完整藏文原文 · 德格版页 当前仅加载第 7 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །ལོ་ཉི་ཤུ་མ་ལོན་ལ་དེས་མི་ཤེས། མི་དྲན། ཡིད་གཉིས་མི་ཟ་ཞིང་དེ་ལ་དགེ་སློང་རྣམས་ཀྱིས་མ་དྲིས་སམ། དྲིས་ཀྱང་ལན་མི་འདེབས་པ་ན་དགེ་སློང་རྣམས་ཀྱིས་གང་ཟག་དེ་དགེ་སློང་གི་དངོས་པོར་རྫོགས་པར་བསྙེན་པར་བྱེད་ན་གང་ཟག་དེ་ལ་དེའི་མོད་ལ་རབ་ཏུ་འབྱུང་བ་དང་རྫོགས་
D3.007.0285b01.01པར་བསྙེན་པ་དགེ་སློང་གི་དངོས་པོ་འཆགས་ཤིང་འགྲོགས་པ་དང་ལོངས་སྤྱོད་པ་ལ་ཡང་ལྟུང་བར་མི་འགྱུར་ལ། དེས་དགེ་འདུན་ལ་ནི་འགལ་ཚབས་ཅན་དུ་འགྱུར་རོ། །ལོ་ཉི་ཤུ་ལོན་ལ་ལོ་ཉི་ཤུ་མ་ལོན་པར་འདུ་ཤེས་ཤིང་དེ་ལ་དགེ་སློང་རྣམས་ཀྱིས་ཁྱོད་ལོ་ཉི་ཤུ་ལོན་ནམ་
D3.007.0285b02.01ཞེས་དྲིས་པ་ན་དེ་འདི་སྐད་ཅེས་བདག་ལོ་ཉི་ཤུ་མ་ལོན་ནོ་ཞེས་ཟེར་བ་ན་དགེ་སློང་རྣམས་ཀྱིས་གང་ཟག་དེ་དགེ་སློང་གི་དངོས་པོར་རྫོགས་པར་བསྙེན་པར་བྱེད་ན་གང་ཟག་དེ་དང་པོ་ཉིད་ནས་ལེགས་པར་རྫོགས་པར་བསྙེན་ཅིང་འགྲོགས་པ་དང་ལོངས་སྤྱོད་པ་ལ་ཡང་ལྟུང་བར་མི་
D3.007.0285b03.01འགྱུར་ལ། དེས་དགེ་འདུན་ལ་ནི་འགལ་ཚབས་ཅན་དུ་འགྱུར་རོ། །ལོ་ཉི་ཤུ་ལོན་ལ་ལོ་ཉི་ཤུ་མ་ལོན་པར་འདུ་ཤེས་ཤིང་དེ་ལ་དགེ་སློང་རྣམས་ཀྱིས་ཁྱོད་ལོ་ཉི་ཤུ་ལོན་ནམ་ཞེས་དྲིས་པ་ན། དེ་འདི་སྐད་ཅེས་བདག་གིས་ཤེས་ཤིང་དྲན་ལ་ཡིད་གཉིས་མི་ཟ་སྟེ། བདག་
D3.007.0285b04.01ལོ་ཉི་ཤུ་མ་ལོན་ནོ་ཞེས་ཟེར་བ་ན་དགེ་སློང་རྣམས་ཀྱིས་གང་ཟག་དེ་དགེ་སློང་གི་དངོས་པོར་རྫོགས་པར་བསྙེན་པར་བྱེད་ན་གང་ཟག་དེ་དང་པོ་ཉིད་ནས་ལེགས་པར་རྫོགས་པར་བསྙེན་ཅིང་འགྲོགས་པ་དང་ལོངས་སྤྱོད་པ་ལ་ཡང་ལྟུང་བར་མི་འགྱུར་ལ། དེས་དགེ་འདུན་ལ་ནི་
D3.007.0285b05.01འགལ་ཚབས་ཅན་དུ་འགྱུར་རོ། །ལོ་ཉི་ཤུ་ཡང་ལོན་ལ་ལོ་ཉི་ཤུ་ལོན་པར་ཡང་འདུ་ཤེས་ཤིང་དེ་ལ་དགེ་སློང་རྣམས་ཀྱིས་ཁྱོད་ལོ་ཉི་ཤུ་ལོན་ནམ་ཞེས་དྲིས་པ་ན། དེ་འདི་སྐད་ཅེས་བདག་ལོ་ཉི་ཤུ་ལོན་ནོ་ཞེས་ཟེར་བ་ན་དགེ་སློང་རྣམས་ཀྱིས་གང་ཟག་དེ་དགེ་སློང་གི་
D3.007.0285b06.01དངོས་པོར་རྫོགས་པར་བསྙེན་པར་བྱེད་ན་གང་ཟག་དེ་དང་པོ་ཉིད་ནས་ལེགས་པར་རྫོགས་པར་བསྙེན་ཅིང་འགྲོགས་པ་དང་ལོངས་སྤྱོད་པ་ལ་ཡང་ལྟུང་བར་མི་འགྱུར་ལ། དེས་དགེ་འདུན་ལ་ཡང་འགལ་ཚབས་ཅན་དུ་མི་འགྱུར་རོ། །ལོ་ཉི་ཤུ་ཡང་ལོན་ལ་ལོ་
D3.007.0285b07.01