完整藏文原文 · 德格版页 当前仅加载第 7 函德格 262b 版页；藏文 NFD、目录标记与异常页序保留在来源切片中，重复版页行以稳定序号区分。
ཐར་པའི་སྒོ་དག་ནི་ཕྱེ། སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}དག་ནས་ནི་རྐང་པ་ཕྱུང་། ལྷ་དང་མི་རྣམས་ཀྱི་ནང་དུ་བཞག །འཁོར་བ་ནི་མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་
D3.007.0262b01.01ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི་ཐོབ་སྟེ། བཙུན་པ་བདག་ཅག་ནི་མངོན་པར་ཞུགས་པ་ལགས་སོ། །བཙུན་པ་བདག་ཅག་ནི་མངོན་པར་ཞུགས་པ་ལགས་ཏེ། བཙུན་པ་བདག་ཅག་བཅོམ་ལྡན་འདས་དང་། ཆོས་དང་། དགེ་སློང་གི་དགེ་འདུན་ལ་སྐྱབས་སུ་
D3.007.0262b02.01མཆིས། བདག་ཅག་དགེ་བསྙེན་དུ་གཟུང་དུ་གསོལ། དེང་སླན་ཆད་ནས་ཇི་སྲིད་འཚོའི་བར་དུ་གློ་བ་ཐག་པ་ནས་རབ་ཏུ་དང་བས་སྐྱབས་སུ་མཆིའོ། །འཕགས་པ་བདག་ཅག་གི་གྲོགས་གཞན་དེ་དག་གིས་ཀྱང་ཆོས་འདི་ལྟ་བུ་དག་འཐོབ་པར་འགྱུར་རམ། ཁྱེད་ཅག་ལས་ཤས་ཆེར་
D3.007.0262b03.01རྟེན་པ་ཐམས་ཅད་ཀྱིས་འཐོབ་པར་འགྱུར་རོ། །ཚེ་དང་ལྡན་པ་མ་འགགས་པས་ཅི་ནས་ཀྱང་རི་བྲགས་དེ་ན་ཁྱི་གཅིག་ཀྱང་སད་པར་མ་གྱུར་པ་དེ་ལྟར་བྱིན་གྱིས་བརླབས་ནས་ཆོམ་རྐུན་པ་དེ་དག་གིས་ལས་བྱས་ཏེ་ཕྱིར་ལྷགས་ནས། དེ་དག་གིས་མི་བཞི་པོ་དག་ལ་སྨྲས་པ། རབ་
D3.007.0262b04.01ཏུ་བྱུང་བ་དེ་གར། དེས་ཅི་བྱ། ཁོ་བོ་ཅག་གིས་ལས་བྱས་ཏེ། ལྷགས་པས་དེ་ལ་བསྙེན་བཀུར་བྱའོ། །ཚེ་དང་ལྡན་པ་མ་འགགས་པས་དེ་དག་ལ་སྨྲས་པ། བཞིན་{བཟངས་,བཟང་}དག་གོ་ཕུད་ལ་འཁོད་ཅིག་དང་ཁྱེད་ལ་ཆོས་བསྟན་པར་བྱའོ། །འཕགས་པ་བདག་ཅག་འཛིན་པ་
D3.007.0262b05.01མི་མཆིའམ། མི་འོང་ངོ་དེ་དག་གིས་གོ་ཕུད་དེ། ཚེ་དང་ལྡན་པ་མ་འགགས་པའི་མདུན་དུ་ཆོས་མཉན་པའི་ཕྱིར་འཁོད་པ་དང་། ཚེ་དང་ལྡན་པ་མ་འགགས་པས་དེ་དག་གི་བསམ་པ་དང་། བག་ལ་ཉལ་དང་། ཁམས་དང་། རང་བཞིན་ཁོང་དུ་ཆུད་ནས་འདི་ལྟར་དེ་
D3.007.0262b06.01དག་གིས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟར་ཆོས་བསྟན་པ་བྱས་སོ། །དེ་དག་གིས་བདེན་པ་མཐོང་ནས་སྨྲས་པ། བཙུན་པ་བདག་
D3.007.0262b07.01