完整藏文原文 · 德格版页 当前仅加载第 7 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས། དགེ་སློང་ནད་པ་རབ་ཏུ་མང་པོ་དག་གི་ནད་གཡོག་རབ་ཏུ་མང་པོ་དག་ཡོད་
D3.007.0144b01.01པ་དེ་དག་གིས་བདག་ཉིད་ཟོས་ནས་ནད་པ་རྣམས་ཀྱི་ལྟོ་ཁེངས་པའི་བསོད་སྙོམས་དག་མནོས་པ་དང་། དགེ་སློང་ནད་པ་རྣམས་ཀྱིས་ཟ་བར་མ་ནུས་ཤིང་། དགེ་སློང་ནད་གཡོག་གིས་ཀྱང་བདག་ཅག་གིས་སྤངས་སོ་ཞེས་ཟ་བར་མི་བྱེད། ཀུན་དགའ་ར་བ་པ་དང་། དགེ་ཚུལ་དག་ཀྱང་མེད་
D3.007.0144b02.01ནས་དེ་དག་གིས་ཀུན་དགའ་ར་བའི་ནང་དུ་ཟས་ཀྱི་ཕུང་པོ་ཆེན་པོ་རྣམ་པར་བཞག་པ་དང་། དེར་བྱ་རོག་དག་ཟ་བ་ན་བྱ་རོག་གིས་སྒྲ་འབྱིན་པ་ཆེན་པོ་བྱུང་བར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ། སངས་རྒྱས་བཅོམ་ལྡན་འདས་ཀྱིས་ཚེ་དང་
D3.007.0144b03.01ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཀུན་དགའ་ར་བའི་ནང་ན་བྱ་རོག་གིས་སྒྲ་འབྱིན་པ་ཆེན་པོ་བྱུང་བར་གྱུར་པ་འདི་ཅི་ལས་གྱུར། བཙུན་པ་ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་སྡུམ་པ་གཞན་དུ་གདུགས་ཚོད་ལ་སྤྱན་དྲངས་ནས། དགེ་
D3.007.0144b04.01སློང་བྲོ་འཚལ་བ་རབ་ཏུ་མང་པོ་དག་གི་བྲོ་གཡོག་རབ་ཏུ་མང་པོ་དག་མཆིས་པ་དེ་དག་གིས་བདག་ཉིད་འཚལ་ནས། བྲོ་འཚལ་བ་རྣམས་ཀྱི་གཡར་བལྟམ་པའི་བསོད་སྙོམས་དག་མནོས་པ་དང་། དགེ་སློང་བྲོ་འཚལ་བ་རྣམས་ཀྱིས་འཚལ་བར་རྔོ་མ་ཐོག་ཅིང་། དགེ་སློང་བྲོ་གཡོག་དག་
D3.007.0144b05.01གིས་ཀྱང་བདག་ཅག་གིས་སྤངས་སོ་ཞེས་འཚལ་བར་མི་བགྱིད། ཀུན་དགའ་ར་བ་པ་དང་། དགེ་ཚུལ་དག་ཀྱང་མ་མཆིས་ནས། དེ་དག་གིས་ཀུན་དགའ་ར་བའི་ནང་དུ་ཟས་ཀྱི་ཕུང་པོ་ཆེན་པོ་རྣམ་པར་བཞག་པ་དང་། དེར་བྱ་རོག་དག་འཚལ་བ་ན་བྱ་རོག་གིས་སྒྲ་འབྱིན་པ་ཆེན་པོ་
D3.007.0144b06.01བྱུང་བར་གྱུར་ཏོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ངས་དགེ་སློང་རྣམས་བདེ་བ་ལ་རེག་པར་གནས་པར་བྱ་བའི་ཕྱིར་དང་། སྦྱིན་པ་པོ་རྣམས་ཀྱི་སྦྱིན་པར་བྱ་བའི་ཆོས་ཡོངས་སུ་ལོངས་སྤྱད་པར་བྱ་བའི་ཕྱིར་ལྷག་པོར་གནང་བར་བྱའོ་སྙམ་དུ་དགོངས་ནས་དགེ་སློང་རྣམས་ལ་
D3.007.0144b07.01