完整藏文原文 · 德格版页 当前仅加载第 7 函德格 205b 版页；藏文 NFD、目录标记与异常页序保留在来源切片中，重复版页行以稳定序号区分。
བཀའ་སྩལ་པ། དགེ་སློང་དག་དགེ་ཚུལ་འདི་དག་ལ་ནི་མ་ཡང་མེད། ཕ་ཡང་མེད། བྱམས་པ་དང་མཛའ་བཤེས་ཀྱི་ཚོགས་གཞན་འགའ་ཡང་མེད་དེ། ཚངས་པ་མཚུངས་པར་སྤྱོད་པ་ཁྱེད་ཅག་འབའ་ཞིག་ཏུ་ཟད་ཅིང་འདི་དག་ནི་དགྲ་བཅོམ་པའི་སྒོ་ང་དང་ལྡན་པ་དག་ཡིན་ཏེ། གལ་
D3.007.0205b01.01ཏེ་ཁྱེད་ཅག་གིས་འདི་དག་ཡོངས་སུ་སྐྱོང་བར་མི་བྱེད་ན་གཞན་སུ་ཞིག་བྱེད་པར་འགྱུར། དགེ་སློང་དག་དེ་ལྟ་བས་ན་གང་ཟག་རྫོགས་པར་མ་བསྙེན་པ་དང་ལྷན་ཅིག་ནུབ་གཉིས་ཚུན་ཅད་གནས་གཅིག་ཏུ་ཉལ་བར་རྗེས་སུ་གནང་ངོ་། །དགེ་སློང་ཞིག་ལ་འཁྲུ་བའི་ནད་བྱུང་ནས་དེ་མུན་པའི་ནང་དུ་
D3.007.0205b02.01བཤང་བ་བྱེད་པ་ན་རྐང་པ་གཉིས་ལ་གོས་ནས་རྐང་པ་གཉིས་བརྐྱང་སྟེ་ཉལ་བ་དང་། དེའི་གན་དུ་ནང་པར་སྔར་དགེ་སློང་ལྷན་ཅིག་གནས་པ་དང་། ཉེ་གནས་དག་འོངས་ནས་དེ་དག་གིས་དྲིས་པ། མཁན་པོ་ཐུགས་བདེའམ། དེས་སྨྲས་པ། མི་བདེའོ། །ཇི་ལྟར་མི་བདེ། དེས་སྐབས་དེ་རྒྱས་པར་བརྗོད་
D3.007.0205b03.01ནས་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་སྣང་བ་བྱའོ། །སྣང་བ་བྱས་པ་དང་། དེ་འགྱོད་པས་མི་ཉལ་ནས་ཉེས་དམིགས་དེ་ཉིད་དུ་གྱུར་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཉལ་བར་བྱ་
D3.007.0205b04.01སྟེ། འདི་ལ་འགྱོད་པར་མི་བྱའོ། །དགེ་སློང་ནད་གཡོག་དག་འགྱོད་པས་མི་ཉལ་བ་ན་དེ་དག་ན་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་ཀྱང་ཉལ་བར་བྱའོ། །དེར་བྱིན་ལེན་སྟོབས་པས་བྱ་བ་བྱུང་ནས་བཅོམ་ལྡན་འདས་ཀྱིས་བཀའ་སྩལ་པ། རྫོགས་
D3.007.0205b05.01པར་མ་བསྙེན་པས་ཀྱང་དེར་ཉལ་བར་བྱའོ། །དེ་དག་ནུབ་གཉིས་འདས་ནས་ཕྱིར་འབྱིན་པར་བྱེད་པ་ན་ནད་པ་ལ་གནོད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ནུབ་གསུམ་པ་ལ་ཡང་ཉལ་བར་བྱའོ། །ནད་པ་འགྱོད་པར་གྱུར་ནས། བཅོམ་ལྡན་འདས་ཀྱིས་བཀའ་
D3.007.0205b06.01སྩལ་པ། འདི་ལ་འགྱོད་པར་མི་བྱ་བར་ཉལ་བར་བྱའོ། །ནད་གཡོག་དག་འགྱོད་པས་མི་ཉལ་ནས། བཅོམ་ལྡན་འདས་ཀྱིས་བཀའ་སྩལ་པ། ཉལ་བར་བྱ་སྟེ་འདི་ལ་འགྱོད་པར་མི་བྱའོ། །དགེ་སློང་གནས་བརྟན་དག་ན་བར་གྱུར་ནས་དེ་དག་ལངས་ཤིང་རང་ཉིད་ཀྱིས་བྱིན་ལེན་བྱས་
D3.007.0205b07.01