完整藏文原文 · 德格版页 当前仅加载第 7 函德格 131a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་ལ་ཕུལ། ཁྱིམ་བདག་གིས་སྨྲས་པ། སུ་ལ་ཡང་མ་ཕུལ་ཏེ། འདི་ལྟར་གང་དེ་ན་འདུག་པ་དེ་ལ་བདག་བསོད་སྙོམས་ཀྱིས་མཁོ་བ་སྟོབས་པར་བྱེད་དོ། །དེ་དག་གིས་སྨྲས་པ། ཁྱིམ་བདག་ནི་རེ་ཞིག་དབུས་ན་གནས་པ་ཡིན་ནོ་ཞེས་དེ་དག་འདུག་གནས་སུ་དོང་ནས་
D3.007.0131a01.01དྲུག་སྡེ་དག་ལ་སྨྲས་པ། ཀྭའི་ཤཱཀྱའི་བུའི་དགེ་སྦྱོང་དག་ཁྱེད་གང་ནས་ལྷགས་ཏེ་འདིར་འཁོད། འདི་ཁྱེད་ཀྱི་གཙུག་ལག་ཁང་ཡང་མ་ཡིན་ལ། འདུག་གནས་ཀྱང་མ་ཡིན་གྱིས་ཕྱིར་བྱུང་ཤིག །གལ་ཏེ་བྱུང་ན་ནི་བྱུང་དུ་ཟད། མི་བྱུང་ན་ཁོ་བོ་ཅག་གིས་ཁྱེད་ལ་མཚམས་ཆེན་པོ་གཅད་
D3.007.0131a02.01པར་བྱའོ། །དྲུག་སྡེ་དག་གིས་སྨྲས་པ། ཀྭའི་གཅེར་བུ་པ་སྒྲེ་བྱི་དག་ཅི་ཟེར། འདི་ཁྱེད་ཀྱི་གཙུག་ལག་ཁང་ཡང་མ་ཡིན་ལ། འདུག་གནས་ཀྱང་མ་ཡིན་གྱིས་ཕྱིར་བྱུང་ཤིག་ཅེས་མ་ཟེར་ཅིག །གལ་ཏེ་འཁོད་ན་ནི་འཁོད་དུ་ཟད། གལ་ཏེ་མི་འཁོད་ན་ཁོ་བོ་ཅག་གིས་ཁྱེད་ལ་མཚམས་
D3.007.0131a03.01ཆེན་པོ་གཅད་པར་བྱའོ། །གཅེར་བུ་པ་དག་གིས་ཤེས་པ་ཅན་རེམ་ཤིག་ཅེས་སྨྲས་ནས། དྲུག་སྡེ་རེ་རེ་ལ་གཅེར་བུ་པ་བཅུ་བཅུ་རུབ་སྟེ། དེ་དག་གིས་བརྡེག་པར་བརྩམས་པ་དང་། དྲུག་སྡེ་དག་གིས་སྨྲས་པ། དགའ་བོ་ཉེ་དགའ་ཚངས་པ་མཚུངས་པར་སྤྱོད་པ་དག་གིས་སྨད་པར་
D3.007.0131a04.01གྱུར་ན་མི་རུང་གིས་མིག་དག་དང་། རྣ་བ་དག་སྲུངས་ཤིག་ཅེས་དེ་དག་གིས་སྨྲས་པ། སྒྲེ་བྱི་དག་ཕོད་ཡང་དག་ན་ཕྱོགས་འདིར་སྣུན་ཅིག་ཅེས་རྐུབ་ཚོས་ལ་སོགས་པ་བསྟན་ཏེ་དེ་དག་བརྡེག་ཏུ་བཅུག་གོ། །གང་གི་ཚེ་གཅེར་བུ་པ་དག་ངལ་བར་གྱུར་ཅིང་རྡེག་མི་ནུས་པ་དེའི་ཚེ་ན་དྲུག་སྡེ་དག་གིས་
D3.007.0131a05.01ཚེ་དང་ལྡན་པ་དག་ཤིན་ཏུ་རེམ་ཤིག་ཅེས་དྲུག་སྡེ་རེ་རེས་ཀྱང་ལག་ངར་བརྐྱང་པས་ཀྱང་གཅེར་བུ་པ་ལྔ་ལྔ་ས་ལ་བརྡབས་ཤིང་། ལག་ངར་བསྐུམས་པས་ཀྱང་གཅེར་བུ་པ་ལྔ་ལྔ་ས་ལ་བརྡབས་ནས་དེ་དག་ཤིན་ཏུ་བརྡེག་པར་བརྩམས་ཏེ་སྨྲས་པ། དགའ་བོ་ཉེ་དགའ་ཕམ་པར་འགྱུར་བའི་ལྟུང་བ་
D3.007.0131a06.01བྱུང་བར་གྱུར་ན་མི་རུང་གིས་རྩ་བའི་ལྟུང་བ་སྲུངས་ཤིག་ཅེས་དྲུག་སྡེ་དག་གིས་དེ་དག་རྒྱ་ལྕག་དག་དང་། ཁུ་ཚུར་དག་དང་། རྡོག་པ་དག་དང་། ལྕུག་མ་དག་གིས་ཤིན་ཏུ་གཏལ་ཅིང་བྲིམས་ནས། དེ་དག་གིས་གཅེར་བུ་པ་དག་རྡེག་བཞིན་དུ་འདུག་གནས་ཀྱི་ནང་ནས་ཕྱི་རོལ་དུ་འཛིངས་ཏེ་
D3.007.0131a07.01