完整藏文原文 · 德格版页 当前仅加载第 7 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་ཟ་བར་མི་ནུས་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་གི་ནད་གཡོག་དག་གིས་ལག་པ་བསྙལ་ཏེ་བྱིན་ལེན་བྱས་ནས་ལྷན་ཅིག་འདུག་སྟེ་བཟའ་བར་བྱའོ། །དེ་དག་གི་ནད་གཡོག་དག་གཞོན་པ་ཡིན་ན་ཡང་དེ་དག་གིས་ཀྱང་དེ་བཞིན་དུ་བཟའ་བར་བྱའོ། །
D3.007.0206a01.01རྫོགས་པར་བསྙེན་པ་དག་མེད་ནས་བཅོམ་ལྡན་འདས་ཀྱིས་བཀའ་སྩལ་པ། རྫོགས་པར་མ་བསྙེན་པས་བཟའ་བར་བྱའོ། །ཇི་ལྟར་རྒན་པ་རྣམས་ལ་གསར་བུ་རྣམས་དང་། རྫོགས་པར་མ་བསྙེན་པ་རྣམས་ནད་གཡོག་བྱེད་པ་དེ་བཞིན་དུ་རྒན་པ་རྣམས་ཀྱིས་ཀྱང་གསར་བུ་རྣམས་དང་རྫོགས་
D3.007.0206a02.01པར་མ་བསྙེན་པ་རྣམས་ཀྱི་ནད་གཡོག་བྱའོ། །ཟླ་བའི་སྣང་བ་དང་། ཉི་མའི་སྣང་བ་བྱུང་ནས་དགེ་སློང་དག་འགྱོད་པས་ཉལ་བར་མི་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་ནི་ཐ་སྙད་དུ་བྱ་བ་མ་ཡིན་པས་ཉལ་བར་བྱ་སྟེ། འདི་ལ་འགྱོད་པར་མི་བྱའོ། །བཅོམ་ལྡན་
D3.007.0206a03.01འདས་ཀྱིས་གང་ཟག་རྫོགས་པར་མ་བསྙེན་པ་དང་ལྷན་ཅིག་ནུབ་གཉིས་ལས་ལྷག་པར་གནས་གཅིག་ཏུ་ཉལ་བར་མི་བྱའོ་ཞེས་བཀའ་སྩལ་ནས། དགེ་སློང་རྣམས་ཀྱིས་གང་ཟག་རྫོགས་པར་མ་བསྙེན་པ་དེ་དག་གཙུག་ལག་ཁང་ནས་ཕྱིར་ཕྱུང་ནས་ཆོམ་རྐུན་པ་དག་དང་། གཡོན་ཅན་དག་
D3.007.0206a04.01དང་། སེང་གེ་དག་དང་། སྟག་དག་དང་། གུང་དག་གིས་བགྲོད་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་གཙུག་ལག་ཁང་ནས་ཕྱིར་འབྱུང་བར་མི་བྱའོ། །དགེ་སློང་རྣམས་ཀྱིས་དེ་དག་ཁྱམས་ནས་ཕྱིར་ཕྱུང་བ་དང་། བཅོམ་ལྡན་འདས་ཀྱིས་བཀའ་སྩལ་པ།
D3.007.0206a05.01ཁྱམས་ནས་ཕྱིར་དབྱུང་བར་མི་བྱ་བར་འདི་ལྟར་ཉེན་ཀོར་དུ་སྤང་བར་བྱའོ། །དགེ་སློང་ཞིག་ལ་དགེ་ཚུལ་ཞིག་ཡོད་དེ་གཙུག་ལག་ཁང་དེར་དགེ་སློང་སྡིག་ཅན་འོངས་ནས་དེས་དགེ་ཚུལ་དེ་ལ་སྨྲས་པ། དགེ་ཚུལ་ཁྱོད་གང་དུ་ཉལ། དེས་སྨྲས་པ། སྒོ་གང་འདིར་རོ། །དགེ་ཚུལ་དེའི་མཁན་
D3.007.0206a06.01པོ་དེས་ཐོས་ནས། དེས་དགེ་ཚུལ་དེ་ལ་དྲིས་པ། ཁྱོད་སྨྲས་པ་དེ་ཅི། དེས་སྨྲས་པ། འདི་བདག་ལ་ཁྱོད་གང་དུ་ཉལ་ཞེས་འདྲིའོ། །མཁན་པོ་དེས་དགེ་ཚུལ་དེ་བདག་ཉིད་ཀྱི་གནས་ཁང་དུ་བསྙལ་ནས། མཁན་པོ་དེས་ཀྱང་འཆག་པ་དང་། འདུག་པ་དག་གིས་མཚན་མོ་འདའ་བར་
D3.007.0206a07.01