完整藏文原文 · 德格版页 当前仅加载第 7 函德格 139a 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་གན་དུ་སོང་སྟེ་སྨྲས་པ། ཁྱོད་ཀྱིས་གཡས་ཞར་མ་ཐོབ་བམ། ཁྱིམ་བདག་གིས་སྨྲས་པ། ཐོབ་བོ། །དེས་ཚིགས་སུ་བཅད་པ་དག་སྨྲས་པ། རྒྱ་སྐྱེགས་ཤིང་གི་སོ་ཤིང་དང་། །ནུབ་ཏུ་སྔས་བསྟན་ཉལ་བ་དང་། །ཤིན་ཏུ་གཉིད་ཆེ་ཞོ་འཐུངས་དང་། །ཆུང་མ་གཡས་
D3.007.0139a01.01ཞར་ལེན་བྱེད་ན། །ཞི་བའང་གནས་ནས་ཉམས་པར་འགྱུར། །འགོག་ལ་འགོག་བྱེད་བབ་པ་དང་། །རྡོ་ལ་ལྕགས་ནི་བབ་པ་ལྟར། །ཁྱོད་ཀྱང་ཆུང་མ་གསོད་བྱེད་ལ། །དེ་ཡང་གཡས་ཞར་ཡིན་པས་ན། །ཁྱེད་གཉིས་གང་རྒྱལ་གང་ཕམ་བལྟའོ། །གྲོགས་པོ་བུ་མོ་དེ་མཚན་ངན་པ་
D3.007.0139a02.01ཡིན་པས་ཁྱོད་དུས་བྱེད་པར་གྱུར་ན་མི་རུང་གིས། དེ་འོར་ལ་ཁོ་བོའི་སྲིང་མོ་ཡུགས་ས་མོ་ཞིག་ཡོད་པ་དེ་ལོང་ཤིག །ཁྱིམ་བདག་དེས་སྨྲས་པ། གྲོགས་པོ་ད་དོར་བར་མི་ནུས་ཏེ། འོན་ཀྱང་འདི་ལ་ཐབས་ཀྱི་རྣམ་པ་ཞིག་བྱའོ། །གཡས་ཞར་མའི་མ་དེས་ཀྱང་བག་རྫངས་སྟ་གོན་བྱ་བར་
D3.007.0139a03.01བརྩམས་སོ། །ཁྱིམ་དེ་དྲུག་སྡེ་དག་གི་ཁྱིམ་དུ་འགྲོ་བའི་ཁྱིམ་ཡིན་པས་དྲུག་སྡེ་དག་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས། མཐར་གྱིས་བསོད་སྙོམས་ལ་རྒྱུ་བ་ན་ཁྱིམ་དེར་ཞུགས་པ་དང་། ཇི་ཙམ་ན་ཁུར་བ་དག་སྲེག་པ་མཐོང་
D3.007.0139a04.01ནས་དེ་དག་གིས་སྨྲས་པ། སྲིང་མོ་དུས་སྟོན་ལ་བབ་ཏུ་ཉེའམ་ཅི། དེས་སྨྲས་པ། འཕགས་པ་དག་ཁྱེད་ཀྱི་ལྕམ་མོ་བག་མར་མཆི་བ་ལ་ཐུག་ནས། དེའི་བག་རྫངས་སྟ་གོན་བགྱིད་དོ། །དྲུག་སྡེ་དག་གིས་སྨྲས་པ། སྲིང་མོ་ཁོ་བོ་ཅག་གིས་ཅུང་ཟད་མི་ཐོབ་བམ། འཕགས་པ་དག་ཁྱེད་ཅག་
D3.007.0139a05.01ལ་སུ་ཞིག་གིས་དབུལ་འཚལ། འདི་ཁྱེད་ཉིད་ཀྱི་ལགས་སོ། །དྲུག་སྡེ་དག་གིས་སྨྲས་པ། སྲིང་མོ་རེ་ཞིག་ཕུགས་ན་ཡོད་པ་གཞན་ཐམས་ཅད་ལྟ་ཞོག་ཤིག །ད་འཕྲལ་དུ་ཅི་སྦྱིན་པ་བལྟས་འོན་ཅིག །དེས་བག་བརྐྱང་སྟེ་དེ་དག་གིས་ལྷུང་བཟེད་ཐམས་ཅད་ཁུར་བ་དག་གིས་བཀང་ནས་དྲུག་སྡེ་
D3.007.0139a06.01དག་གིས་དེའི་ཁ་ཟས་ཐམས་ཅད་བསྡུས་ཏེ་དོང་ངོ་། །ཇི་ཙམ་ན་ཁྱིམ་བདག་དེ་འོངས་པ་དང་། ཆུང་མས་སྨྲས་པ། རྗེའི་སྲས་སྦྱིན་གནས་དག་བྱོན་པར་གྱུར་ནས་དེ་དག་གིས་ཁ་ཟས་ཐམས་ཅད་བཞེས་ཀྱིས་བཞུད་ལ། ཁྱོ་ག་དེ་ལ་བག་རྫངས་སྟ་གོན་བྱེད་ཀྱི་བར་དུ་རེ་ཞིག་ཉི་མ་ཉུང་ཤས་ཤིག་སྡོད་
D3.007.0139a07.01