完整藏文原文 · 德格版页 当前仅加载第 7 函德格 232a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་སྦྲུལ་དུག་དྲག་པོ་ལགས་སོ། །རྒྱལ་པོ་དེའི་ཆོས་ཉིད་ནི་གསད་པར་བྱ་བའི་མི་གང་གཞན་དྲིས་པ་ལ་ལན་གཞན་འདེབས་པར་བྱེད་དེ། ཇི་སྲིད་དུ་རྒྱལ་པོ་ལ་མ་ཞུས་ཀྱི་བར་དུ་རེ་ཞིག་གསོད་པར་མི་བྱེད་པས་བློན་པོ་རྣམས་ཀྱིས་རྒྱལ་པོ་ལ་སྨྲས་པ། ལྷ་མི་དེ་
D3.007.0232a01.01གཞན་དྲིས་ན་ལན་གཞན་འདེབས་པར་བགྱིད་དོ། །རྒྱལ་པོས་སྨྲས་པ། ཁྲིད་དེ་ཤོག་ཤིག །བློན་པོ་རྣམས་ཀྱིས་ཁྲིད་དེ་སོང་ནས། རྒྱལ་པོས་དྲིས་པ། ཀྭའི་ནང་རྗེ་ཁྱོད་ཅི་ཟེར། དེས་སྨྲས་པ། ཀུན་དགའ་བོ་སྦྲུལ་དུག་མྱུར་དུ་ཁྱབ་པར་བྱེད་པ་ཡིན་ནོ། །བཅོམ་ལྡན་འདས་
D3.007.0232a02.01སྦྲུལ་དུག་དྲག་པོ་ལགས་སོ། །ཀུན་དགའ་བོ་སྦྲུལ་དུག་མྱུར་དུ་ཁྱབ་པར་བྱེད་པ་ཡིན་ནོ། །བདེ་བར་གཤེགས་པ་སྦྲུལ་དུག་དྲག་པོ་ལགས་སོ། །རྒྱལ་པོས་སྨྲས་པ། ཀྭའི་ནང་རྗེ་སྨྲས་པ་དེའི་དོན་ཅི། ལྷ་ཇེ་མི་འཇིགས་པ་སྩལ་དུ་གསོལ། བྱིན་ནོ། །དེས་སྐབས་དེ་རྒྱས་པར་
D3.007.0232a03.01བརྗོད་ནས་འདི་སྐད་ཅེས་ཀྱང་སྨྲས་སོ། །གལ་ཏེ་སྦྲུལ་དུག་མྱུར་དུ་ཁྱབ་པར་བགྱིད་པས་བདག་ཟིན་པར་གྱུར་ན་བདག་གཅིག་པུ་དུས་ལ་བབ་པར་འགྱུར་བ་ཞིག་ན། སྦྲུལ་དུག་དྲག་པོས་བདག་ཟིན་པས་དེའི་སླད་དུ་བདག་དང་། ཉེ་དུ་དང་། ནོར་ཐམས་ཅད་ཀྱང་ཚུལ་མ་ལགས་པས་སྡུག་
D3.007.0232a04.01བསྔལ་བར་གྱུར་ཏོ། །དེའི་ཚེ་ན་ལུས་འཕགས་མའི་བུ་མ་ག་དྷཱར་བྱུང་བའི་རྒྱལ་པོ་མ་སྐྱེས་དགྲས་བཅོམ་ལྡན་འདས་ལ་དད་པ་ཐོབ་ནས་རིང་པོ་མ་ལོན་པས་དེས་སྨྲས་པ། ཀྭའི་ནང་རྗེ་ཁྱོད་བཅོམ་ལྡན་འདས་ལ་མངོན་པར་དད་དམ། ལྷ་མངོན་པར་དད་དོ། །དེ་ནས་ལུས་འཕགས་མའི་
D3.007.0232a05.01བུ་མ་ག་དྷཱར་བྱུང་བའི་རྒྱལ་པོ་མ་སྐྱེས་དགྲ་མཆི་མས་བརྣངས་པར་གྱུར་ནས། དེས་སྨྲས་པ། ཀྭའི་ནང་རྗེ་དེ་ཁྱོད་ཀྱིས་ཡིན་གྱི་སོང་ཤིག །དེ་ནས་རྒྱལ་པོས་ཞོ་ཤས་འཚོ་བ་རྣམས་ལ་བསྒོ་བ། མི་འདིའི་ཉེ་དུ་རྣམས་ཀྱང་ཐོང་ལ་འདིའི་ནོར་ཐམས་ཅད་ཀྱང་ཕྱིར་བྱིན་ཅིག །ཞོ་ཤས་འཚོ་
D3.007.0232a06.01བ་རྣམས་ཀྱིས་དེའི་ཉེ་དུ་རྣམས་ཀྱང་བཏང་། དེའི་ནོར་ཐམས་ཅད་ཀྱང་ཕྱིར་བྱིན་ནོ། །དེ་ནས་མི་དེ་འདི་སྙམ་དུ་སེམས་ཏེ། བདག་གི་ཁྱིམ་ན་དཔལ་དང་སྐལ་བ་བཟང་པོ་ཕུན་སུམ་ཚོགས་པ་གང་ཅུང་ཟད་ཅི་ཡོད་པ་དེ་ཐམས་ཅད་བཅོམ་ལྡན་འདས་ལ་བརྟེན་པ་ཡིན་པས་བདག་གིས་སངས་རྒྱས་
D3.007.0232a07.01