完整藏文原文 · 德格版页 当前仅加载第 7 函德格 60b 版页；藏文 NFD、目录标记与异常页序保留在来源切片中，重复版页行以稳定序号区分。
དེས་ལྟུང་བ་དེ་ཆོས་བཞིན་དུ་ཕྱིར་བྱས་པའོ། །ཇི་ལྟར་ཚུལ་ཁྲིམས་དང་ལྡན་པ་ཡིན་ཞེ་ན། ཕམ་པར་འགྱུར་བ་བཞི་པོ་དག་ལས་གང་ཡང་རུང་བའི་ལྟུང་བ་མ་བྱུང་བ་སྟེ། དེ་ལྟར་ཚུལ་ཁྲིམས་དང་ལྡན་པ་ཡིན་ནོ། །ཇི་ལྟར་མང་དུ་ཐོས་པ་ཡིན་ཞེ་ན། དེས་སོ་སོར་ཐར་
D3.007.0060b01.01པའི་མདོ་གདོན་པ་རྒྱ་ཆེར་ཐོན་པ་དང་། ལོབས་པ་སྟེ་དེ་ལྟར་མང་དུ་ཐོས་པ་ཡིན་ནོ། །ཇི་ལྟར་གནས་བརྟན་རྒྱལ་ཚབ་ལྟ་བུ་ཡིན་ཞེ་ན། རྫོགས་པར་བསྙེན་ནས་ལོ་ཉི་ཤུའམ་ལྷག་པ་སྟེ་དེ་ལྟར་གནས་བརྟན་རྒྱལ་ཚབ་ལྟ་བུ་ཡིན་ནོ། །ཇི་ལྟར་གྲོང་ཁྱེར་པའི་སྐད་དང་
D3.007.0060b02.01ལྡན་པ་ཡིན་ཞེ་ན། ཕོ་བྲང་འཁོར་ནི་གྲོང་ཁྱེར་ཞེས་བྱ་སྟེ། དེའི་སྐད་དང་ལྡན་པ་སྟེ་དེ་ལྟར་གྲོང་ཁྱེར་པའི་སྐད་དང་ལྡན་པ་ཡིན་ནོ། །ཇི་ལྟར་དེས་དགེ་སློང་མ་ལ་ལུས་ཀྱིས་རེག་པས་སུན་མ་ཕྱུང་བ་ཡིན་ཞེ་ན། དེས་དགེ་སློང་མའི་ལུས་ལ་ལུས་ཉེ་བར་གཞོལ་བ་མ་
D3.007.0060b03.01བྱས་པ་སྟེ། དེ་ལྟར་ན་དེས་དགེ་སློང་མ་ལ་ལུས་ཀྱིས་རེག་པས་སུན་མ་ཕྱུང་བ་ཡིན་ཏེ། ཆོས་ལྔ་པོ་དེ་དག་དང་ལྡན་པ་དགེ་སློང་མའི་སྟོན་པར་བསྐོ་བར་བྱའོ། །བཅོམ་ལྡན་འདས་ཀྱིས་ཆོས་ལྔ་དང་ལྡན་པ་དགེ་སློང་མའི་སྟོན་པར་བསྐོ་བར་བྱའོ་ཞེས་བཀའ་སྩལ་ནས།
D3.007.0060b04.01དགེ་སློང་དྲུག་སྡེ་དག་མ་བསྐོས་པ་ཁོ་ནར་དགེ་སློང་མ་ལ་སྟོན་པར་བྱེད་ནས། དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་མ་བསྐོས་པ་ཁོ་ནར་དགེ་སློང་མ་ལ་སྟོན་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་
D3.007.0060b05.01བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་
D3.007.0060b06.01པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། །སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག་ངས་མ་བསྐོས་པར་དགེ་སློང་མ་ལ་བསྟན་པར་མི་བྱའོ་ཞེས་གསུངས་ན། ཁྱེད་མ་བསྐོས་པ་ཁོ་ནར་དགེ་སློང་མ་ལ་སྟོན་པར་བྱེད་པ་བདེན་
D3.007.0060b07.01