完整藏文原文 · 德格版页 当前仅加载第 7 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
མར་མེ་དེའི་འབྲུ་མར་ཡང་མི་རྟག་པ་ལགས། མར་མེའི་སྙིང་པོ་དང་། མེ་ལྕེ་དང་། སྣོད་ཀྱང་མི་རྟག་པ་ལགས་ལ། དེའི་འབྲུ་མར་མ་མཆིས་ཤིང་། ཞུན་མར་གྱི་སྙིང་པོ་དང་། མེ་ལྕེ་དང་། སྣོད་མ་མཆིས་ན་དེ་ལ་བརྟེན་པའི་སྣང་བ་གང་
D3.007.0055a01.01ལགས་པ་དེ་ཐམས་ཅད་དུ་མི་འབྱུང་བའི་སླད་དུའོ། །སྲིང་མོ་དག་དེ་བཞིན་དུ་ནང་གི་སྐྱེ་མཆེད་དྲུག་པོ་མི་རྟག་པ་འདི་དག་ལ་གང་འདི་སྐད་ཅེས་ནང་གི་སྐྱེ་མཆེད་དྲུག་པོ་མི་རྟག་པ་འདི་དག་ལ་བརྟེན་ནས་བདེ་བ་དང་། ཡིད་བདེ་བ་སྐྱེད་པ་གང་ཡིན་པ་དེ་རྟག་པ། བརྟན་པ་
D3.007.0055a02.01ཐེར་ཟུག་པ། རྣམ་པར་མི་འགྱུར་བའི་ཆོས་ཅན་ཡང་དག་པ་དེ་ཁོ་ན་བཞིན་དུ་གནས་པར་འགྱུར་རོ། །ཞེས་ཟེར་ན་དེ་སྐད་ཅེས་ཟེར་བ་དེ་ཡང་དག་པར་སྨྲ་བ་ཡིན་ནམ་བཙུན་པ་དགའ་བྱེད་མ་ལགས་སོ། །དེ་ཅིའི་སླད་དུ་ཞེ་ན། བཙུན་པ་དགའ་བྱེད་བདག་ཅག་གིས་དང་པོ་ཉིད་
D3.007.0055a03.01ནས་ཇི་ལྟར་ནང་གི་སྐྱེ་མཆེད་དྲུག་པོ་འདི་དག་མི་རྟག་པ་དེ་ལྟར་ཡང་དག་པའི་ཤེས་རབ་ཀྱིས་ཡང་དག་པ་ཇི་ལྟ་བ་བཞིན་དུ་མཐོང་ཞིང་། བདག་ཅག་གིས་སེམས་ཀྱང་ཇི་ལྟར་ཆོས་དེ་དང་དེ་དག་སྐྱེས་པས་ཆོས་དེ་དང་དེ་དག་སྐྱེ་བར་འགྱུར་ཞིང་། ཆོས་དེ་དང་དེ་དག་འགགས་པས་ཆོས་
D3.007.0055a04.01དེ་དང་དེ་དག་འགག་པར་འགྱུར་བ་དང་། ཉེ་བར་ཞི་བར་འགྱུར་བ་དང་། བསིལ་བར་འགྱུར་བ་དང་། ནུབ་པར་འགྱུར་བ་དེ་ལྟར་དེ་ལ་མོས་པའི་སླད་དུའོ། །སྲིང་མོ་དག་ལེགས་སོ་ལེགས་སོ། །སྨས་པ་དེའི་དོན་ནི་ཇི་ལྟར་ནང་གི་སྐྱེ་མཆེད་དྲུག་པོ་འདི་དག་མི་རྟག་ཅིང་
D3.007.0055a05.01ཆོས་དེ་དང་དེ་དག་སྐྱེས་པས་ཆོས་དེ་དང་དེ་དག་སྐྱེ་བར་འགྱུར་ཞིང་། ཆོས་དེ་དང་དེ་དག་འགགས་པས་ཆོས་དེ་དང་དེ་དག་འགག་པར་འགྱུར་བ་དང་། ཉེ་བར་ཞི་བར་འགྱུར་བ་དང་། བསིལ་བར་འགྱུར་བ་དང་། ནུབ་པར་འགྱུར་བ་དེ་ཁོ་ན་བཞིན་དུ་བལྟ་བར་བྱའོ། །སྲིང་
D3.007.0055a06.01མོ་དག་འདི་ལྟ་སྟེ་དཔེར་ན་ཤིང་ལྗོན་པ་ཆེན་པོ་རྩ་བ་དང་ལྡན་པ། སྡོང་པོ་དང་ལྡན་པ། སྙིང་པོ་དང་ལྡན་པ། ཡལ་ག་དང་། ལོ་མ་དང་། མེ་ཏོག་དང་། འབྲས་བུ་དང་ལྡན་པའི་རྩ་བ་ཡང་མི་རྟག་པ་ཡིན། སྡོང་པོ་དང་། སྙིང་པོ་དང་། ཡལ་ག་དང་། ལོ་མ་དང་།
D3.007.0055a07.01