完整藏文原文 · 德格版页 当前仅加载第 7 函德格 44b 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྱུར་ན་ལྷུང་བཟེད་ནག་པོ་ཅན་དག་རྟག་པ་ཁོ་ནར་བདག་ཅག་ལ་སྐབས་ཚོལ་བས་དེ་དག་གིས་དྲུག་སྡེ་དག་ཐམས་ཅད་ལག་གི་བླ་ལ་ཞུགས་སོ་ཞེས་སྐབས་རྙེད་པར་ཡང་འགྱུར་ལ། བདག་ཅག་གི་སློང་མོའི་ཁྱིམ་གང་དག་ཡིན་པ་དེ་དག་ཏུ་ཡང་བྲེལ་བ་དག་གི་སྐྱོན་བརྗོད་ནས་རྗེས་སུ་འཇུག་
D3.007.0044b01.01པར་བྱེད་པར་འགྱུར་གྱིས། བདག་ཅག་གིས་བདག་གི་ནང་ན་མཁས་པ། སྤྱོད་པ་གསལ་བ། ཁབ་གཞུག་པར་གཏུན་བུ་འཇུད་ནུས་པ་གང་ཡིན་པ་དེའི་གན་དུ་བདག་ཅག་དོང་ལ་སྤྲོ་བ་བསྐྱེད་པར་བྱ་གོར་མ་ཆག་ན། དེའི་ཕྱིར་བདག་ཅག་གི་ནང་ན་མཁས་པ། སྤྱོད་པ་གསལ་
D3.007.0044b02.01བ། ཁབ་གཞུག་པར་གཏུན་བུ་འཇུད་ནུས་པ་གང་ཡིན། བདག་ཅག་གི་ནང་ན་ཚེ་དང་ལྡན་པ་འདུན་པ་མཁས་པ། སྤྱོད་པ་གསལ་བ། ཁབ་གཞུག་པར་གཏུན་བུ་འཇུད་ནུས་པ་ཡིན་གྱིས་བདག་ཅག་དེའི་གན་དུ་དོང་ལ་སྤྲོ་བ་བསྐྱེད་པར་བྱའོ་སྙམ་ནས། བདག་ཅག་གིས་ཚེ་
D3.007.0044b03.01དང་ལྡན་པ་གཙུག་ལག་ཁང་གི་ཕྱིར་སྤྲོ་བར་བྱ་ཞིང་ཁྱོད་ལ་གསོལ་བ་འདེབས་ཀྱིས་ལྷུང་བཟེད་ནག་པོ་ཅན་དག་ཡན་ལག་འདིས་ཟིལ་གྱིས་ནོན་པར་གྱིས་ཤིག །འདུན་པས་སྨྲས་པ། ཐབས་ཡིན་གྱིས་དེ་ལྟར་བྱའོ། །དེ་དག་ཡིད་དགའ་ནས་དོང་ངོ་། །ཚེ་དང་ལྡན་པ་འདུན་པ་ཡང་
D3.007.0044b04.01གཙུག་ལག་ཁང་གི་ཕྱི་རོལ་དུ་རྐང་པ་གཉིས་བཀྲུས་ནས་གཙུག་ལག་ཁང་དུ་ཞུགས་ཏེ་འདུག་ནས་ཐབས་ཅི་ཡོད་ན་དེས་དགེ་འདུན་གྱི་གཙུག་ལག་ཁང་འགྲུབ་པར་འགྱུར་སྙམ་དུ་སེམས་པ་ལ་ཞུགས་སོ། །དེས་སུ་ཞིག་སུ་ལ་མངོན་པར་དད་སྙམ་དུ་རྣམ་པར་དཔྱད་པར་བརྩམས་པ་
D3.007.0044b05.01དང་། དེ་འདི་སྙམ་དུ་སེམས་ཏེ། རེ་ཞིག་འཇིག་རྟེན་ལྷ་དང་བཅས་པ་ནི་བཅོམ་ལྡན་འདས་ལ་མངོན་པར་དད་པ་ཡིན། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་ཀུན་ཤེས་ཀཽཎྜི་ནྱ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་འོད་སྲུང་ཆེན་པོ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་ཤཱ་རིའི་
D3.007.0044b06.01བུ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་མ་འགགས་པ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་རྟ་ཐུལ་དང་། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་བཟང་ལྡན་དང་། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་རླངས་པ་ལ།
D3.007.0044b07.01