完整藏文原文 · 德格版页 当前仅加载第 7 函德格 262a 版页；藏文 NFD、目录标记与异常页序保留在来源切片中，重复版页行以稳定序号区分。
ཚེ་དང་ལྡན་པ་མ་འགགས་པ་ངོ་ཤེས་ནས་དེས་སྨྲས་པ། འཕགས་པ་མ་འགགས་པ་མ་ལགས་སམ། བཞིན་{བཟངས་,བཟང་}སྐྱེ་བོ་དག་གིས་དེ་ལྟར་ཤེས་སོ། །དེས་སྨྲས་པ། ཤེས་ལྡན་དག་འདི་མ་བསད་ཅིག །འདི་ནི་མི་སྐལ་བ་བཟང་པོ་རབ་ཏུ་བྱུང་བ་ཡིན་
D3.007.0262a01.01ཏེ། འདིའི་མིང་གིས་ཚོང་པ་དག་རྒྱ་མཚོ་ཆེན་པོ་ནས་ཀྱང་གྲུ་བོ་ཆེ་ལེགས་པར་གྲུབ་སྟེ་འོང་ངོ་། །ཇི་ལྟར་ཤེས་གལ་ཏེ་བདག་ཅག་གིས་དེ་མོད་ཅི་ཡང་མི་ཐོབ་ན་དེའི་འོག་ཏུ་གཟོད་གསད་པར་བྱའི་ཐོབ་ན་གསད་པར་མི་བྱས་རེ་ཞིག་སྡོད་ཅིག་ཅེས་དེ་དག་གིས་དེའི་སྲུང་མ་ཆོམ་
D3.007.0262a02.01རྐུན་པ་མི་བཞི་བཞག་སྟེ། འདི་བྲོས་པར་གྱུར་ཏ་རེ་ཞེས་བསྒོ་ནས་དེ་དག་འཇོམས་པར་འདོད་པས་རི་བྲགས་དེར་ཞུགས་སོ། །ཚེ་དང་ལྡན་པ་མ་འགགས་པས་སྲུང་མ་བཞི་པོ་དེ་དག་ལ་སྨྲས་པ། བཞིན་{བཟངས་,བཟང་}དག་རེ་ཞིག་གོ་ཕུད་ཅིག །དེ་དག་གིས་སྨྲས་པ། ཁྱོད་
D3.007.0262a03.01འབྲོས་པར་འགྱུར་རོ། །ཁྱོད་ཅག་མི་བཞི་འཁོད་ན་ཁོ་བོ་ཇི་ལྟར་འབྲོས་པར་འགྱུར། དེ་དག་གིས་གོ་ཕུད་དེ་འཁོད་པ་དང་། ཚེ་དང་ལྡན་པ་མ་འགགས་པས་དེ་དག་གི་བསམ་པ་དང་། བག་ལ་ཉལ་དང་། ཁམས་དང་རང་བཞིན་ཁོང་དུ་ཆུད་ནས་འདི་ལྟར་དེ་དག་གིས་སྟན་
D3.007.0262a04.01དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟར་ཆོས་བསྟན་པ་བྱས་སོ། །དེ་དག་གིས་བདེན་པ་མཐོང་ནས་སྨྲས་པ། བཙུན་པ་བདག་ཅག་གིས་དགེ་བའི་
D3.007.0262a05.01བཤེས་གཉེན་བཙུན་པ་ལ་བརྟེན་ནས་བཙུན་པས་བདག་ཅག་ལ་གང་མཛད་པ་འདི་ལྟ་བུ་ནི་བདག་ཅག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་
D3.007.0262a06.01སྦྱོང་དང་། བྲམ་ཟེ་དག་གིས་ཀྱང་མ་བགྱིས། བྱམས་པ་དང་། མཛའ་བཤེས་དང་། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་དག་ལས་ནི་བསྒྲལ། ངན་སོང་གི་སྒོ་དག་ནི་བཀུམ། མཐོ་རིས་དང་
D3.007.0262a07.01