完整藏文原文 · 德格版页 当前仅加载第 7 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་གཞག་པའི་ཕྱོགས་དེ་ཟངས་མའི་གླེགས་བུ་དག་གིས་ཀྱང་གཡོགས། རྒྱལ་པོའི་བུ་ཐུ་བོ་ཡང་མགོའི་སྟེང་དུ་གདུགས་སྲོག་ཤིང་བརྒྱ་པ་འཛིན་དུ་བཅུག །རྒྱལ་པོའི་བུ་མོ་ཐུ་མོ་ཡང་རྔ་ཡབ་གསེར་ཅན་ནོར་བུས་སྤྲས་པས་སྦྲང་མ་དག་སྐྱོབ་ཏུ་བཅུག །རྒྱལ་པོའི་བཙུན་མོ་དམ་པ་ཡང་
D3.007.0085b01.01གསེར་གྱི་སྣོད་ནས་ཟིལ་དངར་གྱིས་བཅིན་པའི་བཟང་ཆས་ཀྱི་ཟས་སྟོབས་སུ་བཅུག །རྒྱལ་པོའི་བློན་པོ་དམ་པ་ཡང་གསེར་གྱི་ཆོལ་ཟངས་ཀྱིས་རྟུག་པ་འདོར་དུ་བཅུག་གོ། །ས་བདག་འདུལ་སྦྱོང་བཅས་པ་དེ་ལ་ཆགས། །ཤིན་ཏུ་དྲི་ཞིམ་བྱུག་པ་མཆོག་འཆང་ཞིང་། །ས་བདག་བཙུན་མོ་
D3.007.0085b02.01ཟིལ་དངར་བཟང་ཆས་ཀྱིས། །སྣོད་བཀང་མགྱོགས་འགྲོ་མཆོག་ཕྱིར་འཛིན་པར་བྱེད། རྒྱལ་པོ་སྐྱེད་མོས་ཚལ་གྱི་སར་འགྲོ་བར་འདོད་པ་ལ་རྟ་ཅང་ཤེས་ཕུལ་བ་དང་། དེས་རྒྱབ་སྨད་ནས་རྒྱལ་པོས་འདུལ་སྦྱོང་བ་ལ་རྨས་པ། འདི་རྒྱབ་མི་ནའམ། དེས་སྨྲས་པ། ལྷ་བྲོ་མི་འཚལ་ཏེ།
D3.007.0085b03.01འདི་ལྟར་རྒྱལ་པོ་བཅིབས་དཀའ་བར་འགྱུར་སྙམ་ནས་དེའི་སླད་དུ་འདིས་རྒྱབ་སྨད་དོ། །རྒྱལ་པོས་ཞོན་ཏེ་སོང་བ་དང་། དེ་འགྲོ་བ་ན་ཆུ་བྱུང་ནས་དེ་དེ་ལ་མི་རྒལ་བ་དང་། རྒྱལ་པོས་འདུལ་སྦྱོང་བ་ལ་རྨས་པ། འདི་མི་འཇིགས་སམ། ལྷ་མི་འཇིགས་ཏེ་འདི་ལྟར་རྔ་མའི་ཆབ་ཀྱིས་རྒྱལ་པོ་
D3.007.0085b04.01གཤེར་བར་གྱུར་ན་མི་རུང་ངོ་སྙམ་པས་དེའི་སླད་དུ་རྒལ་བར་མི་བགྱིད་དོ། །རྒྱལ་པོས་དེའི་རྔ་མ་གསེར་གྱི་སྦུབས་སུ་བཅུག་པ་དང་དེ་དེ་ལས་རྒལ་ཏོ། །རྒྱལ་པོ་དེ་སྐྱེད་མོས་ཚལ་དུ་སོང་སྟེ་བག་མེད་པར་འདུག་པ་དང་། ཉི་འོག་གི་རྒྱལ་པོ་དག་གིས་རྒྱལ་པོ་ཚངས་བྱིན་སྐྱེད་མོས་ཚལ་དུ་སོང་ངོ་
D3.007.0085b05.01ཞེས་ཐོས་ནས། དེ་དག་ལྷགས་ནས་གྲོང་ཁྱེར་གྱི་སྒོ་དག་བཟུང་ངོ་། །རྒྱལ་པོ་ཚངས་བྱིན་གྱིས་ཉི་འོག་གི་རྒྱལ་པོ་དག་གིས་གྲོང་ཁྱེར་གྱི་སྒོ་དག་བཟུང་ངོ་ཞེས་ཐོས་ནས་དེ་རྟ་ཅང་ཤེས་ལ་ཞོན་པ་དང་། བཱ་རཱ་ཎ་སཱི་དང་སྐྱེད་མོས་ཚལ་གྱི་བར་དུ་རྫིང་བུ་ཚངས་ལྡན་ཞེས་བྱ་བ་ཨུཏྤ་ལ་དང་། པད་མ་དང་།
D3.007.0085b06.01ཀུ་མུ་ད་དང་། པད་མ་དཀར་པོས་ཁེབས་པ་ཞིག་གིས་ཆོད་ནས་རྟ་ཅང་ཤེས་ཀྱིས་བསམས་པ། རྒྱལ་པོ་རྒྱལ་རིགས་སྤྱི་བོར་དབང་བསྐུར་བ། གནོད་པ་དང་། ཉམ་ང་བ་དང་། ཕོངས་པར་གྱུར་པ་བདག་གིས་ཡལ་བར་དོར་བ་ནི་བདག་གི་ཚུལ་དང་མཐུན་པ་མ་ཡིན་ནོ་སྙམ་ནས། རྟ་ཅང་
D3.007.0085b07.01