完整藏文原文 · 德格版页 当前仅加载第 7 函德格 22a 版页；藏文 NFD、目录标记与异常页序保留在来源切片中，重复版页行以稳定序号区分。
མཆིས་སོ། །ཁྱིམ་བདག་ས་སྒྲེ་བོ་འདི་ལ་ཇི་ལྟར་ཉལ་བར་བྱ། འཕགས་པ་དག་བདག་གིས་དགེ་སྦྱོང་དང་བྲམ་ཟེ་བློ་བུར་དུ་ལྷགས་པ་རྣམས་ཀྱི་དོན་དུ་ཐག་རིང་པོ་ནས་རྩྭ་མང་པོ་བླངས་ཏེ་གདིང་བ་བཤམས་པར་གྱུར་པ་ལས། ཁྱེད་ཅག་ཉིད་ཀྱི་ཚངས་པ་མཚུངས་པར་སྤྱོད་པ་
D3.007.0022a01.01དག་ལྷགས་པར་གྱུར་ཏེ། དེ་དག་དེར་ཉལ་ནས་ནམ་མ་ནངས་པ་ཁོ་ནར་བདག་ལ་མ་དྲིས་པར་གདིང་བ་དེ་དག་ཕྱོགས་མི་གཙང་བར་བོར་ཏེ་དོང་ངོ་། །དེ་དག་དེར་ས་སྒྲེ་བོ་ལ་ཉལ་ཏེ་དོང་ངོ་། །དེ་དག་མཐར་གྱིས་རྒྱུ་ཞིང་འདོང་བ་ན་མཉན་ཡོད་དུ་ཕྱིན་ནས། དགེ་སློང་རྣམས་ཀྱིས་དེ་དག་མཐོང་ནས་
D3.007.0022a02.01སྨྲས་པ། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཇི་ལྟ་བདེ་བར་བརྒྱུས་སམ། དེ་དག་གིས་སྨྲས་པ། ཇི་ལྟར་བདེ་བར་བརྒྱུས། ས་སྒྲེ་བོ་ལ་མཚན་ཐོག་ཐག་འགྲེས་ལྡོག་སྟེ། ནམ་ནངས་སོ། །ཁྱེད་ཅག་རི་བྲགས་གང་དུ་ཞག །ག་གེ་མོ་ཞིག་ཏུའོ། །ཁྱིམ་
D3.007.0022a03.01བདག་གང་གི་སྡུམ་པར། ཆེ་གེ་མོ་ཞིག་གིའོ། །དེ་ན་དགེ་སློང་ཁ་ཅིག་གིས་སྨྲས་པ། ཁོ་བོ་ཅག་ནི་ཁྱིམ་བདག་དེའི་སྡུམ་པར་གདིང་བ་ལ་ཉལ་ཏེ་འོངས་སོ། །ཁྱེད་ཅག་གིས་གདིང་བ་དེ་གར་བཞག །ཕྱི་རོལ་དུ་བོར་རོ། །དེའི་ཕྱིར་ཁྱིམ་བདག་དེ་སྨོད་དོ་ཞེས་ཟེར་བའི་སྐབས་དེ་དགེ་སློང་
D3.007.0022a04.01རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་འདུག་པ་ལ་དྲི་བར་བྱ་སྟེ། གལ་ཏེ་འོར་ཅིག་ཅེས་ཟེར་ན་དོར་བར་བྱའོ། །གལ་ཏེ་མ་དོར་ཅིག་ཅེས་ཟེར་ན་དོར་བར་མི་བྱའོ། །རི་བྲགས་ཤིག་ན་གཙུག་ལག་ཁང་གནས་
D3.007.0022a05.01མལ་མེད་པ་ཞིག་ཡོད་པ་དེར། དགེ་སློང་རྣམས་ཀྱིས་དགེ་སློང་བློ་བུར་དུ་ལྷགས་པ་རྣམས་ཀྱི་དོན་དུ་ཐག་རིང་པོ་ནས་རྩྭ་མང་པོ་དག་བླངས་ཏེ་གདིང་བ་བཤམས་སོ། །དགེ་སློང་རབ་ཏུ་མང་པོ་དག་དོན་མཐུན་དང་ལྷན་ཅིག་ལྗོངས་རྒྱུ་ཞིང་འདོང་བ་ན་རི་བྲགས་དེར་ཕྱིན་ནས། དེ་དག་གཙུག་ལག་
D3.007.0022a06.01ཁང་དེར་ཞུགས་ནས་དེ་དག་གིས། དགེ་སློང་རྣམས་ལ་དྲིས་པ། ཚེ་དང་ལྡན་པ་དག་འདི་ན་གནས་མལ་ཅུང་ཟད་ཡོད་དམ། དེ་དག་གིས་སྨྲས་པ། ཡོད་དེ་འདི་ལྟར་ཁོ་བོ་ཅག་གིས། དགེ་སློང་བློ་བུར་དུ་ལྷགས་པ་རྣམས་ཀྱི་དོན་དུ། ཐག་རིང་པོ་ནས་རྩྭ་མང་པོ་བླངས་ཏེ་གདིང་བ་བཤམས་
D3.007.0022a07.01