完整藏文原文 · 德格版页 当前仅加载第 7 函德格 115a 版页；藏文 NFD、目录标记与异常页序保留在来源切片中，重复版页行以稳定序号区分。
སྐུ་གཟུགས་མྱ་ངན་ལས་འདས་པའི་དཀྱིལ་འཁོར་དཀར་པོ་སྟོན་པར་བྲི་བར་བྱའོ། །རྫུས་ཏེ་སྐྱེས་པའི་སེམས་ཅན་ཟོ་ཆུན་རྒྱུད་མའི་ཚུལ་གྱིས་འཆི་འཕོ་བ་དང་སྐྱེ་བ་དག་ཀྱང་བྲི་བར་བྱའོ། །ཁོ་ར་ཁོར་ཡུག་ཏུ་རྟེན་ཅིང་འབྲེལ་པར་འབྱུང་བའི་
D3.007.0115a01.01ཡན་ལག་བཅུ་གཉིས་ལུགས་སུ་འབྱུང་བ་དང་ལུགས་ལས་བཟློག་པ་དག་བྲི་བར་བྱ་ཞིང་ཐམས་ཅད་མི་རྟག་པས་བཟུང་བར་བྲི་བར་བྱའོ། །ཚིགས་སུ་བཅད་པ་གཉིས་པོ། བརྩམ་པར་བྱ་ཞིང་དབྱུང་བར་བྱ། །སངས་རྒྱས་བསྟན་ལ་འཇུག་པར་བྱ། །
D3.007.0115a02.01འདམ་བུའི་ཁྱིམ་ལ་གླང་ཆེན་བཞིན། །འཆི་བདག་སྡེ་ནི་གཞོམ་པར་བྱ། །གང་ཞིག་རབ་ཏུ་བག་ཡོད་པར། །ཆོས་འདུལ་འདི་ལ་སྤྱོད་འགྱུར་བ། །སྐྱེ་བའི་འཁོར་བ་རབ་སྤངས་ནས། །སྡུག་བསྔལ་ཐ་མར་བྱེད་པར་འགྱུར། །ཞེས་བྱ་བ་ཡང་བྲི་བར་བྱའོ། །
D3.007.0115a03.01བཅོམ་ལྡན་འདས་ཀྱིས་སྒོ་ཁང་དུ་ཆ་ལྔ་པའི་འཁོར་ལོ་བྲི་བར་བྱའོ། །ཞེས་བཀའ་སྩལ་ནས། དགེ་སློང་རྣམས་ཀྱིས་སྒོ་ཁང་དུ་ཆ་ལྔ་པའི་འཁོར་ལོ་འདྲིར་བཅུག་པ་དང་། བྲམ་ཟེ་དང་། ཁྱིམ་བདག་དག་ལྷགས་ནས་འཕགས་པ་དག་བྲིས་པ་འདི་ཅི་ལགས་
D3.007.0115a04.01ཞེས་འདྲི་བ་ན། དེ་དག་གིས་ཁོ་བོ་ཅག་གིས་ཀྱང་མི་ཤེས་སོ་ཞེས་སྨྲས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེར་བྲམ་ཟེ་དང་། ཁྱིམ་བདག་འོངས་ཤིང་ལྷགས་པ་རྣམས་ལ་དེ་སྟོན་པར་འགྱུར་བའི་དགེ་སློང་བསྐོ་བར་བྱའོ། །བཅོམ་ལྡན་འདས་ཀྱིས་
D3.007.0115a05.01དགེ་སློང་བསྐོ་བར་བྱའོ་ཞེས་བཀའ་སྩལ་ནས། དེ་དག་བྱེ་བྲག་མེད་པར་བྱིས་པ་ཡང་རུང་། རྨོངས་པ་ཡང་རུང་། མི་གསལ་བ་ཡང་རུང་། མི་མཁས་པ་ཡང་རུང་བ་ལས་བསྐོ་བར་བྱེད་ནས་དེ་དག་བདག་ཉིད་ཀྱིས་ཀྱང་མི་ཤེས་ན་བྲམ་ཟེ་དང་ཁྱིམ་བདག་འོངས་ཤིང་
D3.007.0115a06.01ལྷགས་པ་རྣམས་ལ་སྟོན་པར་འགྱུར་བ་ལྟ་ག་ལ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ནུས་པ་ལས་བསྐོ་བར་བྱའོ། །རྒྱལ་པོའི་ཁབ་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་
D3.007.0115a07.01