第 7 函德格 248a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་སྨྲས་པ། ཁྱེའུ་དག་ཁྱེད་ཅག་ཕྱོགས་དང་ཕྱོགས་མཚམས་རྣམ་སུ་བཙུན་པ་འཆར་ཀའི་སྒྲའི་ཚོགས་སྙན་པ་རྒྱ་ཆེན་པོ་གྲགས་པར་འདོད་དམ་དེ་དག་གིས་སྨྲས་པ། འཚལ་ལོ་དེས་སྨྲས་པ། གང་གི་ཚེ་འཕགས་པ་འཆར་ཀ་བསོད་སྙོམས་ལ་ཞུགས་པ་དེའི་ཚེ་
D3.007.0248a01.01ན་ཁྱེད་ཀྱིས་བྱ་རོག་གི་རོ་འདི་སྨྱུག་མ་རིང་པོའི་རྩེ་མོ་ལ་ཐོགས་ཏེ་དེའི་ཕྱི་བཞིན་ཕྱི་བཞིན་རྗེས་སུ་སོང་ལ་མིའོ་ཅོག་ལ་འདི་སྐད་ཅེས་འཕགས་པ་འཆར་ཀས་མདའ་ལྔ་འཕང་བ་འདི་ལྟ་བུ་བྱས་ཏེ་བྱ་རོག་འདིའི་རྐུབ་ཏུ་བསྣུན་ནས་ཁར་ཕྱུང་བ་ལ་ལྟོས་ཤིག་ཅེས་སྒྲོགས་ལ།
D3.007.0248a02.01གལ་ཏེ་ཕྱིར་ལོག་ཤིག །ཅེས་ཟེར་ན་ཡང་མ་ལོག་ཤིག །ཕྱི་དེ་ཉིན་པར་ཚེ་དང་ལྡན་པ་འཆར་ཀ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་པ་དང་། ཁྱེའུ་དེ་དག་གིས་དེ་མཐོང་ནས་དེ་དག་གིས། བྱ་རོག་གི་
D3.007.0248a03.01རོ་དེ་སྨྱུག་མ་རིང་པོའི་རྩེ་མོ་ལ་བཏགས་ཏེ། ཚེ་དང་ལྡན་པ་འཆར་ཀའི་ཕྱི་བཞིན་ཕྱི་བཞིན་རྗེས་སུ་སོང་ནས་མིའོ་ཅོག་ལ་འདི་སྐད་ཅེས་འཕགས་པ་འཆར་ཀས་མདའ་ལྔ་འཕང་བ་འདི་ལྟ་བུ་བྱས་པས་བྱ་རོག་འདིའི་རྐུབ་ཏུ་བསྣུན་ནས་ཁར་ཕྱུང་བ་ལ་ལྟོས་ཞེས་བསྒྲགས་པ་
D3.007.0248a04.01དང་། འཆར་ཀས་དེ་དག་མཐོང་ནས་དེས་སྨྲས་པ། ཁྱེའུ་དག་ཅིའི་ཕྱིར་ཁོ་བོ་ལ་མཐོ་འཚམ་པར་བྱེད་ཕྱིར་ལོག་ཤིག །འོན་ཀྱང་དེ་དག་ཕྱིར་མ་ལོག་ན་ཡང་དེ་སྐད་སྒྲོག་པར་བྱེད་ནས་བྲམ་ཟེ་དང་ཁྱིམ་བདག་དག་ཤེས་ལྡན་དག་ཤཱཀྱའི་བུའི་དགེ་སྦྱོང་འདི་དག་ནི་
D3.007.0248a05.01སྲོག་གཅོད་པར་བྱེད་པ་སྟེ། སྲོག་གཅོད་པ་ལས་མ་ལོག །མ་སྤངས། སོ་སོར་མ་སྤངས་པ་ཡིན་ནོ། །ཤེས་ལྡན་དག་ཤཱཀྱའི་བུའི་དགེ་སྦྱོང་སེམས་ཅན་གང་གི་པགས་པ་ཡང་དགོས་པར་མི་རུང་། ཤ་དང་། རྒྱུས་པ་དང་། རུས་པ་ཡང་དགོས་པར་མི་རུང་
D3.007.0248a06.01བ་འདི་ལྟ་བུ་ཡང་གསོད་པར་བྱེད་པ་ལ་ལྟོས། སུ་ཞིག་དགེ་སྦྱོང་མགོ་རེག་འདི་དག་ལ་བསོད་སྙོམས་སྦྱིན་པ་དང་བྱ་བར་སེམས་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །
D3.007.0248a07.01