完整藏文原文 · 德格版页 当前仅加载第 7 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བོས་སྨྲས་པ། དགེ་སློང་འདི་ནི་ངོ་ཚ་ཤེས་པ། འགྱོད་པ་དང་ལྡན་པ། བསྡམས་པ། བསླབ་པ་འདོད་པ་ཡིན་པས་ཁྱོད་ཀྱིས་འདི་ལ་གནོད་པ་ཅི་ཞིག་བྱར་ཡོད། ངེས་པར་འདིའི་ཟན་གཅད་པར་བྱའོ། །དེ་ནི་ནུས་སོ། །ཁྱིམ་བདག་ཅིག་གིས་དགའ་བོ་དང་ཉེ་དགའ་གཉིས་ཟན་
D3.007.0187b01.01ལ་མགྲོན་དུ་བོས་པ་དང་། ཉེ་{དགའས་,དགས་}བསམས་པ། དེང་ཆོས་འདིའི་ཟན་གཅད་པར་བྱའོ་སྙམ་མོ། །ཆོས་དགའ་བོའི་གན་དུ་སོང་སྟེ་སྨྲས་པ། མཁན་པོ་བདག་བསོད་སྙོམས་ལ་མཆི་བ་ཞུའོ། །དགའ་བོས་སྨྲས་པ། ཆོས་ཁོ་བོ་ཅག་དེང་ཁྱིམ་བདག་ཅིག་གིས་ཟན་ལ་མགྲོན་དུ་
D3.007.0187b02.01བོས་ཀྱིས་ཚུར་ཤོག་ལ་འདི་ཉིད་དུ་ཟན་ཟོ་ཤིག །ཆོས་ཀྱིས་སྨྲས་པ། བདག་མཁན་པོ་དང་ལྷན་ཅིག་སྔན་ཅད་མགྲོན་དུ་བོས་པ་འགའང་མཆིས་སམ། ཉེ་{དགའས་,དགས་}སྨྲས་པ། ཆོས་ཁོ་བོས་གཞན་ཐོས་ལ་གཞན་མཐོང་སྟེ། ཁོ་བོས་ཀོ་ཁྱོད་ངོ་ཚ་ཤེས་པ། འགྱོད་པ་དང་ལྡན་པ།
D3.007.0187b03.01བསྡམས་པ། བསླབ་པ་འདོད་པ་ཡིན་པར་ཤེས་ན་ཁྱོད་མཁན་པོས་མི་རུང་བའི་དངོས་པོ་ཡང་དག་པར་འཛིན་དུ་བཅུག་གམ། ཅི་ན་གང་གི་ཕྱིར་མཁན་པོའི་ཆོས་དང་ལྡན་པའི་ཚིག་གཅོད་པར་བྱེད། བཅོམ་ལྡན་འདས་ཀྱིས་འདུལ་བ་ལས་སློབ་དཔོན་དང་མཁན་པོས་བསྒོ་བ་ན་ཁས་བླང་བར་
D3.007.0187b04.01བྱའོ། །ཁས་མི་ལེན་ན་ཉེས་བྱས་སུ་འགྱུར་རོ་ཞེས་མ་གསུངས་སམ། དེ་དགེ་སློང་རབ་ཏུ་གྲགས་པས་སྨད་པས་ཅང་མི་སྨྲ་བར་འདུག་ནས། དེས་སྨྲས་པ། ལྷུང་བཟེད་དང་ཆུ་ཚགས་བླངས་ཏེ་མཆིའོ། །དགའ་བོས་སྨྲས་པ། དེར་ལྷུང་བཟེད་དང་ཆུ་ཚགས་ཀྱིས་ཅི་བྱ། དེར་སྣོད་བཀྲུས་
D3.007.0187b05.01པ་ལས་ཆུ་བཙགས་པ་དག་འཐོབ་ཀྱིས་ཚུར་ཤོག་འདོང་ངོ་། །ཆོས་དེ་གཉིས་དང་ལྷན་ཅིག་འཕགས་པ་དང་བསོད་སྙོམས་པ་ཞིག་གིས་མཐོང་ནས་དེས་སྨྲས་པ། ཆོས་གར་འགྲོ། མགྲོན་དུ་བོས་པར་འགྲོའོ། །ཟས་ཀྱི་ཚོད་ཤེས་པར་གྱིས་ཤིག །ཆོས་ཀྱིས་སྨྲས་པ། ཟན་ཟ་བར་འགྱུར་
D3.007.0187b06.01རམ། འོན་ཏེ་ཟན་བཅད་པར་འགྱུར་གཏོལ་མེད་དོ། །དེ་དེ་གཉིས་དང་ལྷན་ཅིག་མཉན་ཡོད་དུ་ཞུགས་པ་དང་། དེ་གཉིས་སྲང་དུ་དོང་སྟེ་ཚོང་ཁང་དུ་འཁོད་ནས་ཉེ་དགའ་ཁྱིམ་བདག་དེའི་ཁྱིམ་དུ་སོང་སྟེ་ཟན་ཟོས་ནས་ཕྱིར་འོངས་སོ། །དེའི་འོག་ཏུ་དགའ་བོ་ཡང་ཁྱིམ་བདག་དེའི་ཁྱིམ་དུ་སོང་སྟེ་
D3.007.0187b07.01