完整藏文原文 · 德格版页 当前仅加载第 7 函德格 131b 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་བ་དང་། བྲམ་ཟེ་དང་ཁྱིམ་བདག་དག་གིས་དེ་དག་མཐོང་ནས། དེ་དག་གིས་སྨྲས་པ། ཤེས་ལྡན་དག་ལྟོས་ཤིག་ལྟོས་ཤིག །དགེ་སྦྱོང་གཡུལ་འགྱེད་པས་ཆར་འབབས་པར་འགྱུར་རོ། །དྲུག་སྡེ་དག་གིས་སྨྲས་པ། དགའ་བོ་ཉེ་དགའ་སྤྱོད་ཡུལ་ཚིག་ཅིང་མེ་མདག་ཞི་བར་
D3.007.0131b01.01མ་གྱུར་གྱི་ཚུར་ཤེག་མཉན་ཡོད་དུ་འདོང་ངོ་ཞེས་དེ་དག་མཉན་ཡོད་དུ་དོང་ངོ་། །ལྷོ་ལམ་ནས་འཇིག་རྟེན་རྒྱང་འཕེན་པའི་རྒོལ་བ་འཆར་ཀ་ཞེས་བྱ་བ་མཉན་ཡོད་དུ་འོངས་ནས། དེ་འགྱེད་འདོད་པའི་འགྱེད་པའི་ཡོ་བྱད་ཀྱི་ཕྱིར། ཚེ་དང་ལྡན་པ་ཀུན་ཤེས་ཀཽཎྜི་ནྱའི་དྲུང་དུ་སོང་སྟེ་སྨྲས་པ། ཀྱེ་
D3.007.0131b02.01དགེ་སློང་ཁོ་བོས་བླ་མ་ལས་ཡི་གེ་ཉུང་ཤས་ཤིག་བླངས་ཏེ་དེའི་ཕྱིར་ཁོ་བོ་ཁྱོད་དང་ལྷན་ཅིག་གཏམ་རྣམ་པར་གཏན་ལ་དབབ་པ་བྱེད་པར་འདོད་དོ། །ཚེ་དང་ལྡན་པ་ཀུན་ཤེས་ཀཽཎྜི་ནྱས་སྨྲས་པ། བྲམ་ཟེ་ཁོ་བོ་ཁྱོད་དང་འགྱེད་པར་མི་འདོད་ཀྱིས་སོང་ཤིག །དེ་ནས་འཇིག་རྟེན་རྒྱང་འཕེན་པ་དེ་
D3.007.0131b03.01ཚེ་དང་ལྡན་པ་རྟ་ཐུལ་དང་། བཟང་ལྡན་དང་། རླངས་པ་དང་། མིང་ཆེན་དང་། གྲགས་པ་དང་། གང་པོ་དང་། དྲི་མེད་དང་། བ་ལང་བདག་དང་། ལག་{བཟངས་,བཟང་}ག་ལ་བ་དེར་སོང་སྟེ་དེ་དག་ལ་སྨྲས་པ། ཀྱེ་དགེ་སློང་ཁོ་བོས་བླ་མ་ལས་ཡི་གེ་ཉུང་ཤས་ཤིག་བླངས་ཏེ། དེའི་ཕྱིར་
D3.007.0131b04.01ཁོ་བོ་ཁྱོད་དང་ལྷན་ཅིག་གཏམ་རྣམ་པར་གཏན་ལ་དབབ་པར་བྱེད་པར་འདོད་དོ། །དེ་དག་གིས་སྨྲས་པ། བྲམ་ཟེ་ཁོ་བོ་ཅག་ཁྱོད་དང་འགྱེད་པར་མི་འདོད་ཀྱིས་སོང་ཤིག །དེ་ནས་འཇིག་རྟེན་རྒྱང་འཕེན་པ་དེ་ཚེ་དང་ལྡན་པ་ཤཱ་རིའི་བུ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཤཱ་རིའི་
D3.007.0131b05.01བུ་ལ་འདི་སྐད་ཅེས་སྨྲས་སོ། །ཀྱེ་དགེ་སློང་ཁོ་བོས་བླ་མ་ལས་ཡི་གེ་ཉུང་ཤས་ཤིག་བླངས་ཏེ། དེའི་ཕྱིར་ཁོ་བོས་ཁྱོད་དང་ལྷན་ཅིག་གཏམ་རྣམ་པར་གཏན་ལ་དབབ་པ་བྱེད་པར་འདོད་དོ། །ཚེ་དང་ལྡན་པ་ཤཱ་རིའི་བུས་འདི་ལ་དགེ་བའི་རྩ་བ་དག་ཅུང་ཟད་ཡོད་དམ་སྙམ་དུ་བསམས་ན་ཡོད་
D3.007.0131b06.01པར་མཐོང་ངོ་། །སུ་ལ་རག་ལས་སྙམ་ན། བདག་ཉིད་ལ་རག་ལས་པར་མཐོང་ངོ་། །འགྱེད་པས་འདུལ་བ་ཡིན་ནམ་སྙམ་ན། ཡིན་པར་མཐོང་ངོ་། །ཡུན་ཇི་སྲིད་ཀྱིས་འདུལ་བར་འགྱུར་སྙམ་ན། ཞག་བདུན་འདས་ནས་འདུལ་བར་འགྱུར་བར་མཐོང་ནས། ཚེ་དང་ལྡན་པ་
D3.007.0131b07.01