完整藏文原文 · 德格版页 当前仅加载第 7 函德格 28b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་པ་དེའི་ཚེ་ན་སྨྲས་པ། ཚེ་དང་ལྡན་པ་དག་ཁྱེད་ཅག་ཅིའི་ཕྱིར་གནས་མ་བཅས་པར་ལྗོངས་རྒྱུར་འདོང་བར་བྱེད། ཚུར་ཤོག་གནས་ཆོས་ཤིག་ཅེས་དེས་དེ་དག་མདུན་དུ་ཙོག་པུར་འདུག་ཏུ་བཅུག་སྟེ་གནས་འཆར་བཅུག་གོ། །དེས་དེ་དག་ལ་ལ་ལ་གཏུར་བུ་གཏད། ལ་ལ་ལ་ལྷུང་
D3.007.0028b01.01བཟེད་ཀྱི་སྣོད་གཏད། ལ་ལ་ལ་བར་བུར་གཏད། ལ་ལ་ལ་ཕོར་བུ་གཏད། ལ་ལ་ལ་རིལ་བ་སྤྱི་བླུགས་གཏད་ནས་དེ་ལག་པ་གཉིས་བརྐྱང་སྟེ། རྔུལ་གཟན་ལས་གཞན་མེད་པར་འཇིག་རྟེན་ལ་མཐོ་འཚམ་ཞིང་འགྲོ་བ་ན་དེ་དག་རི་བྲགས་ཤིག་ཏུ་ཕྱིན་ནས་དེ་དག་དེར་ཁྲོན་པ་ཞིག་གི་དྲུང་
D3.007.0028b02.01དུ་ངལ་སོ་བར་བྱེད་པ་ན་དེ་ན་རི་བྲགས་ཀྱི་གཙུག་ལག་ཁང་ཞིག་ཡོད་པ་དེར་གཎྜཱི་བརྡུངས་པ་དང་། དེ་དག་གིས་ཐོས་ནས་སྨྲས་པ། སློབ་དཔོན་གཙུག་ལག་ཁང་དུ་གཎྜཱི་བརྡུངས་ཀྱིས་བཞུད་དོ། །འཆར་ཀས་སྨྲས་པ། ལྷུང་བཟེད་ནག་པོ་ཅན་ལས་མེད་པ་དག་གིས་ལས་ཀྱི་གཎྜཱི་བརྡུངས་
D3.007.0028b03.01ཤིང་བདག་ཅག་ངལ་བ་དག་གིས་ལས་བྱ་དགོས་པར་འགྱུར་བ་དེ་ལྟ་བུའི་གནས་ཡོད་པར་འགྱུར་རོ། །སློབ་དཔོན་རྙེད་པའི་གཎྜཱི་མ་ལགས་སམ། དེ་ཡིན་ན་བདག་ཅག་མཚམས་སུ་ཕྱིན་ན་འཐོབ་བོ། །སློབ་དཔོན་ནི་གྲགས་པ་བསོད་ནམས་ཆེ་བ་ལགས་པས་ཐོབ་ཀྱི་བདག་ཅག་ལ་སུས་སྩོལ་
D3.007.0028b04.01བར་འགྱུར། དེང་ལ་གལ་ཏེ་རྙེད་པ་ཡོད་ན་ཁོ་བོའི་ཡང་ནོས་ཤིག །དེ་དག་དོང་བ་དང་ཇི་ཙམ་ན་དེར་གནས་མལ་གྱི་གཎྜཱི་བརྡུངས་ནས་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་གནས་མལ་ནོས་ཤིག །དེ་དག་གིས་སྨྲས་པ། བདག་ཅག་ལས་ཆེས་རྒན་པ་ཡང་ཡོད་དོ། །སུ་
D3.007.0028b05.01ཡིན། སློབ་དཔོན་འཆར་ཀའོ། །དེའི་ཡང་ནོས་ཤིག །དེ་དག་གིས་གནས་མལ་མནོས་སོ། །ཚེ་དང་ལྡན་པ་འཆར་ཀ་ཡང་དེ་ན་འདུ་འཛིའི་གཏམ་གྱིས་འདུག་སྟེ། རི་བྲགས་འདི་སུའི། གཙུག་ལག་ཁང་འདི་སུའི། ལྷ་ཁང་འདི་སུའི། སྐྱེད་མོས་ཚལ་འདི་སུའི། ཀུན་དགའ་ར་
D3.007.0028b06.01བ་འདི་སུའི། ཁྲོན་པ་འདི་སུའི། ཞིང་འདི་སུའི། བ་ལང་འདི་དག་སུའི། མ་ཧེ་འདི་དག་སུའི་ཞེས་འདུ་འཛིའི་གཏམ་གྱིས་འདུག་གོ། །དེ་དག་གིས་ཀྱང་བསམས་པ། སློབ་དཔོན་འཆར་ཀ་ཡུན་རིང་དུ་ཐོགས་པར་འགྱུར་རོ་སྙམ་ནས་དེ་དག་གིས་གཅིག་ལ་གཅིག་ཞུས་ཏེ། ཚེ་དང་ལྡན་
D3.007.0028b07.01