完整藏文原文 · 德格版页 当前仅加载第 7 函德格 268a 版页；藏文 NFD、目录标记与异常页序保留在来源切片中，重复版页行以稳定序号区分。
བཏབ་པའི་དབང་གིས་ད་ལྟར་མ་འགགས་པ་ལ་བརྟེན་ཏེ་ངའི་གསུང་རབ་ལ་བདེན་པ་དག་མཐོང་བར་གྱུར་ཏོ། །བཙུན་པ་ཚེ་དང་ལྡན་པ་མ་འགགས་པས་ལས་ཅི་ཞིག་བགྱིས་ན་ལས་དེའི་རྣམ་པར་སྨིན་པས་ལྷའི་མིག་དང་ལྡན་པར་གྱུར། དགེ་སློང་དག་སྔོན་
D3.007.0268a01.01བྱུང་བ་བསྐལ་པ་ཆེན་པོ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་བཞི་ཁྲི་ཐུབ་པ་ན་སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་། ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་གདུལ་བའི་
D3.007.0268a02.01ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འཁོར་བ་འཇིག་ཅེས་བྱ་བ་འཇིག་རྟེན་དུ་བྱུང་སྟེ། དེས་སངས་རྒྱས་ཀྱི་མཛད་པ་མཐའ་དག་མཛད་ནས་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་
D3.007.0268a03.01འདས་ནས་རྒྱལ་པོ་མཛེས་པས་དེའི་མཆོད་རྟེན་རིན་པོ་ཆེ་སྣ་བཞི་ལས་བྱས་པ། རྒྱར་དཔག་ཚད་གཅིག་པ། འཕང་དུ་དཔག་ཚད་ཕྱེད་པ་བྱེད་དུ་བཅུག་ནས་དེས་དེ་ལ་དུས་སྟོན་བྱ་བ་ཡང་བཤམས་སོ། །དེར་དུས་སྟོན་ལ་བབ་པ་ན་ཆོམ་རྐུན་པ་འཇོམས་པར་འདོད་པ་ལྔ་
D3.007.0268a04.01བརྒྱ་དེར་ལྷགས་ནས་དེ་ན་ཆོམ་རྐུན་པའི་དམག་དཔོན་གྱི་ལྷམ་རལ་ནས་དེ་དང་ཧ་ཅང་མི་རིང་བ་ན་དྲི་གཙང་ཁང་འདུག་པ་དེ་ན་མར་མེ་ཚོད་དུ་མི་གསལ་བར་འབར་བ་ཆོམ་རྐུན་པའི་དམག་དཔོན་དེས་མཐོང་ནས་དེ་དྲི་གཙང་ཁང་དེར་ཞུགས་ཏེ་ལྷམ་དྲུབ་པར་བརྩམས་པ་ན་མར་
D3.007.0268a05.01མེའི་འོད་ཚོད་དུ་མི་གསལ་བར་འབར་ནས་དེས་མར་མེའི་སྙིང་པོ་བསྐུལ་བ་དང་། མར་མེ་དེ་ཤིན་ཏུ་འོད་གསལ་བར་འབར་བར་གྱུར་ནས། ཇི་ཙམ་ན་དེས་སྐུ་གཟུགས་མཐོང་ངོ་། །མཐོང་ནས་ཀྱང་དེ་ཤིན་ཏུ་དད་པ་སྐྱེས་ནས་དེས་དབྱིག་གིས་མཆོད་པ་བྱས་ཏེ། བདག་གི་
D3.007.0268a06.01དགེ་བའི་རྩ་བ་འདིས་བདག་ལྷའི་མིག་དང་ལྡན་པར་གྱུར་ཅིག་ཅེས་སྨོན་ལམ་བཏབ་བོ། །དགེ་སློང་དག་དེའི་ཚེ་དེའི་དུས་ན་ཆོམ་རྐུན་པའི་དམག་དཔོན་གང་ཡིན་པ་དེ་ནི་དགེ་སློང་མ་འགགས་པ་འདི་ཡིན་ཏེ། འདིས་མར་མེའི་སྙིང་པོ་བསྐུལ་ཅིང་སེམས་དད་པ་བསྐྱེད་པའི་ལས་
D3.007.0268a07.01