完整藏文原文 · 德格版页 当前仅加载第 7 函德格 83b 版页；藏文 NFD、目录标记与异常页序保留在来源切片中，重复版页行以稳定序号区分。
རྐང་པ་གཉིས་ལ་ལྕེས་བལྡག་པར་བརྩམས་པ་དང་། རྫ་མཁན་དེ་རྟེའུ་དེ་ལ་རྗེས་སུ་ཆགས་པ་སྐྱེས་ནས་དེས་དེ་ཁྲིད་དེ་ཁྱིམ་དུ་སོང་ངོ་། །དེ་ལ་ཆུང་མས་སྨྲས་པ། རྗེའི་སྲས་ཁྱོད་ཀྱིས་དེ་ལས་ཅུང་ཟད་ཐོབ་བམ། རྟེའུ་འདི་ཐོབ་བོ། །མ་ནོངས་སོ། །ཁྱོད་ནི་རྫ་མ་བྱེད་པར་འགྱུར་ལ་
D3.007.0083b01.01འདིས་ཀྱང་གཅོག་པར་འགྱུར་རོ། །རྟེའུ་དེ་ཆུང་མའི་རྐང་པ་གཉིས་ལ་ཡང་ལྕེས་བལྡག་པར་བརྩམས་པ་དང་། ཆུང་མ་དེ་ཡང་རྟེའུ་དེ་ལ་རྗེས་སུ་ཆགས་པ་སྐྱེས་སོ། །རྟེའུ་དེ་རྫ་མ་སོ་བཏང་བ་དང་མ་བཏང་བ་དག་གི་ནང་དུ་འགྲོ་བ་ན་རྫ་མ་འགའ་ཡང་མི་གཅོག་ནས་རྫ་མཁན་དེས་ཆུང་མ་ལ་
D3.007.0083b02.01སྨྲས་པ། རྟེའུ་བཟང་པོ་ཞིག་སྟེ་ཤེས་བཞིན་དུ་འགྲོ་བར་བྱེད་དོ། །དུས་གཞན་ཞིག་ན་རྫ་མཁན་དེ་སྒྲོ་བ་ཐོགས་ཏེ་ས་ལེན་དུ་སོང་བ་དང་། རྟེའུ་དེ་ཡང་དེའི་ཕྱི་བཞིན་ཐོག་ཐག་འབྲང་ཞིང་འོངས་སོ། །རྫ་མཁན་དེས་སས་སྒྲོ་བ་བཀང་བ་དང་། རྟེའུ་དེས་རྒྱབ་བཟེད་ནས། རྫ་མཁན་དེས་
D3.007.0083b03.01སའི་སྒྲོ་བ་དེ་རྟེའུ་དེའི་རྒྱབ་ཏུ་བཀལ་ནས་དེས་དེ་ཁྲིད་དེ་ཁྱིམ་དུ་འོངས་ནས་རྫ་མཁན་དེས་ཆུང་མ་ལ་སྨྲས་པ། བཟང་མོ་རྟེའུ་བཟང་པོ་ཞིག་སྟེ། ཁོ་བོས་ཕྱིན་ཆད་ས་བསྐུར་དགོས་པར་མི་འགྱུར་རོ། །ཁོ་བོས་དེར་ས་དགལ་བར་བྱས་ཁྱོད་ཀྱིས་འདིར་ཕོག་ཤིག་ཆུང་མ་དེ་ལེགས་སོ་ཞེས་རྟེའུ་དེ་
D3.007.0083b04.01ལ་ཕུབ་མ་དང་སྲན་ཕུབ་དག་བྱིན་ནོ། །དེའི་ཚེ་ན་བཱ་རཱ་ཎ་སཱི་ན་རྒྱལ་པོ་ཚངས་བྱིན་ཞེས་བྱ་བས་རྒྱལ་སྲིད་འབྱོར་པ། རྒྱས་པ། བདེ་བ། ལོ་ལེགས་པ། སྐྱེ་བོ་དང་མི་མང་པོས་གང་བ། ཐབ་མོ་དང་། འཐབ་པ་དང་། འཁྲུག་ལོང་དང་། ནང་འཁྲུག་རབ་ཏུ་ཞི་བ། ཆོམ་རྐུན་དང་། མུ་གེ་དང་
D3.007.0083b05.01ནད་དང་བྲལ་བ། སཱ་ལུ་དང་། བུ་རམ་ཤིང་གི་ཕྲེང་བ་དང་། བ་ལང་དང་། མ་ཧེ་ཕུན་སུམ་ཚོགས་པ་བྱེད་དུ་བཅུག་སྟེ་ཆོས་དང་ལྡན་པ་ཆོས་ཀྱི་རྒྱལ་པོས་ཆོས་ཀྱི་རྒྱལ་སྲིད་བྱེད་དུ་བཅུག་གོ། །དེའི་རྟ་ཅང་ཤེས་དུས་ལ་བབ་ནས་ཉི་འོག་གི་རྒྱལ་པོ་རྣམས་ཀྱིས་རྒྱལ་པོ་ཚངས་བྱིན་གྱི་རྟ་ཅང་ཤེས་
D3.007.0083b06.01དུས་ལ་བབ་པོ་ཞེས་ཐོས་པ་དང་། དེ་དག་གིས་དེ་ལ་ཡང་ན་ནི་སྒྱུ་དཔྱ་འཇོལ་ཅིག་ཡང་ན་ནི་བཱ་རཱ་ཎ་སཱིའི་ཕྱི་རོལ་གྱི་སྐྱེད་མོས་ཚལ་དུ་མ་བྱུང་ཤིག །དེ་ལྟ་མི་བྱེད་ན་གཉའ་བ་ནས་བཏགས་ཏེ་བཀྲིའོ་ཞེས་ཕྲིན་སྤྲིང་ངོ་། །རྒྱལ་པོ་ཚངས་བྱིན་དེ་དག་ལ་སྒྱུ་དཔྱ་འཇལ་བར་ཡང་མི་བྱེད། འཇིགས་པས་
D3.007.0083b07.01