完整藏文原文 · 德格版页 当前仅加载第 7 函德格 247b 版页；藏文 NFD、目录标记与异常页序保留在来源切片中，重复版页行以稳定序号区分。
གོ་ཞེས་དེས་གཞུ་དེ་རས་བལ་གྱི་གཞུ་བཞིན་དུ་བདུངས་ཏེ་རྒྱུད་སྒྲ་སྦྲེངས་པ་དང་། སྟེང་གི་ནམ་མཁའ་ལ་བྱ་རོག་གི་ཚོགས་རྒྱུ་བར་བརྩམས་ནས་འཆར་ཀས་སྨྲས་པ། ཇི་ལྟ་ཇེ་བྱ་རོག་འདིའི་རྐུབ་ཏུ་བསྣུན་ལ་ཁར་དབྱུང་བར་བྱའམ། འོན་ཏེ་ཁར་བསྣུན་ལ་རྐུབ་ཏུ་དབྱུང་བར་བྱ་དེ་དག་གིས་
D3.007.0247b01.01སྨྲས་པ། འཕགས་པ་རྐུབ་ཏུ་བསྣུན་ལ་ཁར་དབྱུང་དུ་གསོལ། འཆར་ཀས་ཤར་ཕྱོགས་ཀྱི་སྟེང་གི་ནམ་མཁའ་ལ་མདའ་གཅིག་འཕངས་ཤིང་ལྷོ་དང་ནུབ་དང་། བྱང་ཕྱོགས་ཀྱི་སྟེང་གི་ནམ་མཁའ་ལ་ཡང་མདའ་རེ་རེ་འཕང་བ་དང་། བྱ་རོག་དེས་ཁ་གྱེན་དུ་ཕྱོགས་ཏེ་འགྲོ་བར་བརྩམས་
D3.007.0247b02.01ནས། འཆར་ཀས་དེའི་ཕྱི་བཞིན་མདའ་གཅིག་འཕངས་པས་རྐུབ་ཏུ་བསྣུན་ཏེ་ཁར་ཕྱུངས་ནས་བྱ་རོག་དེ་ས་ལ་ལྷུང་བ་དང་། དེ་དག་ཡ་མཚན་སྐྱེས་ནས་སེམས་ཁོང་དུ་ཆུད་ཅིང་འཁོད་དོ། །འཆར་ཀས་སྨྲས་པ། བུ་དག་བཟོ་འདི་ལྟར་བསླབ་པར་བྱ་བའམ་ཡང་ན་སློབ་དཔོན་གཞན་
D3.007.0247b03.01བཙལ་བར་བྱའི་འབྲས་བུ་མེད་པའི་སྦུན་པ་ཕྱར་ཞིང་འཁོད་དེ་ཅི་རུང་ཞེས་སྨྲས་ཏེ་སོང་ངོ་། །དེ་དག་སེམས་ཁོང་དུ་ཆུད་ཅིང་འཁོད་པ་དང་ཇི་ཙམ་ན་དེ་དག་གི་སློབ་དཔོན་འོངས་ནས་དེས་སྨྲས་པ། ཁྱེའུ་དག་ཅིའི་ཕྱིར་སེམས་ཁོང་དུ་ཆུད་ཅིང་འཁོད། གཡོན་འཕོངས་དང་། གཡས་
D3.007.0247b04.01འཕོངས་དང་། མདའ་ལྔ་འཕང་བ་བྱོས་ཤིག་དེ་དག་ལག་པ་གཉིས་འདྲིལ་བར་བྱེད། བཞིན་སྒྱུར་བར་བྱེད་པ་དང་སློབ་དཔོན་གྱིས་སྨྲས་པ། ཁྱེའུ་དག་སྔོན་མ་བྱུང་བའི་རྣམ་པར་འགྱུར་བ་འདི་ལྟ་བུ་བྱུང་ན་འདིར་འགའ་ཞིག་འོང་བར་མ་གྱུར་ཏམ་མཆིས་སོ། །སུ་འཕགས་པ་འཆར་
D3.007.0247b05.01ཀའོ་དེས་ཅི་བྱས། མདའ་ལྔ་འཕང་བ་བགྱི་ནས་བྱ་རོག་འདིའི་རྐུབ་ཏུ་བསྣུན་ནས་ཁར་ཕྱུང་ངོ་། །དེས་སྨྲས་པ་ཁྱེའུ་དག་བྱང་ཆུབ་སེམས་དཔའ་འཕོང་གི་དཔོང་ས་གང་དུ་འཕོང་བསླབས་པར་གྱུར་པ་དེར་དེས་ཀྱང་བསླབས་ཏེ་གལ་ཏེ་དེ་རབ་ཏུ་བྱུང་བར་མ་གྱུར་ན་འཛམ་བུའི་གླིང་མཐའ་དག་
D3.007.0247b06.01ཏུ་འཕོང་གི་སློབ་དཔོན་གྱི་མཆོག་ཏུ་འགྱུར་རོ། །འོན་ཀྱང་ཁོ་བོས་ཅི་ཤེས་པ་རེ་ཞིག་ཁོ་བོ་ལས་སློབས་ལ་ལྷག་མ་གཞན་ལས་སློབས་ཤིག །དེས་བསམས་པ་དེ་ཡང་དང་ཡང་དུ་བདག་ལ་མཐོ་འཚམ་པར་འགྱུར་བས་བདག་གིས་དེ་མི་དགའ་བར་བྱའོ་སྙམ་ནས་དེས་ཁྱེའུ་དེ་དག་
D3.007.0247b07.01