完整藏文原文 · 德格版页 当前仅加载第 7 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་སོ། །དེ་ནང་པར་སྔར་ལངས་ནས་དགེ་སློང་ལྷན་ཅིག་གནས་པ་དང་། ཉེ་གནས་དག་འོངས་ཏེ་དྲིས་པ། མཁན་པོ་ཐུགས་བདེའམ། དེས་སྨྲས་པ། མི་བདེའོ། །ཅིའི་སླད་དུ། དེས་སྐབས་དེ་རྒྱས་པར་བརྗོད་པ་དང་། དེ་དག་གིས་སྨྲས་པ། མཁན་པོ་བཅོམ་ལྡན་
D3.007.0206b01.01འདས་ཀྱིས་སྐྱེས་བུ་དམ་པ་ནི་གཉིས་ཏེ། གང་ཁུར་མ་བླངས་པ་ལེན་པར་མི་བྱེད་པ་དང་། གང་ཁུར་བླངས་པ་མཐར་ཕྱིན་པར་བྱེད་པའོ་ཞེས་བཀའ་སྩལ་པས་ཁུར་བླངས་པ་འདི་མཐར་ཕྱིན་པར་བགྱི་འཚལ་ལོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་།
D3.007.0206b02.01བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་གནས་པར་ཁས་མ་བླངས་པ་རྣམས་ཀྱི་ནང་དུ་དགེ་སློང་སྡིག་ཅན་འོངས་ཤིང་དགེ་སློང་སྡིག་ཅན་དེ་རེ་ཞིག་སྐྲོད་པར་ནུས་ན་དེ་བསྐྲད་པར་བྱའོ། །གལ་ཏེ་སྐྲོད་པར་མི་ནུས་ན་དགེ་ཚུལ་ཁྲིད་དེ་གཙུག་ལག་ཁང་གཞན་དུ་འགྲོ་བར་བྱའོ། །གལ་ཏེ་
D3.007.0206b03.01གནས་པར་ཁས་བླངས་པ་རྣམས་ཀྱི་ནང་དུ་དགེ་སློང་སྡིག་ཅན་འོངས་ཤིང་དགེ་སློང་སྡིག་ཅན་དེ་སྐྲོད་པར་ནུས་ན་དེས་བསྐྲད་པར་བྱའོ། །གལ་ཏེ་སྐྲོད་པར་མི་ནུས་ན་དགེ་ཚུལ་དགེ་སློང་མཛའ་བོའི་གན་དུ་གཞག་པར་བྱའོ། །གལ་ཏེ་དགེ་སློང་མཛའ་བོ་མེད་ན་གནས་གཅིག་ཏུ་ལྷན་ཅིག་ཟླ་བ་གསུམ་
D3.007.0206b04.01འདའ་བར་བྱའོ། །དགག་དབྱེ་བྱས་ནས་གལ་ཏེ་དགེ་སློང་སྡིག་ཅན་དེ་སྐྲོད་པར་ནུས་ན་དེ་བསྐྲད་པར་བྱའོ། །གལ་ཏེ་མི་ནུས་ན་དགེ་ཚུལ་ཁྲིད་དེ་གཙུག་ལག་ཁང་གཞན་དུ་འགྲོ་བར་བྱའོ། །དགེ་སློང་དག་ལམ་དུ་འདོང་བ་ན་དེ་ན་དགེ་ཚུལ་ཡང་འདོང་ནས་དགེ་སློང་རྣམས་ཀྱིས་དགེ་ཚུལ་དེ་
D3.007.0206b05.01དག་ནུབ་གཉིས་འདས་ཤིང་དོན་མཐུན་གྱི་ཕྱི་རོལ་དུ་འབྱིན་པར་བྱེད་པ་ན་དེ་དག་ཆོམ་རྐུན་པ་དག་དང་། གཡོན་ཅན་དག་དང་། སེང་གེ་དག་དང་། སྟག་དག་དང་། གུང་དག་གིས་བགྲོད་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཕྱི་རོལ་དུ་དབྱུང་བར་མི་བྱ་བར་འདི་ལྟར་དོན་མཐུན་
D3.007.0206b06.01གཉིས་སུ་བྱའོ། །དོན་མཐུན་གཉིས་སུ་བྱས་པ་དང་། དེ་དག་དཔུང་ཆུང་བས་ཆོམ་རྐུན་པ་དག་དང་། གཡོན་ཅན་དག་དང་། སེང་གེ་དག་དང་། སྟག་དག་དང་། གུང་དག་གིས་བགྲོད་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་དོན་མཐུན་དཔུང་ཆུང་ན་
D3.007.0206b07.01