完整藏文原文 · 德格版页 当前仅加载第 7 函德格 107b 版页；藏文 NFD、目录标记与异常页序保留在来源切片中，重复版页行以稳定序号区分。
ལགས་ཤིང་བསོད་སྙོམས་པ་ཉིད་ཀྱི་བསྔགས་པ་ཡང་བརྗོད། ཕྱག་དར་ཁྲོད་པ་ལགས་ཤིང་ཕྱག་དར་ཁྲོད་པ་ཉིད་ཀྱི་བསྔགས་པ་ཡང་བརྗོད་པ་ལགས་སོ། །འོད་སྲུང་ཁྱོད་ཀྱིས་དོན་གྱི་དབང་དུ་ཞིག་ཡང་དག་པར་མཐོང་ན་དགོན་པ་པ་ཡིན་ཞིང་དགོན་པ་པ་ཉིད་ཀྱི་བསྔགས་པ་
D3.007.0107b01.01ཡང་བརྗོད། བསོད་སྙོམས་པ་ཡིན་ཞིང་བསོད་སྙོམས་པ་ཉིད་ཀྱི་བསྔགས་པ་ཡང་བརྗོད། ཕྱག་དར་ཁྲོད་པ་ཡིན་ཞིང་ཕྱག་དར་ཁྲོད་པ་ཉིད་ཀྱི་བསྔགས་པ་ཡང་བརྗོད། བཙུན་པ་གཉིས་ཏེ་བདག་ཉིད་ཚེ་འདི་ལ་བདེ་བར་གནས་པའི་སླད་དུ་དང་། སླད་མའི་སྐྱེ་བོ་དག་ལ་
D3.007.0107b02.01སྣང་བ་བགྱིས་པར་འགྱུར་བའི་སླད་དུ་སྟེ། དགེ་སློང་གནས་བརྟན་རྒྱལ་ཚབ་ལྟ་བུ་རབ་ཏུ་བྱུང་ནས་ཡུན་རིང་དུ་ལགས་པ། ཚངས་པར་སྤྱོད་པ་མངོན་པར་སྤྱད་པ། སྟོན་པས་བསྔགས་པ། ཚངས་པ་མཚུངས་པར་སྤྱོད་པ་མཁས་པ་རྣམས་ཀྱིས་བཀུར་བ་གང་དག་འདས་
D3.007.0107b03.01པར་གྱུར་པ་དེ་དག་ཡུན་རིང་པོ་ནས་དགོན་པ་པར་གྱུར་ཅིང་དགོན་པ་པ་ཉིད་ཀྱི་བསྔགས་པ་ཡང་བརྗོད། བསོད་སྙོམས་པར་གྱུར་ཅིང་བསོད་སྙོམས་པ་ཉིད་ཀྱི་བསྔགས་པ་ཡང་བརྗོད། ཕྱག་དར་ཁྲོད་པར་གྱུར་ཅིང་ཕྱག་དར་ཁྲོད་པ་ཉིད་ཀྱི་བསྔགས་པ་ཡང་བརྗོད་པར་
D3.007.0107b04.01གྱུར་པ་དེ་དག་ཐོས་ནས་དེ་ལྟ་དེ་ལྟར་སྒྲུབ་པར་འགྱུར་ཞིང་དེ་དག་ལ་ཡུན་རིང་པོའི་དོན་དང་སྨན་པ་དང་། བདེ་བར་འགྱུར་རོ། །འོད་སྲུང་ཁྱོད་ཡུན་རིང་པོ་ནས་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། ལྷ་དང་མི་
D3.007.0107b05.01རྣམས་ཀྱི་དོན་དང་། ཕན་པ་དང་། བདེ་བའི་ཕྱིར་ཞུགས་པ་ལེགས་སོ་ལེགས་སོ། །འོད་སྲུང་གང་ལ་ལ་ཞིག་སྦྱངས་པའི་ཡོན་ཏན་དེ་དག་གི་བསྔགས་པ་མ་ཡིན་པ་རྗོད་པར་བྱེད་པ་དེ་ནི་ངའི་བསྔགས་པ་མ་ཡིན་པ་རྗོད་པར་བྱེད་པ་ཡིན་ལ། གང་ལ་ལ་ཞིག་
D3.007.0107b06.01སྦྱངས་པའི་ཡོན་ཏན་དེ་དག་གི་བསྔགས་པ་རྗོད་པར་བྱེད་པ་དེ་ནི་ངའི་བསྔགས་པ་རྗོད་པར་བྱེད་པ་ཡིན་ནོ། །དེ་ཅིའི་ཕྱིར་ཞེ་ན། ངས་ཡུན་རིང་པོ་ནས་སྦྱངས་པའི་ཡོན་ཏན་དེ་དག་བསྟོད་ཅིང་བཀུར་ལ་བསྔགས་ཤིང་རབ་ཏུ་བསྔགས་པའི་ཕྱིར་རོ། །འོད་སྲུང་དེ་
D3.007.0107b07.01