完整藏文原文 · 德格版页 当前仅加载第 7 函德格 223b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷས་དུས་དང་དུས་སུ་ཆབ་ཀྱི་རྒྱུན་ལེགས་པར་མི་འབེབས། ལོ་ཐོག་དག་ཀྱང་ཤིན་ཏུ་རྒུད་པར་གྱུར་པ་ལས་ན་ཀླུའི་རྒྱལ་པོ་རི་བོ་དང་། ཡིད་འོང་གཉིས་ཉམས་པའམ། གུམ་པའམ། བྲོས་པའམ། སྦྲུལ་ཁས་སྡིགས་པས་བཟུང་བའམ། གཅིག་ཏུ་མ་གྱུར་ཏམ། རྒྱལ་པོ་ཆེན་པོ་
D3.007.0223b01.01ཀླུའི་རྒྱལ་པོ་རི་བོ་དང་། ཡིད་འོང་གཉིས་ནི་ཉམས་པར་ཡང་མ་གྱུར། ཤི་བར་ཡང་མ་གྱུར། བྲོས་པར་ཡང་མ་གྱུར། སྦྲུལ་ཁས་སྡིགས་པས་བཟུང་བར་ཡང་མ་གྱུར་ཏེ། འདི་ལྟར་ཁྱོད་ཉིད་ཀྱིས་བསྐྲད་དོ། །བཙུན་པ་བདག་གིས་ཀླུའི་རྒྱལ་པོ་རི་བོ་དང་། ཡིད་འོང་གཉིས་མཐོང་བར་ཡང་
D3.007.0223b02.01མི་དྲན་ན་བསྐྲད་པར་ལྟ་ག་ལ་འགྱུར། རྒྱལ་པོ་ཆེན་པོ་ངས་ཁྱོད་དྲན་པར་བྱའོ། །བཙུན་པ་བཅོམ་ལྡན་འདས་ཀྱིས་དྲན་པར་མཛད་དུ་གསོལ། རྒྱལ་པོ་ཆེན་པོ་དེའི་ཚེ་ཁྱོད་ཀྱིས་ཁྱིམ་བདག་དེ་གཉིས་ལ་ཇི་སྐད་སྨྲས། བཙུན་པ་བདག་གིས་ཞོ་ཤས་འཚོ་བ་དག་ལ་གང་གི་ཚེ་ཁྱིམ་བདག་
D3.007.0223b03.01འདི་གཉིས་བཅོམ་ལྡན་འདས་ཀྱི་སྤྱན་སྔ་ནས་ཕྱིར་བྱུང་བར་གྱུར་པ་དེའི་ཚེ་ན་འདི་སྐད་ཅེས་རྒྱལ་པོའི་ཞལ་ནས་ཁྱེད་གཉིས་ངའི་ཡུལ་ན་མ་འདུག་ཤིག་ཅེས་བྱུང་ངོ་ཞེས་གྱིས་ཤིག་ཅེས་མཆིད་སྩལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་ཁྱིམ་བདག་དེ་གཉིས་ནི་ཀླུའི་རྒྱལ་
D3.007.0223b04.01པོ་རི་བོ་དང་། ཡིད་འོང་གཉིས་ཡིན་ནོ། །རྒྱལ་པོས་གསོལ་པ། བཙུན་པ་དེའི་ཚེ་དེ་གཉིས་གང་དུ་མཆིས། རྒྱ་མཚོ་ཆེན་པོར་ཞུགས་སོ། །རྒྱལ་པོས་གསོལ་པ། བཙུན་པ་བཅོམ་ལྡན་འདས་དེ་ལྟ་ན་བདག་གི་ཡུལ་མ་རུང་དུ་བས་སོ། །བཅོམ་ལྡན་འདས་ཀྱིས་བཀའ་སྩལ་པ།
D3.007.0223b05.01རྒྱལ་པོ་ཆེན་པོ་ཁྱོད་ཀྱི་ཡུལ་མ་རུང་བར་མི་འགྱུར་ཏེ། འདི་ལྟར་ཁྱོད་ཀྱིས་དེ་གཉིས་ལ་བཟོད་པ་གསོལ་བར་བྱའོ། །རྒྱལ་པོས་གསོལ་པ། བཙུན་པ་དེ་གཉིས་ནི་རྒྱ་མཚོ་ཆེན་པོར་ཞུགས་ལ་བདག་ནི་འདི་ན་མཆིས་ན་བདག་གིས་ཇི་ལྟར་དེ་གཉིས་ལ་བཟོད་པ་གསོལ་བར་བགྱི། བཅོམ་ལྡན་
D3.007.0223b06.01འདས་ཀྱིས་བཀའ་སྩལ་པ། རྒྱལ་པོ་ཆེན་པོ་དེ་གཉིས་ཚེས་བརྒྱད་དང་། ཚེས་བཅུ་བཞི་དང་། {བཅྭ་,བཅོ་}ལྔ་ལ་ངའི་རྐང་པ་ལ་ཕྱག་འཚལ་དུ་འདིར་འོང་གིས། ཁྱོད་ཀྱང་ཚེས་བརྒྱད་དང་། ཚེས་བཅུ་བཞི་དང་། {བཅྭ་,བཅོ་}ལྔ་ལ་འདིར་ཤོག་ཤིག་དང་ངས་ཁྱོད་ལ་དེ་གཉིས་བསྟན་པར་བྱའི་ཁྱོད་
D3.007.0223b07.01